جـت رسالـة في خبـر للقلب خـارع *** وافجعـتني بالخـبـر والسـد بـاحـي
فـات لـيـلي ساهـر ولـلهـم أصـارع *** بس أسوهج مثل مكسور الجناحي
الحـزن فـي كـل بـيـت وكـل شـارع *** يا حسافـه يـوم كسر البيت طـاحي
يـرحـم الـلـه مـن تـوفى بالأضـارع *** مـن شيـوخ رويـل هـزاع المناحي
الحـمادي فـي مجـال الطيـب بـارع *** بالكـرم مشهـور فـي كـل النـواحي
والجمايـل غـرسهـا مثـل المـزارع *** مـا تـبـذر لكـود بالـقـاع الـبـراحــي
دوم أبـو ممـدوح للجـزلـه أيسارع *** شـاد بجـهـودي ولا يجـحـد كفـاحي
باب أبو ممدوح طول الوقت فـارع *** بالمساء تلفي ضيوفـه والصباحي
طبـع أبـو ممـدوح للجـزلـة ايسارع *** دوم يسعى بـيـن ربـعـه بالصـلاحي
نـفـخـر بماضيـه والفـعـل المضارع *** مـا حصى طيبـه سجـلاّت الطـلاحـي
ومن دنـا يومه يجيه المـوت هـارع *** البـكـاء مـا يـفيـد ولا فـاد الصياحي
ليت الموت لباب خطواللاش قارع *** ليت لـو روحه فـدت طيـر الفلاحي
ليت اللي يطحـر من النعمة ايتـارع *** يسلم الطيّـب وهـو يـمـحـاه مـاحي
لا نخيتـه قـام فـي ريـقـه ايجـارع *** وأن عزمته جاك من بعد الضواحي
الـردي لـو كـان مفـتـول المـذارع *** مـا سوى قرشين لـو طوله شناحي
يـقـمح الـلي بالردى كوبـان دارع *** ضاع منـه السلم وأيدينه اشحاحي
كـل طـيّـب منـزلـه بالريـف مـارع *** والـزلابــه مـنـزلــه سـم ذحــاحـي
الـزمـان الـروس خـلاهــا كــوارع *** والهبيلة صـار هـذا اليـوم صـاحي
الإهداءات
04-21-2011, 09:01 AM
مرثية الشاعرابن عبار في هزاع الحمادي
العرض الشجري
