تابع
* قال الشاعـر محمد بن عبدالله العشبان الهزاني هذه القصيدة في سعد بن احمد بن حسن الهزاني
عميد أسرة آل حسن بن رشيد الهزاني في السلمية بمنطقة الخرج :
مـني سلام اعـداد مـا هبهـب النـود *** واعـداد مـا هـلـت وامطـر بـردهـا
واعداد ما بان الفجر واخضر العود *** تـسـلـيـمـة مـدح الأكـارم بـعـدهـا
لآل الحسن هم ماكر الطيب والجود *** أخـوان نوضا سعد منهـم سنـدهـا
الـلابـه الـلي مـنهـم اشبـال وفـهـود *** هـذا سعـد أن كـان تـبغـي فهـدهـا
الطيـب زود وعـنـدهـم بالفخـر زود *** فـرحـان قـايلهـا والآخـر قـصدهـا
هــزازنـة لا ثـار بـالـحـرب بـــارود *** وبـيـوتهـم بالسلم تسمك عـمـدهـا
هـزازنـه صافين مـن مارث اجـدود *** أصـل وفـصـل قـوم كثيـرٍ عـددهـا
هــزازنـة عــدٍ بــه الـجــم مــورود *** نـبعـه غـزيـر وكـل ظـامي وردهـا
كـلام الأعـشى بالـتـواريخ مشهـود *** أفـعـالـهـم مـافـيـه واحـد جـحـدهـا
رواه قـول المصطـفى عـلـم ماكـود *** ميمـون ابن استـاذ راوي سنـدهـا
ومنهـم شجـاع فالمهمـات محـمـود *** الـلي مـع الستيـن فـكـوا اعـقـدهـا
عبدالعـزيز اخـتارهـم حامـي الـذود *** مثـل الحرار اللي ينومس هـددهـا
يسري بهـم مسرى ولا فيهـم ارقود *** الـزاد تـمـره والحـبـاري رصدهـا
صبح بهـم العدوان والخصم مكيـود *** والمـذن أذن بعـد خامس اعيدهـا
الملـك للـرحـمـن والـضـد مـضـدود *** ولا تصلح الـدنـيـا بـلـيـا اعمـدهـا
تـم الكـلام ولا حـصـل فـيـه مـنقـود *** والحـمـد لـلـي كـل فـتـنـه وئـدهــا
الـلـه يحفـظ الـدار ويعـز آل سعـود *** عـزت قـبـايـلـنـا وعـزت بـلـدهــــا
وصلاة ربـي عـد مـا احمـر عنقـود *** عـلـى رسـولٍ قــاد الأمـه بـيـدهــا
*- ىوهذه الأبيات من قصيده قالها شاعر يدعى حمد البدوي من نصارى قرنة شهوان يثني على
الشيخ قاسم بن معجل شيخ قبيلة الأشاجعة من المحلف من الجلاس يقول :
يـا راكـب مـن عـنـدنـا فـوق خـوار *** اشقح شراري والسرى مـا يهابـه
مرعـاه ريضان النـفـل عشب نـوار *** عـقب المقيل موسمه مـن سحابـه
حـر اشـداده مـن جـديـدات الاكـوار *** ولهـوم مـع تـمـر العـراقي زهابـه
واليا مشا من ميمن الضلع وايسار *** عند ابن معجـل يـوم نـّوخ اركابـه
قاسم وليده مقـري الضيف والجـار *** زبـن الطـريح الـلي تـزبن طنـابـه
أبـوه فتارس بـأول الخيـل لـو غـار *** من اهـل الجـدعا مشبعين الذيابـه
واليا قبس ملح الفرنجي من الـنـار *** دخـانـهـا لـلـجـو عـابـق ضـبـابــه
ربـك كـريـم ويـفـرج الـهـم قــهــّار *** ينصرهم الـلـه في نهـار الحـرابـه
أهـل الربـاع الـلي بـهـا بن وابهـار *** وديـوان عـادات العـرب تـلتـقـابـه
*- هذه القصيدة من الشعر المروبع تنسب للشيخ الشجاع شبلي الأطرش من زعماء الدروز في لبنان وتسمى قصيدة عشر الركايب يقول :
