|
بعض الاوادم
هذه القصيده للشاعرمعوض بن معيض الخمشي مرد على الشاعرالكبير عبدالله بن عبار بعد ماسمح للشعراءان يردون على هذه القافية الصعبه في امسيه شعرية في تبوك لاتحظرني قصيدة بن عبار
لو الحروف المبهمـه مالهـا انقـوط ........................... ناضع على حرف القرايض انقطهـا الكاش دفعه كـاش والقسـط بقسـوط ........................... وخـــير الامـور اليا تعلـت اوسطهـا كانن قافـك يابــــن عبـار بشــــروط ........................... يـــدفع ثمـين الجائـزه مـن شرطهـا ماينقبل مجلس بـه الحـق ملشـوط ........................... من ماعترف بحقوق غيـره لشطهـا من ماحتمى حقه مع الناس ملهـوط ........................... كم واحدن تضـرس انيابـه لهــطهـا والحر يعلا والمطامن لهـا اهبـوط ........................... واهـل الديـار المـــمحلـه لاتغبطهـا اقفى الربيع ودارهم محـل وقحـوط ........................... والارض مـن سبـة اهلهـا قحطهـا ماتنبت الاشجار لو سيلهـا اشطـوط ........................... جفت وحمس عشبهـا مـع حمطهـا اخذت مع درب الشواعير لي شـوط ........................... وكم شاعرن راس الطويله شعطهـا والحر حر وماكـر الحـر شابـوط ........................... واليا اعتلا روس العوالـي شبطهـا والطير الابرق موقعه فوق زربـوط ........................... اليا ارتفـع قشـر الاغانـي نغطهـا حتى الطيور الطايره فيهن اسقـوط ........................... تسقط على سقط السقيطـه اسقطهـا دنياك ماتغبط على كـل مصخـوط ........................... تاكل من لحم البشر مـن سخطهـا كم واحدن يركض باالاشغال مشطوط ........................... شطت عليه من الشطايـط اشططهـا مبسوط ابو جزاء وانا منك مبسـوط ........................... يـد الكريـم اليا تواضــــع بسطـهـا كم من خروف ٍ ال لحية الضيف مربوط ........................... كـم حايـل ٍ عيتـا سمينـه ربطهـا كم من قعود ٍ في صيانيه محطـوط ........................... ومفطحات ٍ باالصيانـي قرطـهـا مايجحد المعروف رجـال مزبـوط ........................... والناس تعرف باالوفاء مـن نمطهـا بعض الاوادم عنده القيـر مفـروط ........................... سبايكـه وسـط المكينـه فرطـهـا اليانشدتـه عنـده العلـم مخـلـوط ........................... بعض الاوادم ريحتـه مثـل ابطهـا لا لاح لك زوله مثـل زول نعبـوط ........................... كحل اعيونـه باالكحـول ولعطهـا يكحل سواد العين والدقـن مزلـوط ........................... لـولاه جاهـل جذلتـه مامشطـهـا الياجلس كنه علـى قـدر مضغـوط ........................... والنـار اللـي تلتهـب ماوهطـهـا يلوخ السانه باالمجالس تقـل سـوط ........................... يقرط عن شيل الرحايـل احططهـا باالشوشره مابين شاحط ومشحـوط ........................... مافيـه قوم ٍ باقيـه ما شحطـهـا بعض العرب عده على الدار مقروط ........................... ينسـى لامـن الاصابـع مصطهـا نفي الكرامه للرجـل فعـل مغلـوط ........................... راع العباطه فـي عماهـا عبطهـا شفت الاسد والذيب والنمر مربـوط ........................... علـى الثلاثـه شايخاتـن اقططهـا |
الشاعر الجزل // معوض معيض الخمشي
لله دركــــ علىـــ هذه الرائعه ,, صح السانك مليون ,, تقبل تحيات أبناخيك // ابن شامان البجيدي |
