تابع مدونات قطوف الأزهار
* وهذه القصيدة من شعر الشيخ زيد البداح أبن هذال قالها يرثا فرسه :
الحيل حيل الـلـه ولا في يـدي حيـل *** لا جاء القدر ما في يـد العبد حيله
ليت الخطر ما جاك يا شمعة الخيـل *** يا اللي على صم الرمك بـك نفيلـه
ذريـبـة الـذرعـان مـركـوزة الـذيــل *** مثـل العـنـود الـلي تقـود الجميلـه
صفرا صهات اللون مركاضها يهيل *** وأنـا أذكـر الـلـه دايـم مستـزيـلـه
ولا هي من اللي عادته فترت الحيل *** يا رب عـوضـني خـلـفـهـا بـديلـه
أنطـح عـلـيهـا كايـديـن الـرجـاجـيـل *** وأن حققوا عقـب المغـار الدبيلـه
تدعي أن كانه غربط العفـن بالشيـل *** وردوا عـليهـا بالجمـوع الثقـيلـه
عـلـوى طوال الـزرق عدالـت الميـل *** خـوالـي الـلـي يـكسبـون النفيلـه
نثـني لعـيـن مـروك المسـك بالهيـل *** وضح الترايـب ناسعـات الجـديلـه
ولا لـعـيـنـي بـكـرتـيـن مـن الـحـيـل *** طـويـلـت النسنوس شقحـا جليلـه
* أما الشيخ : شارع بن زيد بن الحميدي الهذال فله قصائد كثيرة ومن قصائده هذه القصيدة يلوم على الشيخ برجس بن مجلاد لبقائه في الأسياح
انا نفضت القنو ليـن الخمـج طـاح *** بسعـود مـن جعــل المنـايــا تعــداه
الصبـح أطالـع قبـة تقــل مـضيـاح *** متـريـح ما بيــن شطيــن وأفــــراه
والحمـد لـلـه ذودنا خلـف والقـاح *** والـجـوع خـالـفـنــا وحـنـا نسيـنـاه
ماني كما اللي قاعـد بدار الأسياح *** اليـا طالعـه سبر أبرق الجوع يلقاه
وقال شارع بن زيد من قصيدة يسند على الشيخ صقر الدغيّم الهذال :
طس السبيل من أصفر اللون طسه *** الشاوري يسقط على غاية القـلب
قـلـبي غـدا لـولا ضلـوعـي تـمسـه *** عشت بوزا وجربت غلب بثرغلب
يا صقـر يا الـلي للمناعـيـر غـصـه *** عوق العديم إلى تعاوج عن الدرب
كان أنت شفت من القـرابة محسـه *** أبعـد بعيد ولا تشافى عـلى القـرب
لـومي عـلى الـلي قانص لـه أبسـه *** اللي الحراريداورونه على الخرب
طبـل الغـنم جـاب الحـرامي بحسـه *** والذيب جـاها والغـنم ما بهـا كلـب
* وقال الشيخ متعب بن فهد الهذال يسند على حجي بن ضيدان بن هيازع
يـا مـل قـلـب فـطنـه شلعـت الطـيـر *** ما كـن مـاضي لـي جمايـل نساني
أن لايـع الخضراء ولا لـه شماديـر *** مـا قـال أنـا لـيـه خـوي وتـنـانـــي
فطن عـليه مـراح روس الشناخير *** وعشـاه من بيض الثنادي سمـاني
متى يا حجي يوم نرشد عـلى خيـر *** ومـتـى نـوادع ســرهـا والـفـدانـي
نبي نـدور الشيخ حامي المقاصير *** ريـف الهجافـا كـان شـان الزمـاني
ومـتى تزوع اسلافـنا والمضاهيـر *** وبالـروض تبنـا مشيـدات المبانـي
ومقامنا بيـن الريـاض المخاضيـر *** ويبـدي عـلـيـنـا مـن بـعـيـد ودانـي
ونبي السبايا معـسكرات المسامير *** فـرحـان هـو وديـعـهـن بـالأوانــي
وأن اعتلوا قـب المهـار المناعيـر *** الـجـوخ يـزهـا مـلـونـات الـكبـانـي
في ساعـة غـارن وراضن شنانير *** والغـلـب عنـد معـربـات الحصـانـي
نـوب نجيب الفـود روس الخواوير *** صفـر وشقح وخالطـه ويضحانـي
مـره عـليهـن جـايبـيـن الـمغـاتـيـر *** ومـره يجن مـا غـيـر هـز العنـاني