شديب عشر من الركايب منـاديـب *** اليـا مشـن ذرعـانهـم كالـدوالـيـب *** اسرع من اللي يقطع الدو تهـريـب
وأن زرفلن يشدن لرف الحمامي
الأولـه مـن جـيـش ركـب الـلـحـاوي *** اشـدادهـا مـا كـلـفـه كـل غـــــاوي *** تـقـطـع بـعـيـدات الـفـيـافـي خـلاوي
مـا تنقـوي لولا الرسن والخطامي
والثـانـيـه خـزيـتـهـا مـن الـتـواهـا *** وأنا أذكر الـلـه يوم غارن مداهـا *** اسرع من الـدولاب نقلـت اخطاهـا
من خلقتـه ما شـد فـوقـه مسامي
والثالثـه حمـراء من الهجـن حـرّه *** تسبق رفاريـف القـطا مـن مـفـّره *** قـنـايـهـا مـا بـاعـهـا بـألـف صــرّه
ولـو ملـوا لـه خـرجها للعصامي
والـرابـعـه شـقـحـا شـنـاح سمينـه *** عـوصى عـلى قـطـع الفيافي مكينـه *** اليا مشت غدوه مـن أرض المدينـه
تلـفي دمشق الشام قـبـل الـظـلامي
والخامسه من نجـد جـت مستحيله *** من هجـن آل سعود حـره أصيلـه *** مـا نـوخـت تـنـقـل حـمـول تـشيـلـه
تـرعى زماليـق النفـل والخزامي
والـسـادسـة سـتـه وعـلـكـم مـكـيـده *** يـقـودهـا الـخـادم نـجبـهـا لــسيـده *** مـربـاعهـا بـيـن الجـبـل والسويـده
ومقيضها مابـين صالـح ورامـي
والسـابـعـه سـبـحـان ربـي خـلـقـهـا *** تمشي وحدهـا مـا تـوالـف رفـقهـا *** لـو سابقـت ظـبي الـفـلا مـا سبـقهـا
كانـه سمع بالـريع عـبـرود رامـي
والـثـامـنـه تسبق خـريش الربادي *** حايل ولا صـروا عـليها التـوادي *** تـرعى زهـر نـوار نـبـت الحمـادي
اليـامـا قضت مـرباعها بالتمـامي
والتاسعه جتـنا عـطا من الشعاليـن *** تسبق هـبـوب الـريـح بأيـام تشرين *** لـولا رسنهـا والحقـب والمحاجيـن
خـطـرٍ عـلى ركابها من العـدامي
والعـاشـره عـيـوا عـلـيـهـا لـواهـا *** ساهـوجـة قـطع الفـيـافي مـنـاهـا *** مـثـل الغـزال الـرابـيـه فـي فـلاهـا
أن طـالـع القـنـاص زوّع اشمامي
تـمـن ركـايـبـنـا عـشـر بالحسابـي *** والـلي عـليهـن كاملين الـوجـابي *** لـوحـوا عـلـيهـن يـاقـروم الشبـابـي
ودوا تـحــيــات وكـل أحـتــرامـــي
تولموا يا أهـل الـركـاب اليعـابيـب *** من فوق عجلات الخطا للمطاليب *** بوداعـت الـلـه عـالـم السر والغـيب
يحـفـظكـم الـلـه من عيال الحـرامي
عليهن من شغل القصيمي شـدادات *** مـرصـعـات ضهـورهـن بالغـزالات *** كل من نظرهن يـوم يمشن زرافـات
وعـليهـن الـلي يقـطعـون المظامي
وخـروجهـن كفيتهـن فـي عـلبهـن *** اللي شراهن ما حسب في غلبهن *** وأن ساج من قطع البراري حقبهن
يجـلن هواجيس العـمس والهيـامي
يا هـول عيني يـوم شفت اللواليـح *** يرقص هدبهن يوم يلعب به الريح *** وزهـاب أهلهـن والليـالي شلافـيـح
قـرص وتـمـر معهـم لـذيـذ الطعامي
يـلمـع فشقـهـم بالغـزالات كالـبـرق *** وسيوفهم تجلب علينا من الشرق *** وعشرمحازم فيهن الحمر والـزرق
تـحـيـزمـوا بـه يالـنشـامـا حـزامـي
