موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

الله يجملها على طاغي الشوق
ويكتب لنا رب المخاليق مخراج

الحزن احسه داخل الروح من فوق
والهم في صدري كبر ساحل العاج

اوقد هشيم الجاش في كل معلوق
وازرت اطباء الكون تلقى له علاج

انا دواي وعلتي عند مخلوق
عنده دواي اللي له القلب محتاج

لها الغلا يجري مع الدم بعروق
دونتها في صفحة الحب منهاج

شوق الغلا يسوقني يمها سوق
نشوة غرام وشوفها فلة احجاج

هي الحنان اللي لها الحال مشفوق
بغيابها عايش على هم وازعاج

قضيت اناوالبعد لاحق وملحوق
والياس كنه بين الاَضلاع منعاج

كن االاسى مودع خفوقي بصندوق
قفل وعزز فوق قفله بمزلاج

حالي ضناه البعد وانتابه العوق
بااخر بقايا نبض والحال بحراج

ياصاحبي حاسب على الروح برفوق
نطرد هوى مودك ومووجك بنا ماج

جينا عطاشا شوق صرتي لناعوق
وتاهت مراكبنا معك بين الامواج

على هجير ك نرتجي لمعة بروق
نرقب سماكم مالمع برق لاعاج

طاغي الشوق