مسا الخميس ماهو مثل مسا كل الايام
وليله ماهو مثل كل الليالي عارفينه
***
فيه طال ليلي والناس في فرشم انيام
عيني تسكب العبراة وقلبي ينسمع ونينه
***
على الذي اخذة انا وياه اثنين وعشرين عام
ماشفت انا في عشرته نقيصه وشينه
***
طاح قدام عيني مسجى ومن طيحته ماقام
سلم الروح للباري وايديني ممسكه ادينه
***
البنت تقول يمه يمه علي ردي الكلام
والولد محتار الفكر يضرب يساره يمينه
***
ثم التفتوا علي وقالوا يبه صرنا ايتام
هذا الموت اخذ امنا صدق يبه عارفينه
***
ضميتهم على صدري وقلت الصبر شرع الاسلام
هذا قدر ربي وربي على كل الاحوال حامدينه
***
عساه مسرور في قبره وعساه في نعيم تام
وعسى قبره من تراب ومسك الجنه فارشينه
---------------
الوادي
عبدالرحمن عبدالعزيز الخمِيس
ابوعبدالعزيز
١٤٣٥/١٢/٢٠