ومـره يـجـنـك بالنشـامـا مصـاديـر *** متـفـقـدات الغـوش طـلـق اليمانـي
* وهذا القصيدة للشاعـر مسعود أحد موالي آل هذال يتوجد على أعمامه عندما اقحطت ديارهم القصيم ونزحوا للشمال بحثاً عن المرعى فيقول :
أمس العصر عديت في راس ملموم *** رجم طـويــل بشـامخ الحيـد زامي
رجـم طـويـل بعـالي الحـيـد مـزمـوم *** تلعـب بـه الأرياح شـرق وشامي
رجـم طـويـل ولا يـوكـر بـه البـوم *** غيـر العـقاب الصيرمي والقطامي
يا ركـب يـا مترحليـن عـلـى كــوم *** يا للي بكم عيرات الأنضى همامي
يا عـيـال يا متروحيـن ضحى اليـوم *** يا موفـقين الخـيـر خـوذوا سلامي
بمسطرٍ فـي صفحـة الحبـر مرسـوم *** بـكـتـاب مـني للـوجـيـه الـكـرامـي
قـلبي عليل وصايبـه غـم واهـموم *** يا أهل النضى ودوا لعـمي كـلامي
تـلـفـون عـمـي للمـنـاعـيــر زيـزوم *** مشعان ستر معورجات الوشامـي
الـيـا لفيتوا ديـرة أصحاب من قـوم *** احكوا ترى حمض الرجال العلامي
يـاعـم يـا مـدب هـل الكبـر والــزوم *** يا مروي حدود النمش والحسامي
تـتليـك بالممشى جهامـة وداهـوم *** أولاد وايـل كـالـجـراد الـتـهـامــــي
إلى صاح صياح مـن أعداه مضيوم *** وردو حياض الموت وردالظوامي
غديت مثل اللي على الوجه ملطوم *** من عقب مروين النمش بالزحامي
غديت مثل الـلي عـلى الديد مفطـوم *** قعـدت أوقـف عنـد فـرق الغـنـامي
من طاوع الثنتين يصبر على اللوم *** يصبر على فـرقا الأهـل والعمامي
شاورتهن بالراي وأصبحت منجـوم *** وصفقت بكفوفي واعض البهامي
عـفت الرقاد وحاربـت عـيني النـوم *** وأبـديـت مـا كـنيـت مـاني بكامــي
أبكـي هلـي يـا نـاس مـاني بـمليـوم *** وأظـن مـن يبـكي هلـه مـا يلامــي
ما هـو على غـرو من الـدق ماشوم *** عـلى الشيـوخ متيهيـن الجـهـامي
جلست بـوادي الـدوم كـني بمنجـوم *** مثل السجين اللي بحبس الظلامي
على ركـايا الرّس جلسـت ملـزوم *** عـليـه مـن ورد البـوادي ركـامـي
وأحن من الوجلا حنين أم خـرطـوم *** والصبح أجاوب نايحات الحمامي
أقـفــوا وخلوني مـن الغـلب مسموم *** مثـل الطـريح الـلي غشاه الكتامي
علمي بهم هفوا مع الواد ابـو دوم *** مستجـنبـيـن مـطيـرات العـسامـي
عـلمي بهـم بـقصّيـر وقبلـه الـتـوم *** تـغـاروا الـمعـبـار والشـط زامـــي
اقـفـوا كما طير قـلب رأسه الحوم *** بهـيـفـيـة ما ينـدرى ويـن حـامــي
أقـفا بهـم شيخ عـلى الضد صـاروم *** حـرٍ شلع صوب الجزيرة وهيـامي
أدنــا مـنـازلـهـــم شـثـاثــا ولمـلـوم *** وأقـصى منازلهـم بـوادي النعامـي
هـذي مـرابـط خيـلهـم دايـم الـدوم *** حـقب العيون مروبعات الهـوامـي
هـذا مشـب الـنـار والحـفـر مثـلـوم *** ومركى الـدلال المتعبات الشوامي
يـركـب عـليـهـن باللقـا كـل شغـموم *** مـن اللابة اللي ما وطو بالملامـي
كيف الظعـون بداركم كنهـا أغـيوم *** وأنـتم تـروون النـمش بالـزحامـي
وادي الرمه غـدابـه العـشب كيهـوم *** ترعى به القطعـان والكبـو حامـي
تنحاهم الصفراء عـلى حـزم ديهـوم *** اليـا مـا تعـدوا قـود خـب العـدامي
يتبع