أبيات من شعر فهد الفليحي مهداه الى الشيخ متعب الفققي مع التحيه
يا متعـب الـنـاس لاتسمع لهــرجـتـهـا *** خـل السـواليـف يابـن العـم مقـذولـه
لا تنزعج لـو تـزيـد النـاس ضجــتـهـا *** مادامنـا بخـيـر والاوضـاع محـلـولـه
بعـض الاوادم تبيـن مـن عـجـاجـتـهـا ***اقـليـّل العـرف ناقـص قـدر محصولـه
دائم ورى النـاس يتـابعـهـا بغـلطتهـا *** يجنح عن الصدق ويكذب كل مايقوله
نـفسه عـن العـز ما تـرقى لهـقـوتـهـا *** يـعـيـش الايــام والاحــلام مـجـهــولـه
والناس دائـم تصـج الـراس لـجـتـهـا *** ياكثـر ماشفـت من اشياء غيرمعقولـه
والشعـر يسمو ابيـوتـه في طـروتهـا *** لياجـاء من الـراس والابيات مفتـولـه
يـكـوي نـفـوساً تـبـيـن لـك عـدوتـهـا *** ويـشـرح كـبـودٍ تـحـبـك دوم مقبولــه
والـنـاس معـروف يامتعـب حصيلتها *** اكـيـد بـتـقـول لـي الـنـاس وشــولـــه
وانـا بـصـرح عـن نـفسي ورغـبـتهـا *** النـفـس مـن طـاري الانـذال معـلـولـه
بعض الاوادم مـاهـي كـفـو محـبـتهـا *** الـلي مـن الديـن والمعـروف مغسولـه
ترى اكثر الناس ماتنومس صداقتها *** صحيح من قـال عـنها نـاس مـبـدولـه
والا الاجـاويـد تـبـقـى فـي مـعـزتـهـا *** لاشـك فـي هـالزمن ياحـيـف مقـلـولـه
واقـبـل تحـيـات مـني فـي نـهـايـتـهـا *** دام الـشـعـر اتـجـاهـك حـلـت احلـولـه
اهدى الى اخي متعب مع خالص تقديري
اخيك ابوسلطان فهد الفليحي ١٤٣٣/١١/٧
رد متعب الفققي على كلمات الاخ الشيخ فهد الفليحي النومسي معرف النوامسه بالقصيم الموجهه لي بعد زيارته لنا من اسبوع
يـافـهـد زيـارتـك مـزيـن حـلاوتـهـا *** والي مثل شرواك يبو سلطان مقلوله
شرفـتنـا والنـفس طـابـت بهجـتهـا *** خذ صمايل من صديق عطاك مدلوله
ونـدري ان الايام لادارة بـدورتهـا *** مـرات تصبح الـيـد الطـائـلـه مشلوله
والجمره الي محد يعرف حرارتها = الا من هو وطاها يا أبو سلطان برجولـه
يجهـل الحـلو من لاتذوق مرارتها *** دنـيـاك هـذي يـا أبـو سلطـان مجهوله
بعض الأودم ظروف الوقت حدتها *** تسكت ولو هي من الأوضاع معـلولـه
كل المصاعيب عـنـد الـرب حلتهـا *** كلماتك وصلت يا أبـو سلطان مقبوله