يا هاجسي جر اللحن و الأغاني=و انظم قوافيها على الطيب بإيجاز
و إليا حصل من وقتك أنته ثواني=ليتك توصّلها و ليت إنّه اتجاز
للي لهم بالمجد شمخ المباني=قوم(ن) على الطولات ضارين و عزاز
يشهد لها التاريخ عبر الزماني=عنّاز ومن يجهل من الناس عنّاز
ثم خص أبو مشعل عريب المجاني=الوايلي ما هو من المدح معتاز
سجّل له التاريخ قاصي و داني=حتى سجلّه بالوفاء مملي انجاز
في خدمة الويلان صبر و تفاني=و في حب ربعه من تفانيه قد فاز
عبدالله العبار جزل المعاني=مجهوده اللي ينذكر مثل الإعجاز
ما أظن أبو مشعل يجي منه ثاني=بجدار وايل صورته وسط برواز

تحياتي: نايف العُمري ( العريب ) ...

صح لسانكـ يا نايف ويستاهل أبو مشعل وليتني شاعر لأكتب به قصيده لكن ما أقول إلا بيض الله وجهه بما قام به لخدمة عنزة كافة وإن شاء الله كل مايقوم به بموازين حسناته
علومكـ يا أبو مشعل ترفع الراس الله يوفقكـ دنيا و أخرى ،،،