|
|
|
 |
 |
|
 |
الإهداءات |
|
 |
 |
 |
 |
 |
 |
 |
 |
 |
|
|
|||
|
|
|||
 |
|||
|
|
|||
|
|
|||
|
|
|||
|
|
|||
 |
 |
 |
 |
 |
|
|
|
 |
|
 |
 |
 |
|
 |
|
 |
 |
 |
|
 |
|
 |
 |
|
 |
 |
-
تعديل اهداء
|
 | |||||||||||||||||||||||||
 |
|
 |
 |
|
|
|
|
|
|
|
|
|
|
|
|
03-02-2010, 06:51 AM
|
رقم المشاركة : 1 | |||||
|
أهداء إلى القصيم وأهله الكرام
بسم الله الرحمن الرحيم يا سعـدهـا بحكم فيصلهـا وفيصلها *** فيصـل بن بـنـدر الصنديـد والـيـهـا وفيصل بن مشعل الشغموم جملهّـا *** نسل الملوك الـلي عريبـه مجانيهـا هذه القصيدة قلتها في بلدان القصيم وأهلها وتطرقت إلى رجال (العقيلات) ونخوتهم (أولاد علي) ورحلاتهم في العهد الماضي عندما كانوا يجوبون الديار لقصد التجارة ويحضرون المؤن والأرزاق لبلادهم فتذكرّت ماضي هذا البلد ورجاله الذين يطلق عليهم لقب ( العقيلات ) وهم من قبائل شتى فقلت هذه القصيدة في القصيم وأهله عامة من الحاضرة والبادية فإلى أمراؤه وأعيانه وكافة أهله أهدي هذه القصيدة : مبـداي بالـلي أرزاق الخـلـق كـافـلهـا *** رب الخلايق بديع الكـون باريهـا ذريـة آدم عـلى المخـلـوق فـضـلّـهـا *** وما كنّت صدورهـا يعلم خـوافيهـا الخـالـق الـلـي لـنـا الأنـعـام حـلـلـهـا *** مـن مـد جـوده عباده دوم يعطيها ومن بعد ذكره بدعت أشعار قايـلهـا *** منظوم من خاطري والفكر يمليها أخـتـار من عـذب القوافي صمايلهـا *** عن نقد سامعها وعن نقد قـاريهـا قيفان بأهـل الفخـر تلقى بمحافـلهـا *** مـن يفتهم مقصدي يـدرك معانيهـا قيفـان نظمتهـا مـا أبـغـي مـقـابلهـا *** بـأهـل الديـار الـذي بالحيل نغـليهـا أزكى التحية مـن الأعماق مرسلهـا *** تحيـة مـن صميـم الجـاش مهديهـا سلام يا حضـر القـصيـم وقـبـايـلهـا *** الـلي سكن بالقرى والـلي حواليها سلام لشخوص القصيم وحمـايـلهـا *** سـلام لأعـيـانـها وجملـة عوانيهـا سـلام يـا بـلاد القـصيـم ومـنـازلهـا *** سـلام يا ساكـن الـديـرة وأهـاليـهـا سـلام لسـوار القصيـم ومـداخـلـهـا *** سـلام لـبـروجـهـا وعـالـي مبانيهـا سلام لخـبـوب القصيـم ومساهـلهـا *** سـلام لجـبـالـهـا وشامـخ روابـيهـا سلام لغـروس القصيـم ومشاتـلهـا *** سـلام لـرمـالـهـا والـلي نـبـت فيـهـا سلام لفيـاض القصيم وخـمـايـلـهـا *** سـلام لـرياضهـا ومـربـع مفـالـيهـا سـلام لعـدود القـصيـم ومـنـاهـلـهـا *** سـلام لـحـجـارهـا وتـلاع واديـهــا دارالكـرامـة يـعـل السيـل يـدهـلـهـا *** رب الملأ من مزون الغيث يسقيها مـن ديـمـةٍ نـاشيـة تـرزم مخـايلهـا *** بالهاطل اللي جذوع القشع يحييهـا الـعـوني الشاعـر المشهـور مثـلهـا *** تشبه خلوج ندب بالصوت راعيها يـوم اخلجت دارهم جوها بواسلهـا *** بسيـوف مـن دم الأعـادي تحنيـهـا لا صالت جموعها وخابت عواذلها *** ما نال من دارهم من صال باغيها أولاد عـلي عـنـاد الخصم يـزعلهـا *** أن حان وقت اللقاء ما أحد يلاقيها وأن كان نارالوغى شبت مشاعلها *** يا ويل وقت اللقاء من هـو يعاديهـا تحمي حمى الـدار والثارات تدبلهـا *** يوم الحرايب بغـالي الروح تفديها دار الأسود الـلي تشّـرف فـعـايـلهـا *** دار الرجال اللي من الضد تحميهـا دار الرجـال الـلي كثيـره فـضايـلهـا *** الكـل يـفخـر بـهـا لا حـل طـاريـهـا دار