موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

- الركن الخاص بقصائد الشاعر محمد سوعان الربيع (http://www.bnabar.com/vb/forumdisplay.php?f=111)

- - حظ الفلس والندامه (http://www.bnabar.com/vb/showthread.php?t=8940)

حظ الفلس والندامه

حــظ الفلس والمــلامـــه .....

وش فيك ياحظ الفلس والندامه
..........من اردى لاردى طول الايام ياشـين
وش فيك مثل اللي يغط بمنامه
.........كالميـت ما يســـمع نـدا نـاس حـييـن
خابت به الهقوات مادري علامه
......... يـوم الحظـوظ تغيـر مثـل الشـياهين
ماحشت لي كود الألم والملامه
......... وش الذي ينـحـاك قُلّـي عـن الزيـن
جبت النطيـحـه يالـرّدي والهلامه
........ خــزلتـهـــالــــي والنـوادر مـلايـيــن
تقدر ؟ ولكن ما تبي لي سلامه
........ هذا انت انا خـابرك حظي من سـنين
ولا ودي اسـوّي سـواة النعـامـه
........ادس راسـي والمخـــاليـــق واعيـــن
وكم واحدً ما ابـدى خفاه ابكلامه
........ ولو ما حكابـه فاكثــر الناس داريــن
بقلمــــــــــــي .......

أخينا محمد بن سوعان الربيّع لاشك أنك لا تجد أنسان ألا ويعاني من هموم الدنيا ونسأل الله أن يفرج همّك وهم كل مسلم

لاهنت ابو مشعل
والشعر رساله وترجمة مشاعر
وعلى ما قال :
كلن عطاه الله من هبة الريح
كل واحد منا مايخلا من هموم الدنيا
ابعد الله عنك الهم وتبعياته وعافاك من كل شر
ان شاءالله
اشكرك على المرور الطيب وانت من الطيبين