لا بالله ماهم باحثين وعزالله كلمة باحث يبطون ماوصلوها ،المتتبع لكتاباتهم
وتحيزهم في كثير من الأمور وخلط الأنساب حتى في تفريعات قبيلة عنزة يدرك
ذلك ، وجميعها عملية هدم فقط لكتاب أصدق الدلائل ، جميع ماورد في اصدق الدلائل
يتم هدمه من قبلهم بالنفي ، لايوجد شيء يخسرونه ، إذا كان الرجل ماعنده ذمه
وضمير ويلعب بأنساب خلق الله وش عليه من وائل أو غيره ، كلها عنده مثل بعضها
اهم شيء أنه يقول عكس كلام ابن عبار ،الامر الجميل إنه كل شوي يطلع لنا
باحث جديد ، وصارت الدعوة مزاج وأهواء عنزة كل ٍ يلعب بها من عنده ،،،،
الخلاصه :
قالوا بابــن عــبار هايــف وخــراط = عــقب المهابــه صــار قــدره صغيــري
كم واحــد ٍ لمهـذلف القــول قـــراط = عــد إن قــولــه مــار شي ٍ مصــيـري
دام إن سوالفهم بها غــلط واغـلاط = مــالــي بهــا يا علها بألف طيري
شفت الهدف ماهو نبيل وبه افراط = كل ٍ يبي هــالمــجــد يــمــه يحيري
روس ٍ تشلـوط بالرديــه تشـــلواط = ماصيــدهــا يــم الحقــيــقه تسيري
بعــلوم ما تشرّف ولا حازت انواط = بالهيلمه رغــوة فــقـاقيــــع فيــري
نـكــث السوالف مابها غير الاحباط = اتـــلاتــهــا يالــربع جمخ 00000