الرجال اللي عـلى سلم أوايـلهـا *** الـلي عـلى الطايلـه طالـت يمانيها دار الـرجـال الـلي قديـمه مراجـلهـا *** عـزوة عقيل الـلي بعـيـده مداليهـا دار الـرجـال الـلي تجـوب بقوافلهـا *** مـا ديـره الا رجـال عـقيـل تـأتـيهـا الـديـرة المخصبـة تجـلـب مكـايلهـا *** وتفرج لناس زمان الجوع ترجيها تشهد لهـا نجـد مـا تنسى جمـايلهـا *** مـن كل الأنـواع بالمـونـة اتغـذيهـا يوم القصى بالسفر تتعـب رواحلهـا *** فـوق النجايب بعيـد الـدار تطويهـا الهند والسند ربـع عـقيـل توصلهـا *** وبلاد غـزه تـدوّج فـي ضـواحـيهـا ما هي سياحة لأجل مشاهـد الملهـا *** لكـن تجـارة لـوازم نجـد تـشـريهـا أوقـاتـهـا بطـاعـة الرحمن تشغلهـا *** ومجالس تجـلـب الهـاشل قهاويهـا أهل مضايف ما عن الضيف تقفلها *** قـوم بعـصر الجفا تـنـدى صيانيهـا تنسب لهـم أطيـب الأفعـال وأجزلها *** نعـم الرجـال الـلي بعـيده هـقاويهـا يا مكثر اللي عروض المال سبلها *** ما هو رياء يرجي من الله حسانيهـا تعـتـز بسلومهـا وتحسن تـعـامـلهـا *** والكل يفخـر بهـا ويشكر مساعيها أشيـد فـي مدحهـا والـنعـم يشملهـا *** فـوارس تـرهـب العـايـل عـزاويهـا وصف الفعايـل حقيقة مـا أتخيـلهـا *** سوالف عقيل كـل النـاس تـرويهـا أبي أخبر اللي سلوم عقيل يجهلهـا *** مـن شاد بالمـدح والتمجيـد يعنيهـا أمجـادهـم مبـطي التـاريخ سجـلّهـا *** كانت حديث العرب عنها بـنواديهـا قـوم مـن اخلاصها بيض فـوايـلهـا *** بـقلـوب رب الـمـلأ للخـيـر هـاديهـا تـمسّك بـديـنهـا وتخلص لعـاهـلهـا *** الـلي شعوب الوطن حقـق أمـانيهـا أنعم على الأصدقاء واعـداه ذلـلهـا *** ورجـالـه المخلصه طبعـه يكافـيهـا جل المناصب من القصمان شكلهّـا *** واثق من اخلاصها ويعرف تفانيها سادات والـلي يسود القوم عاقـلها *** أفـعـالهـا بأعـلى المراتـب تعـلـيهـا يـوم أبـو تركي أيـاد الشـر كـبـلـهـا *** طوّع عتات العرب وأنهى مغازيها قاد المسيرة وسار الليـث بأولـهـا *** حتى أثبت حدودها وحـدد موانيهـا المقـرني عـزهـا وحـلـل مشاكلـهـا *** حكـم وشرع الـولي طبّـق مبـاديهـا الحاكـم الـلي صحاري نجـد حوّلهـا *** ابعـد ظـلام الدجـا ونـوّر صحاريها والـلي الأمانة على الأمتان تحملها *** أنجـال صقـر العـرب ربـي يقويهـا هم عـزها ومجدها وقادت جحافلها *** ضد الطغـاة وضد من شار مغويهـا مـن أسـرة نـالـت الأمجـاد بـكمـلهـا *** يشهـد لهـا بالفخـر تاريخ ماضيهـا الـلـه عـلـى خـدمـة البيتيـن وكـلهـا *** مـن فـضـل رب المـلأ كـلـن يهنيها بالحق الأبلج هـل الريـبـة تجـادلهـا *** وأهل الغوى والعيا تقطع عـلابيهـا وأعـود وارجـع للقصيـم أتـنـاولهـا *** مهما بديت الثـنـاء مـا أظـن أوفيها يا سعـدهـا بحكم فيصلهـا وفيصلها *** فيصـل بن بـنـدر الصنديـد والـيـهـا حكم بالأنصاف والبلدان ما اهملهـا *** به تفتخر حضرها وتفخـر بواديهـا وفيصل بن مشعل الشغموم جملهّـا *** نسل الملوك الـلي عريبـه مجانيهـا والكل منهم قصارى الجهـد يبـذلهـا *** نـتايـج جهـودهـم بـانـت مـواريهـا وصلواعلى اللي علوم الدين فصّلها *** المصطفى مرشـد الأمـة وقاضيها مع عاطر تحياتي الحارة عبدالله بن دهيمش بن عبار العنزي القصيم البطين يا مكثر آخر تعديل عبدالله بن عبار يوم 03-07-2010 في 09:44 AM.
