تابع
وقلت من قصيدة رثاء :
الـعـمـر يـفـنـا والـمـنــايـا ذوابـيـح *** ولا ينتظـر لحظه الـيـا حـان حينـه
نـاخـذ بـدنـايـا الـدنـيـه مـشـاويــح *** وحـوض الـمـنـايـا كـلـنـا وارديـنـه
مالـوم من عينه دفـق دمعهـا سيح *** ولالوم من تبكي على الشيخ عينه
مرحـوم يـامـن غـيـبتـه الصلافيـح *** عــز الـلـه إنـا بـغـيـبـتـه فـاقـديـنـه
شيخ قضى عمـره عـبـاده وتسبيح *** والـلـه وكـيـل الـلي تمسك بـديـنـه
يطلب من الله والي العـرش تنجيح *** بـيـوم تزوغ ابـه العقـول الرصينه
مالـه عـلى الطـرق الرديه مراويح *** ولا سـار قـدمه بالـدروب المشينـه
يا الـلـه يـا مجـري هبوب اللوافيح *** لطفـك وعـفـوك يالـولي مرتجـيـنه
يا عـالم بغـيـب السرايـر ومـا بـيح *** تعـلم جهـر عبـدك وخـافي كـنيـنـه
وقلت من قصيدة رثاء :
سبحان رب الكـون بيـديـه الآجـال *** الـواحــد الـرحـمـن جــلا جـلالــــه
الحـمـد للمولى عـلى كـل الأحـوال *** حيث الجـزع عند المصيبه جهـالـه
لـكـن عـن العبـرات مـا فـاد عـّذال *** وش حيلـت المفجوع والقلب والـه
ما اظن ينفع لو جرى الدمع شّلال *** لـكـن فـراقـه مـا نطـيـق احـتـمـالـه
شـد الـرحـال وكـل مخلـوق رحـّال *** والـحـي لا بـد الـمـنـيــه تـطــالــــه
يـالـلـه تـوسـع لـه بـمثـواه مدخـال *** نطـلب لـه التـثبـيت حـزت سـوآلـه
والحمـد للمولى لـه اخوان وعـيال *** الـلـه يبيحـه والخلـف فـي انجـالـه
وقلت من قصيدة رثاء :
مبـداي بـالـلي لأمـره العـبـد طـايـع *** رب الخلايـق لـه سجـدنـا وركعـنا
جـل الـولي كـل الـمـلأ لـه صـنـايـع *** هـو البـديـع الـلي خلقنـا وبـدعـنـا
نـعـوذ بـالـلـه مـن كسـاد البضـايـع *** الـواحـد المعـبـود حـلـمـه وسعـنـا
سهـم الـقـدر فـّرق نـزول ونجـايـع *** هـو المصيـر وعـنـد ربـي سـنعـنـا
عسى الولي يخفف مصاب الفجايع *** طعـنـا لأمـر رب العـبـاد وخضعنـا
الـروح بـاجـسـاد الـخـلايـق ودايـع *** الـلي خـلـقـنـا ربـنـا ولـه رجـعــنـا
وكــل الـخـلايـق لـلـمـنـايــا قـلايـع *** وعـن المـقـدر حـرصنـا مـا منعـنـا
مـا يـرجـع الغـاليـن نـوح الربـايـع *** ولا ظـن ينـفع حزنـنـا لـو جـزعنـا
مـن حـان يـومـه مـا تـفيـد الذرايع *** والمرتحـل مـا نـرجعـه لـو شفـعنـا
مـن نـزل لا بـده عـن الـدار زايــع *** وطـول الأمـل بالفـانيـه مـا نـفـعـنـا
دنـيـا الشقـا تـشبـه سـرابٍ بخـايـع *** كـالـلال بالبـيـدا ضحاحـه خـدعـنـا
نسعى بـهـا ويسعى بهـا كـل سايـع *** نـبي الخـلـود بجـالهـا مـن طمعـنـا
تـرسـل علينـا مـن غـثـاهـا طلايـع *** لا شـك مـن لــذاتــهـا مـا شـبـعــنـا
يـأتي زمنهـا شيـن وأحيـان رايــع *** مـا مـن جـدا لـو زاد فـيهـا ولـعـنـا
تمضي بـهـا سمـر الليـالي سرايـع *** تـبـلا ونـجـني بالعـمـل مـا زرعـنـا
من عاش بالدنيا يشـوف الفضايـع *** لابـد نـنـزل بـالــوطـا لـو طـلـعـنــا
جانـا الخبـر والعـلـم بالناس شايـع *** العـلـم شـاع وليـت لـه مـا سمعـنـا
مـا نـمـلـك الـقــدره لـرد الـوقـايــع *** لـكـن رحيـل الـطيبـيـن ايـخـرعـنـا
يـا رب يـا مـهـدي البشـر للشرايـع *** أنـك تـسـنـع دربـنـا كـان ضـعــنــا
تلطف باللي صيته مع الناس ذايـع *** لـو ارتحـل لا زال طـاريـه مـعـنـــا
وقلت من قصيدة رثاء :
سهـم المـنـايـا عـلـتـه كـاد طـبـّه *** ومن حان يومه ما يفيده طبيبه
سيف الأجل من حان يومه يجبه *** ولا حـيٍ ألا صار تحت النصيبه
