ويلان من ويلان عز ومهابه - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

11-07-2013, 10:00 AM

قال الذي يختار معنى جوابه
يختار جزلات البيوت الجزيله
مازان من زين التماثيل جابه
ويعز نفسه عن ابيوتٍ هزيله
شاعر مع الشعار يحسب احسابه
يسرج مع الفرسان بالشعر خيله
اما بعد ياعارفين الاجابه
ياعزوتي ياعز واغلا قبيله
ويلان من ويلان عز ومهابه
ويمانهم بالمد ماهي بخيله
بايام شدات الرشاء واكترابه
اهل ايدينٍ بالفعايل طويله
يوم المغازي والمعايش انهابه
ياما كسبتم من انياقٍ جليله
على النقاء بالفعل جتكم اكسابه
كسبٍ بالايدي بالسيوف الصقيله
وعاداتكم عز الخوي والقرابه
ورفيقكم والجار يحما دخيله
والطيب واضح بالردى مايتشابه
قولٍ صحيحٍ واضحٍ في دليله
وصلوا على خير البشر والصحابه
اعداد ماهل المطر من مخيله

والمعذره يابو مشعل على التأخير
وكذلك المعذره عندما طلبت مني نسخه من هذه القصيده بعد القائي لها امامكم بمنزل الأخ فضي ماضي الغضوري
حيث لم يوجد معي نسخه في حينه حفظكم الله ورعاكم