تابع
* ومن قصائد الشاعر جدوع بن عثعث المسيكي هذه القصيدة قالها عندما نزح تضجراً من الودي وصار في كنف الشيخ أبن هذال وتجول هو ومن معه من جماعته مع العمارات أحيان عند الدهامشة وأحيان عند الجبل وأرسل هذه القصيدة للشيخ نايف بن صبر بن جلادان المسيكي ويثني على الشيخ أبن هذال شيخ مشايخ عنزة والشيخ أبن مجلاد شيخ قبيلة الدهامشة والشيخ أبن بكر شيخ قبيلة السويلمات من الدهامشة فيقول :
بديت بذكـر الله عـلى كـل مـا ايقـال *** مـتـفـطـن ودبـت عـليـنـا الـدوابـي
وخـلاف ذا يـا راكـب فـوق مـهـذال *** وقـم الجـلـوس وسـنهـا بالشبـابي
من ساس هجـنٍ عـايـزات بالأمثـال *** وأبـوهـا يعـنالـه ليـالي الضـرابـي
من عندنـا مـدت عـلى قودت المـال *** مـا فـوقـهـا ألا قـربتـه والـزهـابي
عليهـا غـلام يوصل الهرج مرسـال *** ضاري على قطع الخلا مـا يهابي
عـوجا مذارعهـا عـن الـزور عيّـال *** طفحا الضلوع ومنحـره تقل بـابي
ركـابـهـا كـنـه تـسـنـد عـلـى جــال *** ومن المظامي مـا بقـلبـه احسابـي
أول نـهـاره تـقـطـع الـدو ذومـــــال *** تهـرف هـريف مهـرفلات الذيابي
وتـالي نهـاره تـقـطـع الـدو بجـفـال *** خريش ربـدا وأعتلاهـا الـرعـابي
ملفـاك نـايـف عسى تـفـداه الأنـذال *** ستـر العـذارى مجـليـات العـذابـي
أول بـدايـه حـيـن تـلـفـيـه فـنـجــال *** يحيي بـوجهـك والذبيحـه اتجـابي
وعقب العشا لابـد ينشد عن الحـال *** عـد الصحـيـح وبـخـنـه بالجـوابي
قـل احذر تدقم شاربك عقب ما طال *** لا تطيع هـرج المخبثين الخنـابـي
كان أنـت لـلي يلمس الخشم حـمـّال *** مـا انعـاك لـو يزبر عليك التـرابي
وكانك من اللي يلمس الخشم زعال *** خـل الـدمـانـه لـلـرخـم والغـرابـي
يا مـا عـدلنـا حملكم عقـب مـا مـال *** وردت جـمـايـلـنـا عـليكـم اتعـابـي
لا أنتـم صغـار نرتجي كبـر الأزوال *** ولا أنـتـم بـعـيـد منتحيـن غـيـابـي
جاني غثوان وقـال أنـذرك يـا خـال *** عـن السـعـاره لا تـجـّود صـوابـي
وزبنت أنا لشيخ الشيوخ أبن هذال *** الشيخ أخـو بتلآ عـزيـز الجـنـابـي
زبن المطرود اللي على الروح ذلال *** والوجه أبيض من بياض الثيابي
ونصيت محددت الجمل وأبـو مثقـال *** عـن أبـن عمي يوم جـذ الرشابي
والشيخ أخـو جـوزاء عـديـم وفعـال *** يفعـل إلى ركـب الرشاء بأكترابي
حيثه شجاع إلـى ركـب كـل مشـوال *** يقـدم إلـى هـاب الذليـل الـرعـابي
والـنعـم بـالعـوجـان لبـاسـت الشـال *** عـسى سلفهـم مـا يجيـه الذهـابي
يتلـون عـقـب غـنيم قهـار الأبـطـال *** أخـوان جحـله يقـطعـون الوجابي
أن جـاهـم الحـوال مـن واديٍ خــال *** عاداتهـم ن مـا ينزلـون الحضابي
وأنا عنـد اللي شوفهم يشرح البـال *** حـمـايـة المضيوم حمـر الحـرابي
بـالشتـاء متـذري وبـالقيـظ بضـلال *** ومـتـريّـح عـن وديكـم والحسابي
***