كون اسلام :
بين العياش من المحلف من الدهامشه من عنزه وبين مطير
من ضربهم عبدالله الفغم قد طـاح=عليـه عمشـا تهـل العـبـاري
.................................................. ........................
كون بين مطير وبين العياش من المحلف من الدهامشه من عنزه ... حيث راهن زعيم الغزو عبدالله الفغم من مطير على (العفر) نياق ضاري الضبيان شيخ المحلف من الدهامشه وتحرك الغزو من الكويت ووصلوا حول مراعي ابل ضاري وأخذوا الأبل ولحقوهم العياش بقيادة ضاري ودارت معركة شرسة بينهم أستخدم فيها السلاح الأبيض بعد نفاذ الفشق واكسروا مطير وقتلوا زعيمهم عبدالله الفغم واسترجعت الإبل... وانتشر خبر هزيمة مطير ووصل للكويت ... لمجلس الشيخ مبارك الصباح وكان من ضمن جلساءه الهجاري من قبيلة مطير ودبي المطوطح من الجميشات من الدهامشة... وكان الهجاري يقول لدبي المطوطح " بكره الفغم يجيب (العفر) نياق ابن عمك " ورد دبي عليه " والله ان كانهم على عوايدهم اللي اخبر لغير يطيح العقيد بالمحاس " وهذا الكلام على مسامع مبارك الصباح ... وعند وصول خبر الهزيمة للكويت ومقتل عبدالله الفغم ... وصل العلم لمجلس مبارك الصباح فقال الشيخ مبارك لدبي المطوطح (انشد يا دبي هذه يبيلها قصيده) فقال قصيده طويله نورد منها هذه الابيات:
يـاراكــب الـلــي ربــعــن كــــل صـحـصــاح تـسـعـيــن لــيــلــه يــرتــعــن الــقــفــاري
يـرعـن زهــر عشـبـا نـبـت عـقـب مـاطــاح مقـيـضـهـن يــرعــن شـتــيــل الـخــبــاري
لـيـا مـــن الـهـجـن مـــن الـكـويـت طـفــاح طـفــاح يـــا مــــا حــولــن عــنــد ضــــاري
ضـــاري كــمــا نــجــم تـعـلــى بـالاصـبــاح حــامــي بـرمـحــه مـبـعــدات الـمـســاري
يــــا شــيــخ يـالـلــي لـلـكـراديـس نــــزاح يــوم(ن) عـلـى الأشـقــر كـثـيـر الـعــزاري
يـتــلــونــه الــعــيـــاش مــهــديـــن الارواح عــــيــــاش مــــاهــــي بــعـــمـــارة اداري
يــاســـرع فـزعـتـهــم الـيــاصــاح صــيـــاح ومنـهـم عـلــى راس الـمـعـادي خـطــاري
عــيــاش تــــروي مــــع دهـــــم الارمـــــاح ومـركـاضـهـم يـشـبــع حــيــام الــضــواري
مــن ضربـهـم عـبـدالله الفـغـم قـــد طـــاح عــلــيــه عــمــشـــا تـــهــــل الــعــبـــاري
اهـــل سـربــة لـلـمـوت مـعـهــم تـمـريــاح ربــعــي مـهــديــة الـصــعــب يـالـهـجــاري
وعلمـي بكاسـر بيتهـم عــزي لـهـم طــاح خلوه تلعبه هبوب الذواري
تعريف بالشيخ ضاري بن ظبيان هو شيخ المحلف من الدهامشه من عنزه ,, شارك بمعركه السبله مع الملك عبدالعزيز هو وجماعته ضد الاخوان ,,