موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

الناس ما تقبل النقد والشـور
لو ان خطاها واضح بالمجلة

حتى لو انك فاهم العلم دكتور
قالوا افكارك خاطية فيك علـة

لو بك عدل قالوا الشخص مغرور
ويتابعونك انت في كل زلـــــــــة

محد يخاف اليوم من كلمة الزور
الا عفو ربي من الناس قلـــــــة

كانك صريح بالمواجيب محذور
ولا احد يبي لك كلمة مستقلـــة

عجيب هذا الدور غريب من دور
ولا احد يفرق بين دقه و جلــــه

ما احد بهالدنيا من الطيب مقصور
موزع مبداه في كل ملـــــــــــــــة

أشوف مدحن غير صحن ومخبور
ولا ينبغى مدحن مهو أمـــــحله

انا أحمد الله ما بها ركبة الكور
امن وامان وساكنين بفلـــــــة

العلم للانسان تراه من نـور
ليا صار اللي يفهمه يستغله

اللي يطيع الله بلا شك مســـــرور
صوم وصلاة وركعة وسجدة له

شعر خليف بن سعيد