الله الله
الله يعطيك العافية |
صح لسانك يابو معيض على المجاراه جزل وهذه قصيدة عبدالله بن دهيمش بن عبار العنزي الذي جاراها الشاعر معوّض وهي مسنده على هليّل بن فرحان بن خلاف الغضوري العنزي : سر يا قلم واكتب عبـارات بخطـوط ** سجّـل صمايـلهـا وجـنـّب غـلطهـا ابي اسنده للي يحوط الفخـر حـوط ** الغضوري روس المعـالي شبطهـا القـرم ابـن خـلاف يستاهـل النـوط ** الـلـي يـمـيـنـه بـالمـكـارم بسطـهـا طيـب أبـو جـزأ لـه مقاديـم وقلوط ** يتبع سلوم اهل الصخى ما شمطها هـليـّل الـلي سـار بالمرجلـه شـوط ** يـجهـد لنظـم عـقودهـا مـا فـرطهـا من يمدحه ما قال به هـرج مغلـوط ** ولا هو بحال اللي الحقيقه غمطها أبـي امدحـه مـا همني كـل زربـوط ** خـطـو الـذي زلت رفـيقـه لـقـطهـا صفر الـدلال بربعـتـه كنـهـا بطـوط ** الـلي بهـا خـمس الحوايج خلطهـا وكـم حاشيٍ جـابـه بـدنـّاه مـربـوط ** خـلاه لـلـخـطـار بـالـقـدر يـطـهــــا والحايل اللي صوفها تقـل ممشوط ** مـن طيب مفـلاهـا تـناقـط حمطهـا قـلّط شحمها بيـن مندي ومضغـوط ** روس الهـرافي بالصياني قـرطهـا واليـاعطا يعطي كـرامه ومصفـوط ** ما مقصده مـدح الرجـال ولغـطهـا دار سكنها من المطرجعها شطـوط ** هـوج الريـاح العـاتـيه ما شفطهـا يزهر نبات القـاع بالحـزم والسوط ** تريـف ويورق قشعها مع سبطهـا الطيـب يا هليّـل لـه اركان وشروط ** ودنـيـاك لا تأمـن بوايـق اخططهـا من جار وقـته مرزقه صار ناقـوط ** مـا دام هـي تعـطيك دنيـاك عـطهـا دنيـاك هـذي بـيـن قاشط ومقـشوط ** ودولاب بـقـعـا كـم جـيـل قـشطهـا كـم واحـدٍ خلاه وقتـه عـلى جنـوط ** وأصبح يغـص بلقمتـه مـا زرطهـا والحر اللي ريشه منتـّف وممروط ** ما اظـن يـعطب صيدته لـو خبطهـا الحـر لولا الريش مـا صـاد شبـوط ** بـيـض الثنـادي مخلـبه ما معـطهـا ومن يحتزم بسمال ونكوث وخيوط ** نـكـث المحـازم تـنقطع لـو ربطهـا وأن كان بشتك واسع الفج مشعوط ** لا تهملـه ارقـع افجوجـه وخـطهـا الجرب في رقـط المثامل تبي مـوط ** من أجل مايعدي الصحيحه حبطها ومن عاش بالدنيا مكيّف ومبسوط ** يـقـنع بـرزقـه والبشر مـا غـبطهـا ما يغني المفلس تضجر ولا قـنوط ** ولا يـنفـع النـفس الشقيـه سخطهـا والرابح الـلي منهجه دوم مضبوط ** عـن الخطـأ كـل الجـوارح ضبطهـا لا بـد مـا يحمـل عـلى الـواح بلـّوط ** بالشاش يـدرج والقـوايـم مغـطهـا |
صح لسانك يابو معيض قصيده جزله بكل معنى
|
الشاعر الفحل // عبداله العبّار الفدعاني
صــــــح السانكــــ على هذه الرائعه والجزله ذات القافيه الصعبه والله أنها كاجواهر ,, فلله درك يا أبا مشعل تحياتــــــــــي // ابن شامان البجيدي |
معوض بن معيض الخمشي
صح السانك مليــون ابن عبار قال الجزل ومعيض جاب الجزل قصيدتين كل وإحده تفوق على جمال الاخرا ابداع بما تعني الكلمه يعطيكم العافيه جميع ولأ تحرمونا من جديدكم وتقبلو مروري ووودي ممدوح البديوني |
nrnr_2001@hotmail.comhttp://4upz.almsloob.com/uploads/ima...fecd2f13ba.gif http://4upz.almsloob.com/uploads/ima...d174fdf40e.gif يعيك العافيه على الموضوع مع تحياتي ابـــــن الـــــمرتعـــ http://www.almhml.com/tokia/images/taw/no21.gif ـد http://4upz.almsloob.com/uploads/ima...ed34aa2739.gif |
| الساعة الآن 07:54 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd