تابع
* وقال الشاعـر نزال القناص الدوامي هذه الأبيات رثا الشيخ رمضان الفققي كبير قبيلة الدوام فيقول :
الـبـارحـه قـلـبـي تـوقــد بـه الـنـار *** جتـني هـواجيس بفكـري غـريـبـه
وجدي على اللي يدفع القوم سبّـار *** لا طـالـعـوا الـزول يضهـر رقـيـبـه
مع ربعي اللي خيلهم سرد وامهار *** يـتـلـون شـيـخ مـا تـهـنـا حـريـبـه
يـتـلـون أبـو هـزاع للطـيـب صبـّار *** يضحـك احجاجـه مـا تملـل قـريبـه
لـه ربـعـة تـلـقـابـهـا بـن وابـهـــار *** وصينيتـه كـل يـوم مشحن يجيبـه
كـم عـزبـة خلا عمدهـا عـلى الـدار *** بـرد النقـا ومـن بـاق ربـه حسيبه
ابكي يالعين وهـلي الـدمع بصخـار *** عـلى الـذي وقـت اللـزم نـتـقي بـه
* وقال العرقان الدوامي هذه القصيدة يمدح الشيخ رمضان الفققي :
الحـمـد للمـولى عـلى كـل مـا صـار *** الـرب سـوالي عـلى كيـف مـاريـد
أجمع مـن القيفـان وأطـب وأخـتـار *** وآخذ وكاد القول لا نقص ولا زيد
ويـا راكبيـن اكـوار عـدلات وابكـار *** صلوا عـلى فرحان هـرج تـواكيـد
ربعي هل العرفا أن كان الدخن ثـار *** يـوم جـرى يـا لابـتي كـنـه العـيـد
يربـع بـه الممحل ويرجع به الجـار *** حـرٍ شهـل من وسط ربـع ملابـيـد
نـعـم بـأبـو هـزاع بـالحـرب صـبـار *** ما هـاب حس مجزولات البواريـد
ركض عليهـم ركضة تجلي الأمرار *** من فعل أبـو هزاع كسب ومراديد
يتليـه جمع الـلي كما ضـلع سنجـار *** سبعـة جـمـوع بالمـلاقـا صنـاديـد
كـم واحـدٍ راسه مـن سيوفهـم طـار *** تـشالقـنـه مـثـل روس المـفـاريـد
الضبعـه العرجا تجـره عـلى الـغـار *** تـرجـد عليه من الجنايـز رواجيـد
* وقال عشوي العفري يثني على الشيخ أبن مرشد والشيخ الفققي والشيخ المصرب :
نحمدك يـا ربـي عـلى كـل مـا كـان *** يـالـواحـد الـلي تـطـلـع بـالسريـره
يـا نـاس مـاني بالتمـاثـيـل بـحـلان *** مفاصلـه مـا هـي عـلـيـه عـسيـره
هاضت عـلي من الصناديق قيفـان *** وسط الضماير كانـزن لـي ذخـيـره
عـلوم تغـنى مع طراقي وطرشـان *** سـوالـف تـجـلي لـهـيـب السعـيـره
قـوم لفـونـا جمعهـم تـقـل ضلـعـان *** غـمـام لـيـل ولا أيـتـقـدا بـصـيــره
هيلـوا علينا الصبح والفجر ما بان *** صبـاح قبل الطرش يضهر نشيـره
الخيـل قـفـت بالدبش تـقـل حيطـان *** وتـفـرقـت دونـه جـمـوع كـثـيـــره
لحـقـوا هـل العـرفـا عـيـال وعيـان *** سووا عـلى جمع المعادي جريـره
لعيون من تخطي مع الذود حيـران *** غـبـوقـت الـخـطـار عـجـل دريـره
خيـولـنـا مـن خيلهـم تـقحـم الـزان *** وخـيـولـهـم مـن خيلـنـا مستـذيـره
ونعـم بأبـن مرشد إلى قيل غثـوان *** ونعـم بأبـو هـزاع حامي القصيـره
