الكفاح من اجل عنزة
( الكفاح والتوضيح من أجل عنزة بالحجة والبرهان )
اهداء إلى من حرّفوا نسب عنزة لعلهم يرعوون :
يالـلي تلـوم أن كنـت غـلطـان لمـني *** أن كـان قـولـك حـق مـاني بلايمـك
وكـانـك بتحـريـف النسـب تـتهـمـني *** لـومك عـلى الـلي بالهرابيد وهمّك
مـن يـفهـم أنسـاب القبيلـه فـهـمـني *** وأن كنـت جاهـل بالحقايـق انعـلمك
جـميع منصـف بالمشاعـر دعـمـني *** غيـر أنـت يا قطاع زندك ومعصمك
يا حيف أنا بك خـاب ظـني وخـمـني *** أنـكـرت مجهودي عسى الله يسلمك
الـلـي حـفـظ أمـنـك تـكــفّـل بـأمـنـي *** واللي حكمني قاضي العـدل حاكمك
كانـك تريـدني أحتـرمـك احتـرمـني *** أعرض وشين الهرج لايلفظه فمك
لـلـه حسيـب الـلي بـقـولـه ظـلمني *** الـلي جـداه الـزور والهيـف والنمّـك
هـرج التجـني والخطـأ مـا هضمني *** ولا اوافق اللي يدمكون النسب دمك
عـن الـزلـل رب الخـلايـق عصمني *** الـلي سماه بـلا عمـد سامكـه سمـك
لمحة موجزة عن تنقلات وتواجد قبيلة عنزة
صارت شـواميـت العـرب تـزدريـنـا *** سبـايـب الـلـي بالقـصص فـشلـونـا
خاضوا وضافـوا جـد بـه مـا دريـنـا *** ومحـوا سوابـق مجدنـا وأنـكـرونـا
وايـل جـديـلـه بالـنسـب مـا يـجـيـنـا *** وش مقصـد الـلي بالكلام اشغلـونـا
وايـل جـديـلـه فـي ضـنـاه الـتـقـيـنـا *** بالـجـد أسـد الـغـاب بـه سـلسلـونـا
وايـل جـديـلـه مـالـه الـعــرق فـيـنــا *** حـتـى ولــو بـالـلـهــزمـه دخـلّـونـا
الـلـهــزمـة مـنـهـا قـديـم انـتـهـيـنـا *** وش جـاهـم لـجـد الحليـف انسبونـا
وحـنـا بـغـيـر جـدودنـا مـا رضـيـنــا *** نـرفـض ولا نـقبـل بتـغيـيـر أبـونـا
حـنـا لـوايـل جـدنــا مـا نـسـيـنــــــا *** ولا نطاوع اللي لأبن قاسط عـزونـا
حـنـا عـلـى درب الأوايـل مـشـيـنــا *** واجـدودنـا بـأنـسـابـنـا عـلـمــونــــا
حـنـا عـنـزة بأرض المجـازه نـشينا *** مبـطي هـل التاريخ فـيهـا اذكـرونـا
ومنهـا عـلى الـدار الخصيبة نـوينـا *** عـيـن التـمـر ديـرة جـديـلـة أخـونـا
فـيـهـا بـعـصـر الجـاهـلـيـة ربــيـنــا *** لـكـن بـني العـبـاس عنهـا ابعـدونـا
ثـارت بـهـا الفـتـنـة وعـنهـا جـلـينـا *** وبـحـدود دار الـمـصطـفى نـزلّـونـا
ومـن حـيـنهـا بـوديـان خيبـر بقينـا *** الـلـي لـنـخـلـهـا جـدودنـا ورثـونـــا
ومـن خـيبـر لـنـجـد الـعـذيـه لـفينـا *** هي ساس دار جدودنا الـلي انجبونا
زدنـا وكـثـرنـا بـدار نـجـد وقـويـنـا *** وكـل القبـايـل والشعـوب اعـرفـونـا
مـن ديـرة البصره إلى حـدود سينـا *** صلـنـا وجلـنـا والعـدا مـا أرهـبـونـا
ولـنـا حـواضـر بـالـقـرى ساكـنـينـا *** منـذ القـدم نـدري بـهـم مـا خـفـونـا
طـلـنـا وبـأفـعـال الـجـدود اكـتـفـينـا *** نـالـوا فـخـر بـأفـعـالهـم شـرفـونـــا
هـذا القصص والـلـه يشهـد عـلينـا *** ومـن عـرفـوا التـاريـخ مـا كـذبـونـا
التعديل الأخير تم بواسطة عبدالله بن عبار ; 06-19-2012 الساعة 04:43 PM
|