طيب مخلف انا بناقشك من خلال ردك لي
1- كتاب عشائر الشام ينفي كاتبه نسبه وتراجع صفحه 501
>>> يا أخي انت تطلب مني الرجوع للصفحة 501 طيب انا اقلك وش فيها {حدثني احد رجالها وهو محمدالحسين حديثا غير مدعوم بسند,ولا مرتبط بالاحداث} طيب يا أخي انا قلت لك أن الناس بهذاك التاريخ ماكان عندها وثائق ، لان الوثيقة الوحيدة والاصلية التي يملكونا هي (التواتر) واتمنى انك تعرف وش تعني هالكلمة ،ومدى المصداقية التي تحملها هذه الوثيقة (يعني شيبانا ماجابوا الكلام من خياالهم)
2- باعتراف التركي وبكتابهم الموجه للاستاذ عبدالله العبار يذكرون نفي الشيخ محروت الهذال لنسبهم للهذال؟؟
التركي قالوا أن الشيخ محروث الله يرحمه ما اعترف بالتركي على شان ربعه ماتلحق التركي بهذاك الوقت لان الحناكية كانت بلد ممحل في ذاك الوقت وديرة حماة كانت بلد خير (يعني لاتجلس تحرف بالكلام من راسك وتقول التركي قالوا)
3- تضارب التواريخ بشكل جنوني بين هجرة تركي وعدد التركي الثابت بالاحداث الموثقه بكتب التاريخ واحداث اخوانه بنجد بهذه الفتره من سنة 1220 هجريه
يا أخي في كثير ناس الحقوا نسبهم بالتركاوي وهم ماهم منهم والكل منا عارف من هم اللي الحقوا انفسهم (بس انت اكيد ماعندك خلفية بالنسبة لهذا الموضوع) وشي ثاني انا ابي اسالك انت عارف عدد الهذال لحتى تقول هالكلام (أن التركي اضعاف مضاعفة بالمقارنة مع الهذال) ياخي الهذال ماهم موجودين بس بالمملكة وانت تعرف زين هالكلام يعني موجودين بعد بالعراق والكويت ..
4- قصيدة مشعان تذكر الاماكن التي مر بها اثناء تجوله من سوريا الى العراق الى نجد الى الاحساء ولم تذكر عشائر التركي والخابور والدبش
بس انا اقلك الشرح اللي سبق وان ذكره من أحد الاعضاء(المحيط الهادي) والله وللامانة لاهو مني ولا من غيري هذا شرح الشاعر نايف الجلاد .
5- اختلاف الثلاث عشائر بينهم بصلة القرابه فالتركي يتبرون من الباقي ويقولون ان البوخابور والبودبش ليسوا معهم باي صلة قرابه وراجعوا رسالة سليمان التركي
انا بهالخصوص ارجع واقول لك ارجع لكتاب أحمد وصفي زكريا اللي انت تناقش على اساسه في حديثه مع الشيخ أبو الطوس عليه رحمة الله وطبعاً الشيخ أبو الطوس متوفى منذ زمن بعيد ...يعني مانه متوفى اليوم والبارح متوفي منذ زمن وانا ما ابي اقول لك وش اللي قايله ابيك بنفسك تشوف. وتقرر بنفسك وين المصداقية هل هي عند الشيخ ابو الطوس أو عند سليمان التركاوي (ياخوي مو كل أحد قال كلمة وهو مانه عارف شي تسويها علينا ادانة)
6_ اما لماذا لم يغزوا عيال وايل قرية الدبش فهذا دليل انك لاتعرف عادات عنزه لان عنزه لاتهاجم البقاره واهل القرى الفلاحين واكبر دليل بيت الشعر لخلف االاذن
ماني معودها لكسب الشواوي = ولا رددت فرق البقر بالزوية
اول شي الله يرحم الشيخ خلف الاذن ويدخله فسيح جناته
والشي الثاني ياخوي كلام الشيخ الاذن مانه مطبقته كل عنزة واذا عندك غير هالكلام ورد لي دليل
اما اذا انت طلبت مني دليل على كلامي بان عيال وايل كانوا يغزون الشامية ولا يمروا على قرية الدبش فانا آتيك بكثير من شهادات الناس الثقات
وبالنهاية اتمنى ان تاتيني بالدليل القاطع باني ليس من الحبلان بعيدا عن التحليلات والفرضيات وانا اوعدك بعدها بالسكوت ....اما انك تطعن بنسبي من دون دليل معتمد على تحليلك الشخصي فهذا الشي اللي مايجوز لا شرعاً ولا عرفاً