سـنـة الخـالـق عـلــى المـخـلـوق مكـتـوبـه = الـمــوت حـــق رب الـسـمــاوات كـاتـبـهـا
الـعـبــد يــذكــر فــــي تـعـازيــه مـاجــوبــه = ســنــه مـحـمــد تــقــوم نــاســاً بـواجـبـهـا
مـرحـوم ياشـيـخً كــل الأصـحـاب عـزوبــه = الـمـحـبــه بــيـــن ربــعـــه دوم كـاسـبــهــا
الـشـيـخ دلـــي مـاعـمـر ربـعــه تحـاكـوبـه = عــزيــز نــفــس ودوم نـفـســه يحـاسـبـهـا
مـاعـاش بالبـاطـل ولا شـيـخـات مـكـذوبـه = ولا جــاب كـذبـه عـلـى الـعـربـان جالـبـهـا
انــا اشـهـد انــه صــادق ماجٌـمـع ذهـوبــه = ولا هــتــم بـالـدنـيـا ولا غــــره مكـاسـبـهـا
ولا طق باب الحاكم على الشحذات بالنوبه = ولا شكـا الخالـق علـى المخـلـوق يكسبـهـا
بــشـــوش دايــــــم راضــــــي بـمـكـتـوبــه = ولا عـمـر نــم بـأطــراف ربـعــه يعـذربـهـا
لاكــبـــرت الـقــالــه يـــاقـــف بـمـاجــوبــه = تـصـغـر بعـيـنـه الكـبـيـره مــــع سبـايـبـهـا
يــوم المصيـبـه ماجـابـو حـاكـم وزاروبــه = بـيـده الشريـفـه رقــع شـقـوقً ومقاطـبـهـا
اصـــدق عـفــو يـــوم الأســـرة تمـاشـوبـه = يـفــرح الـصـدقــان والــعــدوان يغـضـبـهـا
اقــســم لــــو الـمـنـايـا تــبــدل ومـطـلـوبـه = أسـكــن بـقـبـره واحـــط فـوقــي تـرايـبـهـا
اجـرك علـى الله يابـو مممـدوح محسـوبـه = تــفـــوز بـالـجــنــه وعـلـيــيــن تـكـسـبـهــا
يـاشـيـخ المـزاهـيـف واجـبـهـم وقـامـوبــه = مـبـطـي مـزاهـيـف لــــو نــعــدد منـاقـبـهـا
كــم مــرةً حقـهـم عـلـى الـعـدوان عـيـوبـه = وكـــم وقــفــةً نـمٌـيــل الـكـفــه ونكـسـبـهـا
لو هو على الموت أرواحهـم دوم مجلوبـه = يـشــهــد الـتــاريــخ والاشــعـــار كـاتـبـهــا
توثـيـق علـمـي مـهـي سـوالـيـف مقـلـوبـه = مــــن مـنـافــق فــــي هــروجـــه يـقـلـبـهـا
شيختك ماهي من احدى الاطراف موهوبه = ورثً ورى ورث لــلاحـــفـــاد واهــبـــهـــا
نشـوف نـاسـاً بـامـراض العـصـر مكلـوبـه = قــامــت تــزيـــف والـحـقـايــق تـحـاربـهــا
راع الــــردى يــشــرب الــمــاي بـعـذوبــه = وراعــي الشيـمـه تـكـدرت لـــه مشـاربـهـا
الديـره الــي بـهـا حــق الاجــواد مسلـوبـه = جعـلـهـا تـبـلـى بـمـثـل هـيـلاكــو يـخـربـهـا
وصــلاة ربــي عــد مابلحـرمـيـن صـلـوبـه = عـلـى الـرسـول جــود للـعـروه مقاضـبـهـا


كلمات : متعب الفققي