صاروخ توماهوك تاديب وإشعار
رسالة لإيران وايضا مع الروس

ومن بعدها مافيه تبرير واعذار
وتحرك أمريكا في الوضع محسوس

ياليت توماهوك في راس بشار
موجهن للطاغيه فيه ممسوس

يازين تأديبه قبل سابق انذار
شاف الصحيح وردة الفعل كابوس

والله يلولا الروس وإيران منهار
من أول الثوره على اﻷرض مديوس

تلقاه هارب من زمن مخلي الدار
واﻷ يحاكم داخل السجن مكبوس

سجل له التاريخ بصمه من العار
من بوتن المجرم يشجع ومحروس

ماحد سبق مثله باﻹجرام ماصار
مصاص دم وبالقتل صايبه هوس

كل العرب من سبته صابها أضرار
ماعاد رئيس صار للفرس مريوس

أباد شعبه وأحرق المدن بالنار
الي قتل والي في السجن محبوس

الشعب يبي حاكم عادل بار
لو إن هذا بالجماهير ميئوس

نهير رخيص.