ونعـم بصقـر وأن تـلاقـوا بتفـقـان *** لـه بـنـدق بالكـون تـرمي العـثيـره
يفـدا الثلاثـه مـن تـوخـر بالأكـوان *** ومـن أدرق يـوم الـلــوازم بـغـيـره
حلـوا بهـم كا حلت الذيـب بالضـان *** وراحت على جمع المعادي كسيره
كـم خـفـرة تـهـل دمـعـه بـالأوجـان *** تبكـي عـلى قـرم العيـال الضهيـره
مامن خفا كلن على الروح شفقـان *** فـي ساعـة فيهـا المـروه عسـيـره
*- ومن فرسان الدوام الفارس الشاعر جوفان الأظليم الدوامي ومن مواقف جوفان في أحد الغزوات كان مقابلهم قوم وبهم فارس مشهور فصب عقيد الدوام فنجال الفارس وقال من يشرب فنجال فلان وكان على من يشرب فنجال الرجل لابد أن يقابله بالميدان ويكون أحدهم مقتول لامحاله فتوقفوا الرجال عن شربه فشربه جوفان الأظليم ثم تلاقى هو والفارس وتمم مهمته وقال هذه القصيدة :
جـاني فـنجـال من خـيـار الفناجيـل *** أحلا من السكـر يـداوي الـغـلـيـلي
فـنـجـال قـدمـوه لــيـه مـشـاكــيــل *** لا جـيـت لـلـديـوان لا زم يـجـيـلـي
يـا مـا لـحـقـنـا ميتميـن المخـالـيـل *** عـاداتهـم بالكـون طـوي الصميلي
جـونـا وجيـنـاهـم ولامـن عـواذيـل *** اليا مـا غـدا جـدع الجنايـز يهيـلي
جـانـا صباح يرعب القلـب وايهيـل *** تعـّوض المـاخـوذ قـولـت يا ويـلي
وأن كلت الحيلات قلت أدنوا الحيل *** وأنـا صلـيـب الشـور قـرم دلـيـلـي
من عـنز إلى عانـه تقل طاقن تيـل *** مـا عـاد ذقنـا النـوم هــو المقيـلـي
دوامات مروين الغلب والشناشيـل *** كـم طـلـقـوا مـن جـادلٍ مـن حليـلي
* ومن شعراء الدوام فليج المسدر ومن شعره هذه الأبيات قالها بعد أن اثقل عليه شيخ القبيلة في الودي ورحل ونزل عند قبيلة الحناتيش من العقاقرة من الفدعان وكان فليج المسدر الدوامي ونحو بن عيد الذهيّن الحنتوشي عيال الخوات وبينهم رحم فرحل فليج ونزل عند نحو وقال هذه الأبيات يسند على رحيمه نحو ويثني على قبيلة الحناتيش ويمجد الدوام:
يـا رب يـا جـيـاب مـزن مـراهـيش *** لا شيف بـرقـك قيـل عـزك كـريمي
أنـا دخـيـلـك والـذرى بالحنـاتـيـش *** عـن الـذي مـالـه قـديـم وعـديـمـي
بيدين ربعي يا نحـو نـتـف الـريش *** وذليت من غادي البخت يا رحيمي
فـودي نهـج يـم المحاميد بخشيش *** وفـودٍ بـلـيـا هـوش مـالـه لطيـمـي
يا بو جبر عن حق ربعـك تـناويش *** كـلتـهـم الطـمـاع وأنـت الـقـديـمي
الـرس خـلـه للرسوس الفـوانـيش *** هـم والعـفـون مرطـليـن الفطيـمـي
أتعب على ربع الدوامات والجـيش *** خـيـالـهـم عـن الـرديــات شـيـمـي
الـيا اجتمع دلاق وسمع اللـواليش *** جـمـع ايـقـاضي والمـقـلـط فهيمـي
