|
ابوي علمني .....
ابوي علمني ولانيب نساي .....
قالـت وش اللـي يجذبـك في مـزايـاي ............. وش الذي يعجبـك فينـي امـانـه قلت : اسمعيني وافهمي غاية امناي .............. وانـا جـوابي مــا يعــوز لظمـانـه اقـــولهـا والصــدق يســـكن نــوايــاي ........... ومكــارم الاخـلاق عنـدي مصانـه عـادات اهلنــا تمتــلك كامـل اعضـاي .......... مــاهـي تصنــع والتصنــع عفـانـه ... اخـذتـهــا واتـقـنتـها بـــاول اصبــــاي .......... وديــن الفضيـله منهجي والامانـه ما احيـد عنهـا لينـي آصـل لمثــواي .......... هــذي وصــاة العـود باخــر بيـانـه ابـــوي عـلمنـي ولا نيــب نســـاي .......... علـى سـلومً مــا قرضـهـا زمـانـه على المراجل حثني وادفع اخطاي ........... والمــرجله للمـرء تــرفــع كيـانـه اما الجـواب اللي طلبتيه لك جـاي ........... ظمـن الافـاده بـاحتـرام ورزانـه انتـي أصـٌريتـي وتبغيـن لـي راي .......... وتـبغينـها فـي كـل صدق وأمانـه شفي وغاية مطلب النفس وارضاي ......... بنـت الحصـان اللي يوصٌف تـكانـه اللي نشد عن خالهـا قبـل الادلاي ........ من قبل يسرجهـا ويمسك اعنانـه مابي ظما يابنت وابي اروي اظماي ......... انـا علـى نبـــعً يـفيـض ابحنــانـه والـزود مكسب وانا للـزيـن مشٌـاي ........ اجيـــه انــا لـو كــان دونـه حصانه لو ينذكر لي من ورى ديرة اعداي ......... امشي وابطلب من الهي اعـانه لين انها ترسي على شط مرساي ......... بالطيب .. وافعــال الـردايـا مدانـه حـب الاصـايل مبتـغايـا ومشـهاي ......... ونفسي عـزيزه مـاتـروم الاهــانه محمد بن سوعان الربيٌع |
الأخ محمد بن سوعان بن ربيّع أبحر في محيط الشعر ولا أدري لماذا كان يبخل علينا سابقاً في هذه الدرر الثمينة وقد ذكرني بمجاراتي للشاعر عايد رغيان الوردة :
*- قال الشاعـر عايد بن رغيان الشراري هذه الأبيات يسند على عيد وقد نشرت بصفحة نادي الشعراء في صحيفة الرأي العام الكويتية تحت عنوان آخر ما قالوا : يا عيد عن ذكرك كفـا شوف عيني *** صنع الكـريـم بديرتـه عـاز حـرده من عـادتي يا عيـد صيـد السميني *** أرغـب عنود الصيد وأحـب طـرده مـار العـنـود الـيـوم مـا تشتهـيـني *** وغديرها لـو فاض مـا عـاد نـرده طـول المسافـة حـال بينمـه وبيني *** والبندقيـة مـن جفـا الوقـت خـرده الـيـوم سـن أخـوك بـالأربـعــيـنـي *** مـتــوسـط مـا بـيـن حــره وبــرده لـولاي تـبـت ويـمنع النقض ديـني *** لا أقول يا زهر الهوى هات ورده * قال عبدالله بن دهيمش بن عبار هذه الأبيات مجاراة لأبيات عايد بن رغيان الشراري : عـايـد تـكـلـم بـالـكـلام الـيـقـيـنــي *** شعـر الغـزل تـرك جـديـده وجـرده لا شـك ذكـرنـي بـعـشـرة خـديــني *** وقصة غرامي ما نبي طول سرده عـلمي بـهـا يـوم الهـوى مطبيـني *** واليـوم صار القـلب يجفـل بشـرده لكـن بـلاي الـلي ضـميـره يـبـينـي *** يـطـعـن بـعـيـنـه كـنـهـا حـد كـرده الـلي وسـم قـلبي بوسـم المـزيـني *** مـدري بخـت ولا مـن الحـظ قـرده قـلت العفـو يا زين عـنـدي اثـنيني *** قال أنـت تقـدر تردع الحمل فـرده مـا ألوم محسن بالهوى والحسيني *** لعـبـوا بشطـرنج المحـبـة ونـرده |
صح لسانك اديبنا واستاذنا الكبير عبدالله بن عبار
لاهنت ابو مشعل وشهادتك اعتز بها ووسام على صدري جميل جداً الصوت والصدى اللي كان بينك وبين الشراري لاهنت ومنكم نستفيد . تقبل خالص تقديري وصادق مودتي لاهنت يالغالي |
الشاعر/محمد بن سوعان الربيع لله درك شاعر تجيد نسج المفردة بماء الذهب وتضع الأحرف في مكانها المناسب قوة بالتصوير وجزالة بالمعنى ونص يستحق الإشادة صح لسانك حتى ترضى أشبعت ذائقتي وصح لسان الشاعر الكبيروالمؤرخ عبدالله بن دهيمش العبار العنزي دمت بود |
اشكرك يالخمعلي لاهنت اخوي الفاضل وما عليك زود
تقبل خالص مودتي |
| الساعة الآن 01:42 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd