|
التصدي للحمله المقرضه
الشاعر عبد الله بن عبار يعلم الله أن لك معزه في قلبي كثيره اهديلك هذه الابيات يالبناخي وارجوا ان تنال على اعجابك ومهما قلنا بك من قصايد فلن نوفيك حقك التـــصدي لــلـحمــلــه الــمـقـرضه لا يا أبـن عــبار مايــقـدرونــك ** وش عاد لو كانوا عصابات وشلل لاتنخدع بالـلي تشوفه عيونـك ** بعض البشر حساد تفرح بمن زل وحـذر تـراهم بالمجالس يجـونك ** شمات لا تخدعك بقـفـايـة الظـل لاتجعل الهايف يخيب ضنونك ** هذاك اللي في علم الأنساب يجهل شــلـت الثــقـيل وتملل امتونـك ** دربك صعيب وبه غرازات وأوحل كمل مسيرك ياعسى الله يصونك ** واصعد سنود المجد هذا هو الحل وابشر تراني يا البناخي بعونك ** آمر تدلل واطلب الروح بس قـل عبدالعزيز بن عواد بن بخيت الجراح |
جواب عبدالله بن عبّار على أبيات الأخ عبدالعزيز بن عواد بن بخيت الجراح : تشكر يا أبن عواد جني الحـونـك ** الـلـه يجيرك من صواديف وأعـلـل تقول بعض الناس لا يزعجـونـك ** وأقول من بعض السوالف خذ وخل أطلب عسى المولى بستره يصونك ** أخـوك مـن كثـر الهـرابيـد مـا ذل اشكرك حيثك ما انقلب صبغ لونك ** صادق ولا عندك تلكات وأحيـل وأهـل الحسد لـو تجتهـد ما يبونك ** يجيـك واحـدهم يلاسن تقـل صـل أهـل القـلـوب الحاقده ينقـدونـك ** حيث الحسد بقلوبهم سلهم سـل لاشك صدقـانـك يـذودون دونـك ** والحيـد شـامخ مـا يشبّه عـلى تـل |
تسلم يا ابن جراح وابن عبار وعساكم على القوة...
|
صددقت يخووي عبد العزيز لو كتبناا قصايد حروفهاا من ذهب ماا راح نوفيه حقه ابن عباار اكثرر من ثلاثين سنه وهو يبحث ويكتب {{... بذل مجهوود لم يبذله احد لهذه القبيله ...}} بيض الله وجهك ياا ابن عباار والله يعطيك العااااافيه ولا يسعني الا أن اقول لك مثل ما قال اخوي الشاعر عبدالعزيز : كمل مسيرك ياعسى الله يصونك {{..$$..}} واصعد سنود المجد هذا هو الحل وابشر تراني يا البناخي بعونك {{..$$..}} آمر تدلل واطلب الروح بس قـل تحيااتي لشخصك الكررريم اابــن ســبيلــه الـــعطيفـــي |
شكراً لك أخي أبن سبيلة على تعاطفك مع أخيك وجزاك الله خير ونحن في خدمة القبيلة حيث قد قلت في أحد قصائدي : أعتز وأفخر وأعتزي بالجماعة ** والرجل ربعه هم اسناده وضلّه ومن شذ عن ربعه عقوق وقطاعه ** لابد شنعات السنين اتحبلّه |
الله يعطيكم العافية وعساكم على القوة
والى الامام ياالعم أبــــــومشعل يا جبل مايهزك ريح |
اشكركم على الردوود الطيبه ولــا هنت يا ابو مشعل وارقا سنـــود يا الويـــلي
|
| الساعة الآن 05:31 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd