أفراح العبار
في مساء لخميس االخامس عشر من شهر ذو الحجة اقيم حفل بهيج في قصر الألماسة بالجنادرية بالرياض بمناسبة
زواج أبننا محمود بن عبدالله بن دهيمش العبار حضرة جمع غفير من الأقرباء والأصدقاء وأنشدوا الأبناء وائل بن
عبدالله وأحمد بن عبدالله هذه القصيدة من شعري على طاروق الدّحة وهي مخصصة لهذا الحفل وأقيمت لعبة الدحّة
التراثية وصوّر الحفل قناة الشامخ وهذه القصيدة :
رحـّب يا قصــر بــزوارك *** هـلا بالـلي معنـا شارك *** نـقـول لمحمـود مـبـارك *** عـسى يـرفـل بالسعـاده
محمـود الـلي عادل نهجه *** لطيف وعفيف المهجه *** لعـلّـه بسرور وبـهجـه *** ولــعــلّـه يـنـول مـــــراده
الليـلـه زادت فـرحـتــنـا *** بالـلي شـرفتـوا حـفـلتـنـا *** أنـتـم شرفنـا وعـزتـنـا *** لـكـم بـالـمـراجـل عـاده
يا هلا بكل الـلي جونـا *** شـرفتـونـا واسعـدتونـا *** وفـي فـرحـنـا شاركـتونـا *** عـون القـرابه واسنـاده
يالعزوة يـوم اجتمعـنـا *** صيروا صف ودحّوا معنا *** نبهج صدر اللي يسمعنا *** بالشعـر وتلحين انشـاده
الـدحـه مبـطي لعـبتنـا *** نـلـعـبهـا حـزّت ونستنـا *** وبـعـدهـا تـأتـي حـنـدتـنـا *** حنـدات أهلنـا الحـنـاّده
نـاخـذ بـالـدّحـه تعـليـله *** وبـالّـدحـه يحـيون الـليله *** الــدّحــه سـلــم الـقـبـيــلـه *** كـلن وارثـهـا مـن اجـداده
من عصر مسلم مع بشر *** عـنـاز بعـادتهــا خشـر *** فـخــرهــا تـاريـخـه نشـر *** يفوق أوصاف القصاده
حـنـا عـنـزة عـزوة وايل *** مـنــا شـيـخـان وحـمايـل *** من يمدحـنا راسه طايل *** مـا يخـشى لـوم النـقـاده
تشهـد بالتاريـخ الـحـرّه *** نـكعـم مـن يـبـلانـا بـشرّه *** وأن كانه حـضر أخو مرّه *** حــنــا لـعــدانــا جـلاّده
يـوم الـلي يسـوق ظـعـنـه *** نــدوج بــوديــان بـدنـــه ألــف وأربــع مـيــة سـنــه *** نسكن فـي خـيبـر وبـلاده
لـكـن يـوم إنـا كـثـرنـــــا *** فـي كـل بــلاد انـتـشـرنــا *** بـجـناهـا والـلـه نـصرنـا *** والمجـد اعـتلينـا شداده
عصـر المغـازي والفتنـه *** تـلاشى وانتهـى حـتـنـه *** في حـكم الـلـي شال بمـتـنه *** حمل شعـوبـه بالسـياده
آل سعـود أهل الشجـاعه *** منزلهـم راس الـرفـاعـه *** ولأوامرهم سمـع وطـاعـه *** حـكّــام ولــلأمــة قـــاده
والـخـتـام اخـتـم كـلامي *** بـجـملـة تـحـايـا وسلامي *** وصلاتي مسـك الـخـتـامي *** على اللي يهدي بارشاده
وقال عبدالله بن دهيمش بن عبار هذه الأبيات من شعر الحنده بمناسبة زواج
الأبن الشاب محمود بن عبدالله بن دهيمش العبار :
يا عسى محمـود يـفـرح وايتهـنـا *** نطلب الله يا عسى يكمـل سروره
بالفرح يصدح شجي الصوت غنّا *** يطـرب الولهان وايهيّض شعوره
بـالـقـنـاه الـلي صاحبها يـعـد منـا *** صورت بالمحتفل لقطـات صـوره
أبـو مرشـد لا طـلـبـتـه مـا تـونـــا *** شهم وأفعالـه مع الربع مخبـوره
فـي قـنـاة الشامخ الفـرصه تسنـا *** تغـطيتهـا عـامـه ماهي محكـوره
دحّـة الـويـلان تـعـزف فـي لحـنـا *** كـل محـفـل فـيـه دحتنـا معموره
هي اساس تـراثنـا مـن يـوم حـنـا *** بالبيوت الـلي زمانـه فـات دوره
نـرفـع الـرايـه عـلى المقدم وكـنّـا *** الطفـل لا شب نلعـب في طهوره
ويا هـلا ويا مـرحبـا بالـلي تـعـنـا *** من حضر معنا يشرفنا بحضوره
هـلا بـالـلي لشوفهـم دوم انتمـنـا *** ذربة العـزوة من أشبال النموره
بـالـفـخـر رجـالـهـم دوم أيـتـكـنّـا *** نفتخـر بأفعالهم عـنـد الضروره
من أحـفـاد الـلي يفكـون المجـنّـا *** كـان حـل بدارهم وقت الخطوره
ونطلب الـلـه ربـنـا ينصـر وطّـنـا *** وأحمد الرحمن عـز خوان نوره
فـي ضـل آل سعـود آمـنـا وسكنّـا *** نـنـعـم وأيـادي الـشّـر مخـفـوره
الإهداءات
07-17-2022, 04:59 AM
قصائد في حفل زواج الأبن محمود
العرض الشجري