وعشرة فـرود من الكراخين جـني *** مـن يلذعه رصاصهـن مـا يـثـني *** شـوف الفشـق ببطـونـهـم كيفـني
منظر لباس الحرب غاية مـرامي
عـشـر الـركـايـب للسفـر غـادرنـي *** ومـن القـفـل صارن تراثيع جـني *** هاتـوا عـلـوم وخـوذوا العـلـم مـني
ريـضـوا عـطـوني وافـيات العلامي
يا أهـل الـركـاب ركابكـم ولمـوهـن *** وفـوق الـركـاب رواحـكم ودعوهـن *** صوب الديار اللي تبون اسهجوهن
فـيـهـا اتـراك وبـعـد فـيهـا اروامـي
شـدوا ومـدوا طـالبـيـن المـراويـح *** أول نـهـار أخـذوا عـليهـن مشاويـح *** أن ذومـلـن مـثـل النـعـام المدابـيح
سبّـاح فـي بـحـر الظـلامـات عـامـي
في يوم عشر لديرت التـرك تلفـون *** امشـواعـلى درب الخـطـر لا تذلون *** بديـار نـاس لهرجهـم مـا تعـرفـون
والضيـف مـالـه فـي وطنهم كرامي
لـديـار بـكـر ومـارديـن وسـواهـــا *** وعـا حـلـب الشهبـاء وحلـوا وراهـا *** حمص وحماه اصحوا تباتواحذاها
وعـا ديـرة الـفـيحـاء تـودوا سلامي
يا هيه يالـلي فوق عشر الـركايـب *** نـيـخـوا ركـايـبـكـم بـعـالي الجـذايـب *** الـدرب عالجهات وأهـل الشطايـب
وعـلـى الجـعـيـدي ثـم دار الحـمامي
هواي بالقمر ترى العز يا طروش *** علمي بهم صلفين في ساعة الهوش *** كرام اللحا ذباحـت الحيـل وكبـوش
كـبـار المنـاسـف جـللـوهـا الـيدامي
يا أهـل الـركاب ركابـكم ريضوهـن *** بوجه المقاعد بالعجـل نوخوهـن *** وخوذوا كتاب اليا عـطـوا سلـموهـن
هم يفهـموا مظمون مقصد كلامي
وش الـذي يـالـربـع غـيّـب سـعـدنــا *** كـل مـا فرحنا من الغبـون انكمدنـا *** وحنـا الـذي جـينـا النحور وبعـدنـا
يا أجـواد مـا وده شمات وملامي
شفنـا فعـايـلكـم عـلى جـمـة الـبـيـر *** أنـتم ذبحتم من عـداكم طـوابـيـر *** عفيه ذلـول عـريـف زبـن الغناديـر
يـوم المشوك مثل مزن الغـمامي
أشوف بيت الجنبلا هـو وحـرقوش *** وعمود بيت اللي وطأ جمرةالهوش *** كبار العرب ميزانهم سطو وقروش
يا ما عطوا وأرواح راحت عدامي
خانـوا بـنـا عـرصاتـكم قبـل تلفـون *** الـلـه يجـازيـهـم عـلى ما يـعـملـون *** الـلي وثق فيهم بـلا شـك واظـنـون
مـن يـأمـن الثـعـبـان عض البهامي
الـخـوف خـرب قـبـل كـل الـبــوادي *** أنـظـر تـرى جـربـت كـل الـعــوادي *** مـا دل ذل وكــان أمـيـر الـهـنـــادي
مـن قـبـل أبـو هـواش كوّع ونـامي
الـخـوف خـرّب سـلـم كـل العـشـايـر *** الـلـه يخـلـف شور من كـان شايـر *** والـعـبـد لابـد مـا يـزور الـحـفـايــــر
ولابـد تـبـتـرم الـسنـيـن ابـتـرامـي
أخبـرك ياللي اتـدوّر الفـود وأربـاح *** يامـا طـمس في بحرهـا كـل سبـّاح *** لـو تـزرع الـدنـيـا مجـاثـي وتـفـّاح
قـوس النـدا في مثلهن بالتمـامي
وصلوا على المختار سيد المخاليق *** المصطفى يشفع لنا حزت الضيق *** في ساعة ينشف بها سايل الـريـق
يـوم الحشر والناس كله مظـامي
يتبع