قالوا سكوت وقلت هاقد سكتنا
أي احسن السكوت والا الكلامي...

قالوا تعم ربوعنا يبهتتنا
ليختلط غبارها والغمامي...

قلت الأمور اللي كذا اخرتنا
نرجع وراء والناس تمشي امامي...

نطيعها في كل شي وعصتنا
فﻻ شكر وﻻ شوي احترامي...

تمكنت بقلوبنا فابعدتنا
عن الصواب وعن طريق السلامي...

اول مراحل نصرها فرقتنا
بوادر للضعف والانهزامي...

والمشكلة كنا بهالحال متنا
على اختلاف الرأي والانقسامي...

سوف تروح لغيرنا تركتنا
وحنا علينا وزرها والأ ثامي...

و يالله تحسن بالوراء خاتمتنا
ليا انتقلنا يم دار المقامي...

وصلوا على اللي دعوته نورتنا
وبها عرف ماهو حلال وحرامي...

رسالة الاسلام فيها نعتنا
ونبينا الخاتم وهي الختامي...

علي ثاني الطويلعي