|
|||||
|
|
03-02-2010, 07:22 AM
|
رقم المشاركة : 2 | |||||
|
ملاحظة ما ورد من أشارة ( الخلوج بالقصيدة ) هي أشارة لقصيدة العوني المسماه الخلوج وهي من أشهر القصائد |
|||||
|
|
|
03-02-2010, 01:27 PM
|
رقم المشاركة : 3 | |||||
|
أديبنا العزيز حفظك الله ورعاك وأمد بأيامك بالصحة والعافية .. |
|||||
|
|
|
03-02-2010, 03:52 PM
|
رقم المشاركة : 4 | |||||
|
من للقبائل مثل عبدالله بن عبار ... من للقبائل مثل أبا مشعل ... من للقبائل مثل ابن عبار ... من للقبائل أديب ومؤرخ وشاعر وناقد وباحث ومؤلف.... |
|||||
|
|
|
03-02-2010, 04:22 PM
|
رقم المشاركة : 5 | |||||
|
مؤرخناوأديبنا العزيز حفظك الله ورعاك وأمد بأيامك بالصحة والعافية .. مثلك يستحق الإكرام ، فأنت من الرجال النادرين القلائل في هذا الزمان .. وأهلنا في القصيم يستحقون المدح والثناء على خصالهم العربية الحميدة ، فأنعم بهم رجالات حق ودين وكرم وهم أهلٌ لكل مكرمة .. وصح الله لسانك وأعلا شآننا وشآنك وأدامك بالصحة والعافية . |
|||||
|
|
|
03-02-2010, 06:09 PM
|
رقم المشاركة : 6 | |||||
|
الأخوة محمد بن دوهان وأبا وائل الوائلي والوحداني : أشكركم جميعاً على تفاعلكم مع هذه القصيدة التي هي جهد المقل نحو هذا الجزء العزيز من بلادنا الحبيبة ولكي لا نتهم بالتحيّز إلى بلد دون الآخر فأن لي بالرياض ذكريات جميلة حيث قضيت بها أكثر سنوات العمر وبمناسة أختيار الرياض عاصمة الثقافة العربية لعام 2000م قلت هذه القصيدة : عام الألفين صارت عاصمتنا الحبيبه ** * بالأدب والثـقافـة عاصمـة للعـروبـة يا منـار المعـارف والفـنـون الأديـبـه *** أمـة الضاد كلـه تفتخـر بـك شعـوبـه مهرجـان الثـقـافـة للعـرب تلتـقي بـه ** من مشارق وطـنا للشمال وجنـوبـه راية المجد ترفع فـوق راس الجذيبه *** مثـل ضوح المنارة بالظلام اقتدوبـه يا الرياض المريفة بالفياض العشيبه *** يالمروج المريـة يا مقـر الخصـوبـه يا ريـاض الكرامة والرجال الصليبـه *** مقحميـن الدبايـل يـوم للملح شـوبـه دار ذخـر المواطـن بالسنين العصيبه *** بالعـزوم الـقـويـة يلتقـون الصعـوبه لابـة اشبال مقـرن ما رضوا بالغـليبه *** يردعون المعاند والخصيم بطشوبه هم سطـام العنيد ومـن تـردى نصيبه *** في احكام الشريعة نال اشد العقـوبه الفـعـايـل تشـّرف والمناسب عـريبـه *** كاسبيـن النـفـايـل والمعـالي رقـوبـه هم مصادر فخرنا وجدهم نعـتزي بـه *** كل شعـب الجزيرة باللزوم انتخوبـه بـاني المجـد الأول نفخـر بعـلم طـيبـه *** علم تاريخ مجـده بالسجـلة قـروبـه وقلت أيضاً بالرياض العاصمة : يا رياض الشهامه والنفـوس الأبيـه *** يا بـلاد المكـارم والـكـرم