موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - عرض مشاركة واحدة

10-28-2011, 02:36 PM

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]

شعر الرثاء لا يخلو الموعظة وهنا نستعرض مقاطع من قصائد قلتها في رثاء بعض الأفاضل قلت من قصيدة :

وقلت من قصيدة :
يا الـلـه يا للي بالخـفاء دوم عــلام *** يا لواحد اللي شيّد العـرش تشييد

يا من خلقـت الكون فـي ستـة أيـام *** يا الله يا محيي الغصون الهواميد
يا مـن لـك عبـادك سجـودٍ وصيّـام *** يا مقـدر أعـمار البشر بالمواعيـد
يا منزل الأمزان من سحب وغمام *** أنزل على محمد حقوق الرواعيـد
نطلب من المولى عسى عزهـم دام *** ريـف البلاد أهل الفخر والتحاميد

سميـت بسـم الـلـه عـليـم الخـفيـات *** مجـري نـظـام الـكـون بتصـرفـاتـه
يا اللـه يا منـزل عـلى الرسل آيـات *** يا للي فرض ركن الصيام وزكـاتـه
دعـاك يـونس بالـبحـور الغـزيـرات *** وموسى نصرته يوم يلقي عصاته
أنت الولي وأبواب فضلك وسيعـات *** عـبـدك دعـاك ولا تـخـيـّب دعـاتـه
بحسناك تسكـن من فـقـدنـاه جنـات *** وأنـت الـذي مـا تنحصي مكرماتـه
مـرحـوم يـا مـن للـديـاويـن زيـنـات *** حيث الشهامة والأدب من صفاتـه
مـرحـوم يـا راعـي الـدلال العـذيـات *** ونجـره ينـادي للهواشـل أصواتـه
حـان المـقـدر والسنيـن محسـوبـات *** لا شـك مـا هـانـت عـلـينـا وفـاتـه

وقلت من قصيدة رثاء :
بسم الكريـم مكـّون الكـون سميـت *** الـواحـد الـمعـبـود رب المـقـاديـر
رب الملأ علام ما أعلنت وأخفيـت *** جـزل المواهب بأيده الشر والخير
يا خالـق المخلـوق بسمـاك ناديـت *** أنت البصير بدبرتي قبـل ما صيـر
نـاداك يـونس بالغـيـاهـب ولـبـيـت *** وأنجيت ابن يعقوب من غبة البير
يـا رب تـغـفـر زلـتـي كـان زلـيــت *** يـا خـالـق الدنـيـا عـليـك التـدابيـر
ومن بعـد ذكـر الله تفطنت وأمليت *** أبيات فكري صاغهـا عقـب تفكيـر
هـذا الكـلام الـلي بنظـمـه تـوريـت *** عبـره لمـن يسمع كلامـي وتذكيـر
يالـلي عـلى الـدنيا الدنيـة تشافيت *** حـذراك لا يغـريـك جمع الدنـانـيـر
يالآدمـي لـو بالـمنـاصـب تـرقـيـت *** لا بـد مـن بعــد المرابـح مخاسيـر
مهمـا استـوت دنيـاك مهما تعـليت *** لا بـد مـن بـعـد الـتعـلي مـحـاديـر
ترى القصور الشامخه والحوانيت *** تنهـار ما تـأمن عليهـا المعاصيـر
مهمـا زمانـك فـي نعـيـمـه تهـنيـت *** عقب السرور تعكر الصفو تعكيـر
مثـل الربيع الـلي بروضه تمشيـت *** لا بـد يذبـل مـن سموم الهـواجيـر
أغـنم زمـان اصبـاك قبل التوابيـت *** قبـل تـلـوح بعـارضيـك المغـاتـيـر
العبد لا بد لـو يطـول المـدى ميـت *** بالله نعـوذ مـن اللظى والزمهريـر
حان القدر وش فايدت قول يا ليت *** مـرحـوم يا ريف البـداه المساييـر
مرحـوم يـا مـن بالمكـارم تـربـيـت *** عندك كرم حاتم وبـك هيبة الزيـر
وختامها على أشرف الخلق صليت *** اللي هـدي الأمه وزال الأساطيـر

وقلت من قصيدة رثاء :
سهم القدر مـا طـاع شاير وعـذال *** الموت برقـاب البشر ما بهـا ريـب
لـيـت الـمـنـايـا للـهـلابـيج الأنـذال *** ما تاخـذ اللي ينطحون المصاعيب
هـذي تدابيـر الزمـن والتصـاريـف *** يـزول جيل وجيل بالـدرب يـقـفـاه
المـوت يـدنـي والمنايـا خـواطيـف *** والكـل فـي دنيـاه تـقـفي مـطـايـاه

وقلت من قصيدة رثاء :
ودنياك هـذي فـانيه ما بهـا خـلـود *** أقـفـت بعنتر والـزناتي وأبـو زيـد
دنيا الشقا ما بيـن سارد ومسـرود *** يـا مـا هفـابـه مـن كـرام الأوالـيـد
أيامهـا يأتي بهـا نحـوس واسعـود *** يوم عـزاء واليوم الآخر بها عيـد
فيها ليالي بيض وأيضـاً بهـا سـود *** نـوب فـرح وسرور وأحيان تنكيد
سهم القدر ماهـو عن العبـد مردود *** ترمي سهوم الموت مثل العباريد
وحـوض المنايـا للمخاليق مـورود *** وكثر البكا والنوح والحزن ميفيد

يـا الـلـه يـا الـلي مطـلع بـالسـرايـر *** يـا رب لا تـفـجع قـلـوب المحبـيـن
مهـمـا نعـبـر مـن خفـايـا الضمـايـر *** ما تنفع الدمعـة على محجر العيـن
والحتف دولابـه عـلى الخلـق دايـر *** مـن لا يجـيـه اليـوم يأتـيـه بعــدين
ما قـدر المـولى عـلى العـبـد صايـر *** من عاش وافاه القدر لو بعد حيـن
يتبع

أخي أبو مشعل ..... بارك الله فيك ،،، وأبلغت الموعظة ،، والحقيقة أنني شعرت بالبكاء وأنا أقرأ هذه المواعظ ،، وهذا يدل على صدق الواعظ وحسن نيته ؛ لأن الذي من القلب لابد أن يدخل القلب .