عشـره تـواصـوا بالـمكــايـد عـلـيـه *** تضـاعـفـونـي قـصـدهـم مـحــقــريـه
حـيـث الخـطأ والظلـم عـيب وجنيـه *** ونفس الرجل على المصايب صبوره
خـمسـه مـهـمتهـم خـتـوم وتواقيـع *** وخـمسـه مهـمتهـم تـوسـط وتـقـنـيع
وعـبـر الـوسايل يكتبـون المواضيع *** والـكـل مـنـهــم صـار قــايـم بــدوره
غـرر بهـم من كان قـصده خضوعي *** مقصـوده يـحـرّض عـلـيـه ربـوعي
لـكـن بـدأ لـلـحـق يـنـسـاق طـوعـي *** بـأمـر الـزعيـم الـلي طويله اشبـوره
الـلـه يـعـز الـلي حـكـمـوا بالشريعـه *** الـلـي لـهـم كـل الـقـبـايـل مـطـيـعــه
سـادوا عـلـى كـل الـبـلاد الـوسيـعـه *** مـن ديـرة الجـوبـه لـديـرة شــروره
نـايـف حـكـم بـيـن الـطـليب وطليبـه *** الحـاكـم الـعـادل عـسى الـلـه يـثيـبـه
تـعـميـم نـايـف مـن تجـاهـل دريـبـه *** وكلـن بـأمـر نـايـف تـزوّد بـصــوره
يـقــول مـا تـقـبـل دعـاوي مـزاعـم *** لابــد لـلـدعــوى مـن الـصّـدق داعــم
عـدل الكهـول استـورثـوه البـراعـم *** رضـيـعـهـم بـالـحـق نـفسـه غـيـوره
يـسـلـم اللي لأهــل الـبـغـي دوم والـم *** عـدلـه يـعـدّل كــل طــاغــي وظـالــم
عــســاه يــبـقـى دايـم الــدوم سـالـم *** مـن صـكـتـه سـود الـليـالـي يـزوره
حـاكـم وينجـب مـن صماصيم حاكـم *** قال اهجدوا يا أهل الطغّى وش بلاكم
نـفـزع لـمـن جـرتـوا عـليه وشكاكم *** والـلي سـعى للظـلـم يـلـزم حضـوره
أن كان راعي صاحب الحق أو شيخ *** مـن عـال لـه عـنـده رزالـه وتـوبيخ
اشـبـال مـقـرن مـن قـديـم التـواريخ *** الـنـمـر عـقـب فـي عـريـنـه نـمـوره
وفيصل أبن بنـدر جـلا الغبن والظيم *** حيثـه صـدح بالحـق واصـدر تعاليـم
تطبـيـق الـلي نصّت عـليـه التعـاميم *** وحنا تحت حكم الـزعيـم أخـو نـوره
مـا يقبـلـون الكـذب والظـلـم والهيف *** المعـتـدي يـردع الـيـاعـال بالسيـف
بحكم العدل يقضون من دون تسويف *** هم ملتجأ شعـب الجـزيره وسـوره
لـولا عـدال الحـكـم ضاعـت حـقوقـي *** لاشـك صـاروا لأهـل الظـلـم عـوقي
سـّدوا عـلـى الـظـلاّم كـل الـطـروقـي *** ومن خالـف الـواقع تلاشى غـروره
الـلي وقـفـوا بالكـيـد ضـد أبـن عبـار *** الحسـد ولـع فـي مـعـالـيـقـهـم نــار
قـالـوا كـلام ولفـقّـوا هـرج مـا صـار *** مقصودهم يـبـون جـرحـت شعـوره
مـا فـاد كـثـر الـبـلـبـلـه والـشـكـاوي *** تـاريــخــنــا يـرويــه راوي لــراوي
حـنـا عـنـزه لـنــا جــدود وعــزاوي *** وكـل الـعـلـوم الـلي ذكـرت مخبـوره
والـلـي يـبـي جـد الـقـبـيـلـه أعـــاره *** لـومـه عـلـى الـلي وهـمـه بالعبـاره
تـاريـخـنـا مـن دور هـاجــر وســاره *** جميع بـاحـث سجـلّـه فـي اسطـوره
ذاك الـكـتـاب لـكــل عــزوة ربـيـعــة *** أسـد وثـم أكـلـب وايـضـاً ضـبـيـعــه
الـجـد مـا يـدخـل بـسـوق الـمبـيـعــه *** والـلـي يــزوّر بــان زيــفــه وزوره
جـهـدي لـربـعي طـول مـدّت حياتـي *** حـاول جحـوده مـن جـحـد منجـزاتي
لـكـن خـسـر مـا نـال كـود الشماتـي *** الـلـه كـفـانـي شــر كــيــده وجــوره
بشرى لـلي مـن عـزوتي شجعونـي *** رب الملأ أنصفني من الـلي ظلموني
حـيـث أدعـيـت بحـق والـلـه بعوني *** ولا نـتـرك الماجـوب عـنـد الضروره
بـأمـر الـولي مـا يغلـب الحق باطـل *** والشرع مـا حـكمه لـك الـلـه عـاطـل
والـلي نـوى بـالحـق الأبـلـج يماطل *** مـن فـضـل ربـي مـا تـسـنّـع أمــوره
والـشـكـر لـلـه ثـم لـلـي احـكـمــونـا *** نـلـجـأ لـهـم كـان الخـصـوم ظلمـونـا
عـادوا سلـيـب حـقـوقـنـا وانصفونـا *** فـرحـت ضميـر المستظيـم وسروره
اللـه عوين اللي من المظلم مضهود *** والـلي ظـلـم حـظـه مـعـثّـر ومقـرود
ما ينجح الـلي مقصده حسد واحقود *** والحـق مـن فضل الولـي بـان نـوره
وآخــر كــلامـي يـالـرجـال الـكـرامي *** أخبـرتكـم يـا عـزوتـي عـن عـلامي
الـحـمــد لـلـمـولـى تـحـقـق مــرامـي *** وأهـل الحسد بـأمـر الكريـم معثوره