أحسنت ياراعي البويضا على أيراد هذه القصّة التي تكشف جانب من شجاعة الجلاوي وقبيلة الصقور لهم مفاخر كثيرة ولكن معظم القصائد بأحداث وقد أثرنا نشر البعض منها ومن مآثر الصقور :
* وهذه الأبيات من الهجيني قيلت بالجلاوي وهو رجلٍ كثير المغازي :
الهجـن صـابـه سطـر واجـفـال *** عـقـب الجلاوي كـسب راحــه
يـا مـا سـرابـه مـن أم أوعــال *** وأودع عـلى الـقـوم مصبـاحـه
نـط الـرقـيـبـه عـلـى مـا طــال *** وقـال الـدبـش بـان مـسـراحـه
صـل الـمـغـيـره وجـاب الـمـال *** الـزمـل والـخـلـف والـقـاحـــه
يـوم الـردي مـنسـدح بـضـلال *** أمــه تــذريــه بــالــســاحـــــه
ومن قصيدة للشاعر حميد العقاب يثني على قبيلة الصقور :
قال الشاعر حميد العقاب هذه الأبيات من قصيدة يثني على قبيلة الصقور:
يالأجـنبي ان كـان تـبـي النبـا الـزيـن *** لا فـاختـتـك عـمـومتـك والقـرابـه
رح للصقور اللي على الطيب شفقين *** اهـل الـربـاع مدلهـت مـن هـوابه
يـوم الـرويـلـي حـضبـوه الـغـلامـيـن *** زود عـلـى ذوره عـطـوه الكسابـه
مـاهي سوالف مسرد ما كسب شين *** رجـع عـلـى جـاره يـدور الـطـلابـه
قال أحد الشعراء بالنبيقي الزوين من قصيدة :
عـلـم الـنـبـيــقـي واصـل كـل ديـره *** حـرٍ يصيـد لقـاصـرات المخـالـيـب
خـطـو الـولـد يـنـام عـلـى سـريـره *** حـرٍ يـنـاوح عـالـيـات الـمـراقـيـب
وهذه القصيدة من نوع شعر الدحة قيلت بخشان الزوين :
الأطــرم دنــا ذلـــولــــــــه *** نـسـل الـنـبـيـقـي ركـبـهـا
تسلم يا نسـل أخـو وضحا *** مـن الـركـايـب طـلــبــهــا
طـلـبهـا عـيـال المصاعـب *** والـوضحـا كـلآً هـايـبـهـا
غيبتـك يا وضحـا الشايـب *** بالـوقـت الشيـن يحلـبهـا
مـطـب الأقــرع بـعـرعــر *** الصمعـاء تـوحـي نـدبـهـا
النـســر صيـّف بـعـرعـر *** والـحـديـا ربـي رجـبـهـــا
طـلاع أخـذنــا بــثــــــاره *** والوضحـا طـبـق وجبـهـا
وهذه أبيات من قصيدة بها ذكر بعض الفرسان ومنهم النبيقي :
كـان نـدك الفـيـضه لـزوم وصلـنـاه *** قبلي نـزلهـا العـرفجي وابن لامي
ومشعان أخو جحله حماها بشلفـاه *** زبن الطحوس اليا رتكت بالزلامي
حتى النبيقي يوم عصر الكبـر جـاه *** الـلي يـخـلـط صـدرهـا للـظـوامـي
لـو كـل من هـو يكتب الخـط يقـراه *** مـا كـان تـلـقـا تـايـه بـالـظـلامـــي
التـايـه الـلي صنـف الأجـداد ينساه *** يسعى بحلال وهويحوش الحرامي
* هذه القصيدة قالها حمد الذرفي الشمري يثني على قبيلة الصقور من الجبل من العمارات من عنزة ويمجد بعض نوادر رجالهم حيث ذكر حويكم ابن ضلعان ومناع الكاسب وفاحس الزوين ودريبي بن موقف ونزال الزرقاوي الجلالي أبو مدشر والزيادين :
يـا راكـب مـن عـنـدنـا صـيـعــريــه *** حايل ولا عـمـر الحويـّر تخـايـلـه
مدت من الدارة على وقـت الضحـى *** وبأبـو الدفاف الغـدا مـن فـوايـلـه
اليا جيت بيـت لابـن ضلعـان نـوخ *** تلقـاه في عـرعـر بحـدري مسايلـه
وتـلـقـا الكـاسب بالصفـاويـه نـازل *** صينيتـه تشـدا الطعـوس ونـثايلـه
عيال الثويبت ياما قلطوا من حايـل *** تلقـا الشحـم بأيمانهـم من جلايلـه
وتلقا الزوين حدود الأقرع منازلـه *** مرماع من يشكي المعـادي فعايلـه
يا مـا المصاعـب زوجوا من عاقـه *** وياما ارملوا من جادل من حلايله
انشد عن ابن موقف جعلـه بسّرى *** مـن عيثـلـت حامـر تقافـت رحايلـه
سـلم عـلى أخواني الزيادين كلهـم *** عـز الغريب أن كان عـازت مكايلـه
نعـم الرجال الـلي يعـزون جارهـم *** اليـا ضاقـت الـدنـيـا وقـلـت محايلـه
واليا جيت بالنايف أبو مدشر ناده *** لـولاب قـالات عـسـيـره يـحـايـلـــه
هـل البـويضا يا ما زبنوا مـن نايـر *** مطلوب عليه ارقاب والـذل غايلـه
هـل البويضا ياما دلهوا من اجنبي *** قصيـرهـم لـو عـال مـا احـدٍ نـايلـه ه
هـل البـويضـا يـوم طالـت غـربـتي *** هم ضل راسي عن سموم وقوايله
محمـد النجـدي يـمجـد عـلـومـهـم *** أنا اشهـد أنـه مـا كـذب فـي مثايلـه
مـا قـلتهـا باغـي عـطـايـا حـلالهـم *** مـار أن مردود الثنـاء من جمايلـه