والضيافـه عاصمـة مملكتنـا قـلب نجـد العـذيـه *** هي منار المعـارف والأدب والثقافـة عـاصمتـنا الجميلـة نحمد الله نقــيـه *** بالجـمال الطبيعـي والعـذا والنظـافـه الـريـاض العـريقـة بالمعـالـم غـنيـه *** لو نعـدد فخـرها فاق نشر الصحافـه من ولاهـا الإمـام واصبحت مقرنيـه *** كـل تاريخ سجـل مجـدهـا باعـترافـه قبل حكم ابن مقرن عادت الجاهليـه *** والجهل والمجاعة والدجل والخرافه قبـل قرنين كانـت قـاحـلة جـرهـديـه *** الـقـرايـا وقـاري والـبـوادي مخـافـه يوم عصرالحرايب كل عـصبه قويه *** تأخذ حق الضعيف وتنعته بالضعافـه ثـم سـاد الأمـان وعـم كـل الـرعـيـه *** والمليك المفـدى شـال عـنـا الكـلافـه صار شعب الجزيرة كلهم من سميه *** والشعوب العزيزة ما يجوز اختلافـه واحمـد الله نفـلنـا بالفخـر والحـميـه *** ومن سعى للمعزة دوم تسمو اهدافه زال عصر الشقاوة والحيـاة الشقية *** والسنين الخـوالي ما عـليها حسافـه مع تحيات عبدالله بن دهيمش بن عبار العنزي آخر تعديل عبدالله بن عبار يوم 03-02-2010 في 08:36 PM.
|
|||||
|
|
|
03-02-2010, 07:04 PM
|
رقم المشاركة : 7 | |||||
|
ماشاء تبارك الله عليك يا أبامشعل فأنت حقا محيط الشعر وأنت أهل له.... وعاصمتنا الحبيبة الرياض ومقر حكومتنا الرشيدة هي الأساس القلب النابض والمركز لحاكم لمملكتنا الحبيبة وهي غالية على قلوبنا جميعا .... آخر تعديل عبدالله بن عبار يوم 03-02-2010 في 08:38 PM.
|
|||||
|
|
|
03-04-2010, 12:17 PM
|
رقم المشاركة : 8 | |||||
|
ملاحظة الرجاء من الأخوة الذين نسخوا القصيدة المهداة إلى القصيم وأهله مراعاة القصيدة المنشورة بدل الأولى حيث بلغت ستون بيتاً وأدخلنا عليها بعض التعديل بحيث تلائم لمقام من قيلت به للمعلومية وشكراً للجميع آخر تعديل عبدالله بن عبار يوم 11-08-2022 في 05:49 PM.
|
|||||
|
|
|
03-04-2010, 12:34 PM
|
رقم المشاركة : 9 | |||||
|
أديبنا ومؤرخ قبائل ربيعة العزيز .. |
|||||
|
|
|
03-05-2010, 07:38 AM
|
رقم المشاركة : 10 | |||||
|
الأخ الفاضل محمد بن دوهان : بخصوص الشمال فأنني قد قلت بالقبيلة عشرات الملاحم والقصائد ولم أتطرق للديار ألا ما قل ونظراً لكثرة هذه القصائد فهي منشورة بأشرطة وكتب وفي هذا الموقع وحيث أن أهل الشمال بادية يعرفون بقبائلهم فقد أكتفيت بما قلت عن تاريخ القبيلة وأمجادها بقصائد مطولة وبالأمكان الأطلاع على الملاحم الوائلية في باب ( ملاحم من الشعر في مجد القبيلة ) المنشور في هذا الموقع وشكراً آخر تعديل عبدالله بن عبار يوم 11-08-2022 في 05:49 PM.
|
|||||
|
|
|
|
|
|
|
|
|
|
| ||||||||||||||||||||
|
|
|
|
العرض العادي
|
|
 |
|
 |
