قال عبدالله بن دهيمش بن عبار العنزي هذه المقطوعة من الشعر على طاروق لحن الدحّة :
أول مـا نـبـدى الـقـصـيـدة *** بإسم الـلـه مهـدي عبـيـده
مـولانـا صـان الـعـقـيـدة *** عن مذهب شرك وضلاله
يالـلـه يا عـالـم غايتـنـا *** إحـفـظ يـالمـولـى قـادتـنـا
بـالـعـز تـرفـرف رايـتـنـا *** بالسيف ورمـز الـجـلالـه
إحـفـظ ملـكـنـا وإخـوانـه *** إنصره وإخـذل من خانـه
عـبـدالـلـه شـال الأمـانـة *** والحمل عـن شعبه شالـه
شـال الأمـانـة بـمـتـونــه *** عـز الشعب اللي يرجونه
والـلي لـه نفس ملعـونـه *** السيـف الأملـح يـحـنـى لـه
عـبـدالـلـه حـاكـم وطـنــا *** يـدفـع شـر الـعـايـل عـنـا
والـلي ينشدنـا مـن حـنـا *** هـو والـدنـا وحنـا عيـالـه
وسلطان الباسل عضيـدة *** يـاعـل أيـامـه سـعـيـــــدة
نـفـتخـر بـطـاري حمـيـدة *** يـزهـاه المـدح ويـزهى لـه
الـلـه يـنصـر كـل الأسـرة *** ملجانـا في وقـت العسرة
ويا عـل اعداهم بالحسرة *** والحاسد قـصده مـا نالـه
للشعـب حصـون مـنـيعـة *** من ساس بـيـوت رفيعـة
مـقـرن سـلايـل ربـيـعـــة *** نفخـر بأحفـاده وأنجـالـه
هـم فخـرنـا أهـل الحميـة *** الـلـي يـرعـون الـرعـيــة
وحنـا لهـم اخصلنـا النيـة *** والـوطـن حـنـا فـدى لـــــه
الـلي اكـرمونـا وعـزونـا *** حـمـوا وطـنـا وحـمـونـــا
وبحـكـم العـدل انصفـونـا *** سادوا فـي حكـم العـدالـة
نطلـب المولى ايحـماهـم *** من شر اعـدانـا واعـداهم
هل العوجا ما ننساهـم *** لـهـم عـلـيـنـا جـمـالـــــه
عـاشـوا حـكـام الجـزيـرة *** قـادوا لـلـخـيـر المسيـرة
وطـنـا نـنـعـم فـي خـيــرة *** موطن عـز وعـز رجالـه
افخـر اليـا قـلـت سعـودي *** وأفتخـر بتـراث جـدودي
أهـل الشجاعة والجـودي *** يرسون اليا صارت قالـه
يا ربـعي يـا عـزوة وايـل *** أنـتـم مـن روس الحمايل
عـادتـكـم تـكـدون العايـل *** أهـل الهـيـبـة والـبسـالـه
يا ربـعي يأهل الفضيلة *** أحـيـوا تـراث الـقـبـيـلــة
الدحـة مـن ماضي جيلـة *** عـقّـبـهـا الـوالـد لأنجـالـه
الـدحـة مـبـطـي دحـتـنــا *** عـادات أهـلـنـا وعـادتـنـا
هـي الموروث لعـزوتـنـا *** أصحـاب العـقـل المـيـالـه
الـيـا عـرضـنـا ودحـيـنـا *** نبهج صـدر الـلي يرجينـا
يـبشر بالفـزعـة داعـينـا *** الـكـل يـبـاهـي بـافـعـالـــه
الـدحـة سـلــم الـقـرايــب *** يلعـبهـا الصبي والشايـب
وإن حضر وقت الحرايب *** الـفـزعـة هجـن وخيـالـه
يأهل النخوة والشجاعة *** كونـوا مع جمع الجماعة
تـفـريـق الشمـل قـطـاعـة *** ولا ربـح مـن شـذ لحـالـه
تـرانـا إن مـا تـكـاتـفـنـــا *** جسّرنـا اعدانـا وضعـفنـا
نحـمي قـيمنـا وشــرفـنـا *** والكـل محـاسب بأعمالـه
والـلي مـا يعـتـز بـربـعـة *** سلمـه باطـل مـا نـتـبـعـة
الطـيّـب مـا يـغـيّـر طبعـة *** مـا يقـفي لـو يكثـر مـالـه
الـطـيّـب بالـيـوم الـفـادح *** يـجـود ويـزهــاه الـمـادح
والـردي يـعـرض للقـادح *** يـبـرز عـلـمـه بـالـنـذالـه
نـفـخـر بـطـاري طـيـبـنــا *** الـلـي مـفـعـولـة يعـجبنـا
بـيـت الـقـبـيـلـة مـا يـبـنـا *** ألا بـرجـال الـشـكـالـــــه
نـعـم بـهـزاع بـن عـايش *** الطـيّـب للجـزلـة حـايـش
من شاف المنقيّة شايش *** جل الذود ارخص به ماله
ذود الـروسان المنـقـيـه *** يـحـمـيـهـا رب الـبـريـــة
وضح تشبه جول ظِبيّـة *** من شاهدها تشرح بـالــه
لا أقبل مثـل نظـم الـدرر *** وألا مـثـل رش الـمـطــــر
بالعرض يدفعها السِّطَر *** يــدك الـبـيـداء مـنـزالـــه
وضح بهـا وسم عـنـزة *** مــن كــل ذود نــفــــــرزة
كاس المؤسس تـحـرزة *** وفـوزه بـالأول هـو فـالـه
ذود أبـو فـهــد جـلايـــل *** نـقـوه مـا فـيـهــا هـزايـل
يستاهلهـا بـن الحمايـل *** عـاداتـه كسـب الـجـمـالـه
تـخـيّـر وأدى مجـهـودة *** الـلــه يـبـــارك فــي ذودة
وعساه يحصّل مقصـودة *** ويـنـال الـفـوز بحـلالــه