هـذا المصير وتالي العمـر خـبّـه *** والخلـق خـلاق الخلايق حسيبه
الـمـوت حـق وكـلـنـا نـحـتـسبـه *** لكـن مثـل عـثمان فقـده مصيبـه
مـرحـوم يـا شـيـخ تـوفـاه ربــّه *** عثمان أبوناصر عسى الله يثيبه
نطـلبـك يا رحـمن تجـعـل مطبـّه *** يسكن بجـنـات النعـيـم الـرّحيبـه
الفاضـل الـلي مـن وقـاره نحبـّه *** رب الملأ حاميـه ما داس ريـبـه
نـزه الشوارب مـا تطوله مسبـّه *** شهم وعفيف ولا مشى بالمعيبه
وقلت من قصيدة رثاء :
ليت الفنـاء لأهـل الدجـل والخديعه *** كـبـار النـفـوس مسوديـن الفوايـل
ليـت الفنـاء لأهـل العلـوم الشنيعـه *** سـود القـلـوب مسيـسن الـدغـايـل
قـشر المخـابـر جـعـلهـم للقـطـيعـه *** بـادوا ولا عـنـهـم عـريـب مسايـل
نـنـدب شغـامـيـم القـروم الشجيعـه *** يـالـلـه تـجـعـل للحـمـايـل عـقـايـل
مـرحـوم يالـلـي للـرفـاقـه شريـعـه *** الـقـدر حـان وما على الكون زايـل
عـساه يـسكـن بالجـنـان الـوسيعـه *** بـيـن الغـصون اليانعـه والخمـايـل
عسى الـنبي يـوم القيـامـه شفيعـه *** ويحـمـيـه ربـه مـن جحيم الملايـل
وقلت من قصيدة رثاء :
لـيـت الفـنـا لـلـي مـن الكـبـر قـنـّات *** خـايـب ويفخـر بالعـظـام الهـواميـد
وليـت الفـنـا لـلي تعـود عـلى هـات *** مـا يـمشي ألا بـالـفـواتـيـر تـسـديـد
وليـت الفـنـا لمفـرقـين الجـمـاعـات *** الـلي عـلى شخوص القبيله محاقيد
وليـت الفـنـا لأهـل العلـوم الرديـات *** الـلـي فـعـايـلـهـم مـكـايـد وتـنـكـيــد
وقلت من قصيدة رثاء :
وقـايـع الـدنـيـا مـصـايـب ونـكـبـات *** بـادت شغـاميـم الـرجـال الأمـاجـيـد
عمر البشر يمضي دقايق وساعـات *** في قـدرة الـلـه حـدد العـمـر تحديـد
دامـه محـدد فـي ثـوانـي ولحـظـات *** عن موعده ما ظن ينقص ولا يزيـد
وقلت من قصيدة رثاء :
المـوت يـودع كـل مخـلـوق جـاثي *** ولابـد للأنسان مـن سكن الأجـداث
حـاولـت أنـظـم بالفـقـيـد المـراثـي *** لـكـن تلعـثـم مقـول الشعـر وانـلاث
عبدالعـزيـز الشيخ بالطيـب عـاثي *** نـدي كـف لـكـل مـن يـزبـنـه غـاث
يـاقـل الـلي مـثـلـه تجيـب الأنـاثي *** مـن لابـة مـاهـم منـاحيس وأخبـاث
تـواجـره مـبـطي فـخـرهـم وراثي *** مـجـد الكـهـول معـقبـيـنـه للأحـداث
وقلت من قصيدة رثاء :
وقلت من قصيدة رثاء :
البشر عـمـره دوامـه مستحيـل *** وكـل خـلق الله مصيره للـزوال
كـل جيل من البشر يقفـاه جـيـل *** والسعـادة في خواتيم الأعـمال
وقلت من قصيدة رثاء :
الـمـوت حـق ولا مـنالـمـوت مـخـلاص
لاشك مـا يفـقـد سوى قـروم واشخوص
لـيــت الـمـنـيــةوالــفـنــا لـكـل لـــوّاص
المسرف الـلي مـن الـرجـاجيـلمنقـوص
الـلـي هــذاريـمـه تـخـامـيـن وأخـــراص
الحـقـد كـبـده بـالـغـثـاءمـاصـهـا مـوص
مـا يـفـهـم الـمـقـصـد ولـلهـرج خـبـّاص
قـلـبـه خـبـيـث وهــرجـتـهكـلـهـا لــوص
هـذاّر بـالـمـجـلـس ولاعـنـده اقـصـاص
قـلـبـه عـليـل ويـرتـقـص تـقـل مقـروص
الـلـي قـهــوتـه تـالـي الـلـيـل بــقــلاص
فـاسـدويـفـخـر فـي فـعـايـل هـل العـوص
كـوبـان هلـوس والسبب يـبلـع أقـراص
خـاب وخسـر وأصبح يلـوّج تـقـلصـوص
وقلت من قصيدة رثاء :
تلويـن يـا دنيـا الغـثـا والهـواجـيس *** دايـم تقـلّـب مـابهـا شخص لازي
أحيـان نـلهـي بالطـرب والتوانـيس *** نوب سرور ونوب حـزن وتعازي
وقلت من قصيدة رثاء :
يـا الـلـه يا خـلاّق بالجـسم الأرواح * رب الوجود اللي عـلى الكون ماجود
يالله يالـلي لـبـوب الأرزاق فـتـــّاح *أنـت الكريم مصـرف البيض والسود