* ومن شعر عارف السحيمان الدوامي هذه الأبيات بالشيخ الفققي :
راكـب الـلي كـنـهـا الـقـبـه سنامـه *** معربـه مـن ساس هجـن معـرباتي
كـان أبـو خلـف موصي بالقـوامـه *** أدفـع الـمـنـدوب ولـه العـلـم يـاتـي
يغـالـط أبـو دلي زيـزوم الجهـامـه *** ويـقـول أنـه يـنـطـحـه بمسلحـاتـي
ناطحـه منـكـم لـزم راس العـدامـه *** يا قـليل الميـز مـا أنـتـم لـه القـاتي
* ومن شعر مسهوج الهدب الدوامي هذه الأبيات يمجد بعض فرسان السبعة بعد أحد الوقعات فيقول :
لحقوا هـل العـرفـا بجمع مفـاريـع *** ربـع عـلى خـز العشـايـر اشحـاحي
فطـن عـليهـم مـن لبنهـا قـراطيـع *** وسمعوا لخفرات العـذارى صياحي
وقمنـا نتشاوح فاطرٍ تحـرم البيـع *** وصـار المطاعـن دونها بالـرماحي
خيالهـم يلكد على الخيل ما ايطيع *** وخـيـالـنـا يـروي النشـامـا قـراحـي
ردوا علينـا وربّـع الجمع تـربـيـع *** وصحنـا عـليهـم صيحـة بالبطـاحي
وتـطـلـقـت ايـمـانـهـم بالمصاريـع *** حـتـى زمـت اعـيـونـهـم للسمـاحي
صقـر صقرهم بالملازيم صعصيع *** يا شوق من خـده كما البدر ضاحي
* وقال شاقي الدسيم هذه الأبيات هجينيه يسند على مناحي فيقول :
يا هـيه يـا راكـب المذعـور *** بـس الـمـعـالـيـق طـفاحـي
من عند النصر تهف الكور *** يـا راكبـه أوصـل مـنـاحـي
الجمع اللي علمهم مشكور *** شيخ من العـام مـا انـزاحي
قـليـبهـم سـايـل ومـمـطـور *** مـن فـوقـه السيـل سيـاحي
هنـي من فارق قليل الشور *** يـرحـل وينزل عـلى راحي
من مدتي ما اقدع المقهور *** حس الضحى بعد مسراحي
* وقالت الشاعره بنت ابن موزان هذه الأبيات من الهجيني تمدح الشيخ هزاع الفققي شيخ قبيلة الدوام من السبعة :
راكب اللي ما ظمأ ولا جـاع *** الهـدس الـلـي طـالـعٍ تــوه
أعجل من صفق الهوا لازاع *** لا شغـلــه واعـلـقـوا ضـوه
اسـلـم وسـلـّم عـلـى هــّزاع *** وانشد لنا الشيخ وش نـّوه
قـولـوا يـرّوح عـلينا بسـاع *** كـان أنـه مشفق على جـوه
ترى اللي بحقه ما هو بّزاع *** جـمـاعـتـه تـعـطـي الـخـوه
النـاس كـلـن مسـك لـه قـاع *** وشـرب المزاهيف بـمـروه
* وقالت بنت ابن موزان توجد على منزل راح عندما رحل الشيخ هزاع الفققي وتجهـز للمناخ بين قومه وأحد القبايل :
الشيـخ يـوم انـتـحـا وأنـزاح *** عسى السعد والنصر فاله
نـبي نـوصف وصايـف راح *** وانـمـثـل الـجـو بـامـثـالـه
اليـنـه هـو مـنـزل المصلاح *** يـوم الزمن مفتضي بـالـه
الــذود يـسـرح بـلا سـّــراح *** ومفـلا الرباعي على جاله
زوده يبـيـّن عـلى المصباح *** هـنيـت الـلي راح يـهيـالـه


*وقال مناحي الدويدات الدوامي هذه الأبيات من شعر الهجيني :
يـا راكــب حـرٍ مــن الــقـــود *** الحـر زيـن الـتـمـاثـيـلـي
سـلـم عـلـى شيـخـنـا مـفـنـود *** قـليـبـه لا طـبـه السيـلي
جـانـا ايتخطى عـلى العـامـود *** يقـول حطوا عـلي شيلي
وأن كان هرجي ما هو ماكود *** أرده لجـديـع وعـقـيـلـي
كـل الجـماعـه عـليـه اشهـود *** نـبـه عـلـيـنـا أول الليـلي
* وقالت أم مناحي وهي شاعرة من الدوام هذه الأبيات هجينيه تسند على الشيخ هزاع الفققي :
هــزاع يـا مـســنــدٍ لــــيــــه *** لا يا خلـف كـل مـن ماتي
يـا شـوق خـطـو الـسـنـافـيـه *** قـرنه عـلى المتن زافاتي
أبـعــد عـن الـبـيـر والـطـيــه *** وخذ لك مع الدو سجـاتي
الـعــرفـا تـبــغـي مـفـالــيـــه *** صـوب الفياض العـذياتي
غـرب الصحن شرقي ارويـه *** ديـرت اجـدودك عتيقاتي
* هذه القصيدة من شعر باقان بن ساهي الجولان الدوامي قالها عندما مر بقصر الشيخ راكان بن مرشد فتذكر الماضي وفاضت قريحته قائلاً :
مبـداي بالـلي يرسل الغـيث بغيـوم *** ذكر الولي عندي على القيل بـادي
يـا خـالـق الأيـام يـوم بـاثـر يــــوم *** خـلـقـتهـا وحـصـيـتـهـا بـالـعـدادي
يا رب يا رحمن يا فـارض الصـوم *** عـزل نـور الشمس عـن السـوادي
ومن بعد ذكرك نبدي القيل منظـوم *** قـافي فـقـار وصاخـره مـن فوادي
البارحـه بالليل يـوم استوى النـوم *** العـيـن عـيـا لا يـجـيـهــا الـنـوادي
مـريت قصر قـديـم ولقـيـت مثـلـوم *** وذكرت أنـا راكـان زبـن العـوادي
الشيخ الـلي عـوايـده يـذبـح الكـوم *** أبـو طـراد الـلـي عـلـومـه بـعـادي
من عقبه الأصحاب صاروا لنا قوم *** نقص واجبنا واكثـر الحـق غـادي
كـم واحـداً يشكي من الغلب مظلوم *** يـشرب قـراطيع الـكـدر والنـكـادي
وكم واحـدٍ كنـه من الغـلب مسموم *** درب الخـطأ بالعكس سـووه قـادي
يعيش شيخ من طلع ما رمى الزوم *** عـن المهـونـة عـاف كـل الـبـلادي
من يوم شاف الدرب راكان ملغـوم *** عـاف القـصر ثـم انـتحى للحمادي
يالـلـه لا تجعـل طريقه عـلى اللـوّم *** تــاقــاه يــا خــلاّق كــل الـعــبـادي
الحـر مـا يخـدم اليـا صـار مزحـوم *** يـنصى شخانيـب الجبـال الطوادي
عـنـد السعـود مـزبنت كـل مظيـوم *** اخــوان نــوره عـازيـن الـبـــوادي
حمو وطنهـم من الأجناب والـروم *** بالسيف والشرع النقي والجهـادي
اللي حكموا بالشرع والحق معلوم *** والحـق الأبلـج قاصدينـه اعـمـادي
عسى عـلمهـم مـرتفع دايـم الـدوم *** اهـل الشرف ما حكمهـم بالفسادي
وصـلاة ربـي عـدد ما يطلع نجـوم *** واعـداد حصو القـاع في كـل وادي
على الرسول الهاشمي داحر القوم *** شفـيـعـنـا يـوم الحـساب الـوكـادي