موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - قصيدة اهداء الى قبيلة الجلاعيد اهل سميرا بمناسبة اقامة المخيم

قصيدة اهداء الى قبيلة الجلاعيد اهل سميرا بمناسبة اقامة المخيم
في رالي حائل الدولي 2008
القاها الشاعر في الحفل / سعيد العمودي الشمري

doPoem(0)

ابنظم على وجه الصحايـف درر وعقـود

وابا البـي الدعـوة علشـان الاخوانـي

هلا الجود وان سميتهـم قلـت يالجلعـود

ينادي لهـم شعـري فـي كـل ميدانـي

من اولاد وايل لابة ( ن ) وان يغيث الجود

تلاقيـه فـي مداتهـم مثـل الامـزانـي

اقوله وانا لي لابه ( ن ) ذكرهـا محمـود

حفظته بقلبي ليـن سولـف بهـا لسانـي

على العـز شمـر لابتـي ماعليكـم زود

هلي وافتخر في مجدهـا قاصـي ودانـي

وانا من دعوني للحفـل ربعـي الجلعـود

تركت المشاغل لانهـم حسبـت اخوانـي

الشـــــــــاعر : سعيــــّــد العمــــودي الشمـــــري

قصيدة اهداء الى عموم الجلاعيد اهالي مدينة سميراء
بمناسبة اقامة المخيم برالي حائل 2008

doPoem(0)

ياهل سميراء ربعنا عيال وايل

أنتم هلا الطولات وهل المروه

بنيتوا الصيوان شمال حايـل

عسى مساعيكم على كل قـوه

ياتاج راسي يالسيوف السلايل

تاريخكم بالطيب مبطي منـوه

أنتم جلاعيد ٍ على كل طايـل

دهامشه وافعالكم شـع ظـوه

الشــــاعر / بشيــــر بن سمـــــــّاح الجعفــــري العنــــزي

قصيدة اهداء الى الجلاعيد اهالي سميراء بمناسبة اقامة المخيم
برالي حائل 1429 / 2008

للشـــاعر / مهــــــــل مرزوق الـــــــــرشيدي

doPoem(0)

هنـا بموقـع الرالـي وبمخيـم الجلـعـود

حظرنـا علـى المعيـاد ياطـيـب الفـالـي

جسـور التواصـل بيننـا حبلهـا ممـدود

الاول مورثـهـا عـلـى الطـيـب للـتـالـي

سلامٍ بريح المسك مسبوق جاوي عود

يسوقـه هبـوب الطيـب للنايـف العالـي

سلوم العـرب ماتقبـل الشـك والمنقـود

سلـومٍ ماتـرفـع روسـنـا مالـهـا والــي

تجينا ببلدنا وفود وتـروح منهـا وفـود

وتصبـح بلدنـا مسـرح القيـل والقـالـي

يشوفون مايشوفون والعلم لـه مـردود

عساهـا عـلـومٍ طيـبـه تـشـرح البـالـي

نبي نجتهد ونجود من جود راع الجود

علشـان تبقـى دارنـا مـضـرب امثـالـي

بلاد الشرف والمرجله غاية المقصـود

ودار الكـرم والـوحـدة الـواقـع الحـالـي

عسـى الله يبلـغ حلمنـا ذروة المنـشـود

وعسـى الله يجملنـا بالاقفـى والاقبالـي

ويحفـظ وطنـا بظـل عبـدالله آل سـعـود

ذرانـا وسندنـا ويحفـظ اميرنـا الغـالـي