(( العلم المجمّل ))
__________
____
.
.
يامـدوّر العلم .. الجميل .. المجمّل=من أول سنين صباك حتى تشيّب
على . طريق الطيب . واصل وكمّل=ولا تهاب .. من الصّعاب .. المهيّب
ولا تقرب . العيْ . الكسول . المخمِّل=اللي نَهَجْ .. نَهْجْ .. العفون المعيّب
واللي .. يقول .. ولا بـ قوله يصمّل=واللي .. ليا جاء لازم الربع .. غيّب
واللي .. يحاول .. بالكلام يتجمّل=وإن عوّدت للجِدّ .. خايب . مخيّب
لا جاء .. لزومه .. قام جسمه ينمّل=وتروّح ... علومه ... مـراح الهبيّب
عليك .. باللي .. للثّقال .. يتحمّل=ومعوّد لسانه على .. أبشر وطيّب
طلْق الحجاج .. لـ واجبه مايهمّل=ويثنى عليه .. الأجنبي والقريّب
حتى ولو بالدين .. ظَهْره محمّل=باذل كرم .. كفّه .. هماليل صيّب
وغيره .. لبس رثّ الثياب المسمّل=وماله كثر رمل الندف .. والكثيّب
ياما أكثر .. فروق البشر لو تأمّل=هداج مـا يشبه ضحـاح . القليّب
.
.
.
حمد الضوي