طاروق دحه
 

المناسبه زواج الاخ / سلامه عطيوي موسى ابن تليعان

	الليله نبي دحيه 00 و الدحه هذي عادتنا عادةٍ لنا قديمه 00 قبل ها الوقت جمعتنا سلامه جينا نبارك له00 لبينا دعوةٍ جتنا با الكرم معروفٍ جده00 وعلى الي مثله شرهتنا يا عل ايامك سعيده 00 تحيون الذكر ليامتنا يومنها حروب ومغازي00 اهلنا فكوا نا قتنا و اليوم الدنيا محكومه00 اجتمعنا بعد تشتتنا عسى الله يحفظ عبدالله 00 و يحفظ لنا حكومتنا ويحفظ سلطان ونايف 00 و يحفظ لنا دولتنا و يحفظ الله ابو خالد 00 اميرٍ في منطقتنا و يديم الامن والامان00 و لا يكشف لنا غرتنا

صح لسانك يا بنآخي على هالأبيات الجميلة من طاروق الدحه ..

ونبارك للأخ سلامه عطيوي بن تليعان زواجه ونسأل الله له التوفيق وأن يرزقه الله الذرية الصالحة المباركة التي تبر به وتعينه على أمور دينه ودنياه ..

وعشت وسلمت يا شوق البنت وعسانا ندح على عرسك ..

الله يبارك فيك يا ابن دوهان والله يسمع منك ويجيب لي بنت الحلال الي تقبلني ويمكن اعرس عن قريب ولاتنسى وعدك تراني ما اقبل اي عذر لازم اصورك وانت تدح وانزل الصور بالمنتدى

شكرا الاخ النويبعي على ايراد طاروق الدحه والذي له الاثر في نفوسنا حقيقه وكما قال ابومشعل علينا با التمسك بموروثنا ونطوره ولانتبع . احد في موروثنا . الا انه ينقصنا شعراء لهذا الطاروق في اغلب المناسبات وهذا تقصير من الجميع وبعضنا قام يقلد قبائل اخرى . ويهمل تراث عنزه علينا تطويرها وتشجيعها اما الشباب حتى تروق لهم هذه الفقره من تراثنا
الف شكر اخي مرة ثانيه ونبارك افراح الاخ سلامه . اما بن دوهان لايورطك تراه يسبب لك نتف شوشه

شكرا لك ياابو مشعل شرفتني بمرورك والكل يعرف ان الدحه من اهم موروثات قبيلة عنزه ولكن البعض اصبح يبتعد عنها لما يسمع من انتقادات من البعض الذين يجهلون هذا الموروث وانا حسب اعتقادي انها للافراح وللحرب وليس مخصصه للحروب فقط كما يروج البعض واجد اهتمام اهل الكويت باالدحه اكثر من اهتمامنا بالسعوديه حتى من الشباب شكرا لك مره اخرى ياابو مشعل

حياك الله اخوي متعب وبارك الله فيك وشرفني مرورك واعتقد ان الكثير من عنزه ابتعدو عن هذا الموروث الشعبي والمنطقه الوحيده المحافظه على الدحه تقريبا هي منطقة القريات وخاصة فرقة الدحه بالمنطقه
اما المناطق الاخرى فنادر مايلعبون الدحه000 الا انني لاحظة ان اهل الكويت مهتمين بهذا المورورث وحتى الشباب منهم

وشكرا للنصيحه والتحذير من الاخ ابن دوهان والمشكله مافيه شوشه اخاف احصل فلقه وهي الاقرب

حييت ياالرجال يامرحبابك 000 وانا بمرورك يالقرابه تشرفت

الدحه عاداتنا