قال الشاعر محمد الطرقي السبيعي العنزي يسند على زميله عبدالله بن دهيمش بن عبار :

كـانـك يـا أبـن عـبـار تـبـي الحقـايـق *** الـنـاس مـا تـبـغي تـقـول الحـقيـقـه
بعـض البشر عـاقه عن الحق عايـق *** بـصح وخـطـأ لازم يـشجـع فـريـقـه
لـه عـيـن تـنـظـر للصـغـار الـدقـايـق *** ولـه عيـن مـا تـنظـر كبيـر الحريقه
مـن بـعـضهـم يـالـوايـلي لا تضـايـق *** نـظـراتهـم للـوضع مـاهـي عـميـقـه
احـد عــلـى ربـعـه يـدور الـبـوايـــق *** امـفـرقـاً بـيـن الـشـقـيـق وشـقـيـقـه
عـيـنـه عـلى الـغـرات دايـم تـهـايـق *** واليـا هـرج تلـقى السوالـف رقـيـقـه
بعض البشر لا تحسبه شخص رايق *** لا يـعـجبـك كشخـه ولـمـعـة بـريـقـه
والـلي يـبي يجـحـد جـميـع الـوثايـق *** اعـرف هـدف نـفسه وجـنب طـريقه
والبيـت من دون العـمـد والطـرايـق *** مـا يـرتـفـع وادنـات هـبـه تـعـيـقــــه

جواب عبدالله بن دهيمش بن عبار على الشاعر محمد الطرقي العنزي :

حـي الجـواب الـلي لـه الـفـكـر تـايـق *** الـذ مـن ذوب الـعسـل فـي رحـيـقـه
مـهـديـه قــرم مـنـطــقـه دوم فــايــق *** محـمـد أبـن الطـرقي معـانيـه ليـقـه
يـقـول مـن بـعـض البشـر لا تضايـق *** قـولـه نـصيحـه مـن رفيـق لـرفيقـه
نــعــوذ بـالـرحـمـن مـن كــل بــايــق *** يـظـلم ولا ينفـض عـن الظـلم زيـقه
نشكيـه لـلي لعـاصف الـريـح سـايـق *** الـواحــد الـمـعــبـود رب الـخـلـيـقـه
تـفـوت لـحـظـات الـزمـن والـدقـايـق *** ولابـد ساعـه يـقـتـرب نشـف ريـقـه
مـا مسكنـه قـصـره وسيـع الحـدايـق *** آخـر مـصيـره فـي بـرازخ سحيـقـه
هـو كـيـف حــط أولاد وايـل لــفـايـق *** حـيثـه جـحـد مجـد الجـدود العـتيقـه
والـبـيـت مـا يـذري بـلــيـا شـقـايــق *** وأن طـاح كسره مسكنه مـا نطـيقـه

أبيات جديده من شعري :

أسـبـاب مـا بــيّـح كـنـيـنـي وهـاضـه *** قـلـبي هـواجـيس الـروابـع تـكـضـه
واللي اغضب الخاطر وزاد امتعاضه *** هـرج الخطأ بمنطوق من باع حظّـه
قـلبـه مريض ولا شفي من امـراضه *** يهرف كما اللي هارف الغـلث عضّه
يـطـوف كـنّـه فـي طــواف الأفـاضـه *** ويـاخـذ عـلى كـل الـدياويـن غـضّـه
عنـده شغـل مـاهـو عـلى حـد راضـه *** مجـهـد يـبي حـبـل الـمـوده يـقـضّـه
ومن يستمع حكي المباغيض غاضه *** وش عـاد لـو قالـوا تجـاوز ومـضّـه
الـكـذب لـو روّج سـريـع انـقــراضـه *** والهـرج صاحيـن الضمـايـر تهـضّه
ومـن لا يصّـفي بالمشارب حـيـاضـه *** يـشـرب غـثاريـب الحثـال ويـلـضّـه
والـلي يسيـر بمسلـك الحـق عـاضـه *** عـن كـل مـن يشفـق عـليـه ويحظـه
لازم عـلى الظـالـم نـقـود انـتـفـاضـه *** والحظـف راسـه بالمطـارق نـرضّـه
أن ساعف المولى نخوض المخاضه *** مايصفي الماء كود من عقب خضّه
والـراس شامخ مـا نـطيـق انخفاضه *** نصمـد ولا نشـكي تـضجـر وجـضّـه
ومـن زوّر الـواقـع يجـوز اعـتراضه *** ومن خاض بالباطـل لسانـه نشضـه
مـوروثـنـا ياجـب عـلـينـا احـتـفاضه *** وجـمـيـل عــزوتـنـا نسـدد اقــرضّـه
مـبـطي لـنـا تـاريـخ نـاصع بـيـاضـه *** وأنـسـابـنـا مـعـدن جـواهـر وفـضّـه

هذه الأبيات ضمن لقاء مع ملتقى اعلامي قبيلة ولد علي أهل الملحا :

اشكـر جميع أهـل المروات والـنقـّا *** عـزوة هـل الملحـا رجـال الـولادعـه
يـوم استضافـوني تـشرّفـت بالـلـّقـا *** وأرسلت منظومي من الفكر بـادعـه
واللي لمس مني عـلى غير ما هقـا *** يسمح خطاي وفايض الهرج جادعه
والهـرج الـلي مالـه أسانيد مـا بـقـا *** والـلـي يـزوّر لـه عـقـوبـات رادعـه
يقولـه الـلي فـي فخـر عـزوته شقـا *** ما خان بالصاحب ولا قـيـل خـادعـه
الملتقـا الـلي بـربعـه الطيـب يـلتـقـا *** عـقـب اللقاء بأزكى التحيه نـوادعـه