موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - قصيدة مجاراة لأحد قصايد الشاعر رشيد الزلامي رحمه الله

قصيدة مجاراة لأحد قصايد الشاعر رشيد الزلامي رحمه الله

قصيدة مجاراة لأحد قصايد الشاعر رشيد الزلامي رحمه الله

أطلعت على قصيدة الشاعر الملهم رشيد الزلامي العتيبي وهي قوله :

عـجيـب يـا قـلبـي وعجبتـك دوبـك *** مـا اشوف علـم ٍجايـزاً لـك ومعجبـك
يـا قـلـب حاسبني وحاسـب ذنوبـك *** مـا ادري بخلان الرخا وش مـرغبك
وش ولعـك فـي نـاس مـا قلدوا بك *** ولا ثـمنّـوا حقـك وقـامـوا بـواجـبـك
ربـعـاً يـذريهـا الـذرى عـن هبوبـك *** خسـران لـو تشكـي عليهـم مصايبك
وان حـصلـوا مقصودهـم ربـعـوبـك *** سـووا لـك الخـط الزلـق ليـن يقلبـك
وعنـد النهـايه برقـوا وضحكـوا بـك *** والكـل مـنـهـم يـستغـيبـك ويشذبـك
الـيـوم صـدقـانـك وبـاكـر حـكـوا بـك *** وبـعـد الـرجـا منهـم تكـدر مشاربك
هـراجـة المجلـس لـيـا مـا لـقـوا بـك *** شـيـاً يـقـولـونـه حــداهـم تـنـكـبــك
يحكي بـك الـلي عاجـزاً عـن دروبك *** لا فـاعـل ٍفـعـلـك ولا هـو مـجـنـبـك
مالـوا بـسوق المهـزلـه ونزلـوا بـك *** ضعاف العقول اللي تسولف على الدبك

وحيث أنني عانيت من الذين يشير لهم الشاعر رشيد الزلامي العتيبي بقوله :
يحكي بـك الـلي عاجـزاً عـن دروبك *** لا فـاعـل ٍفـعـلـك ولا هـو مـجـنـبـك
فقد جاريته بهذه القصيدة فقلت:
يـا مـكـثـر الـلـي يـا رشـيـد اقـتـدوبـك *** حكـمـة شـعـر دونـتهـا مـن تجـاربـك
لـك بيـت صغتـه مـن معـاني اسلوبـك *** وطـرا عـلي يا صايب الـراي اجاوبك
يحـكي بـك الـلي عاجـزاً عـن دروبـك *** لا فـاعــلٍ فـعــلـك ولا هــو مـجـنـبـك
من كـان يبحـث عـن مثالـب عيـوبـك *** صاحب هـدف عن كـل خمله يحاسبك
خـذ الحـذر لا يقـرب الـلاّش صـوبـك *** ولا تجـادل الأحـمق يغيظـك ويغضبك
عـن الدنـس نظّـف ضميـرك وثـوبـك *** وعـن الخـزا والعـيـب نـزّه شـواربـك
والـلي بسيـف الظلّـم يـطعـن جنوبـك *** يـحـده المنـصـف ويـوقـف بـجـانـبـك
أهـل الحسـد لا بـان عـلمـك شقـوبـك *** وأن كنـت ناجـح كـل حـاقـد يحـاربـك
وكان انكروا فضلك وثـم ازدروا بـك *** عفهـم ولـو هـم مـن دوانـي قـرايـبـك
حاسدك كـان ان الـرجـال اعتـزوبـك *** يجـهـد يـبي مـن طيّـب العـلـم يسلبـك
وانـص الـذي لا جـيـتـهـم رحـبّـوبـك *** الـلـي مـقـابــلـهـم يـسّـرك ويـطـربــك
قال الشاعر ابو دلع متعب بن حمود بن قاعد هذين البيتين مجاراة لقصيدة رشيد
الزلامي وعبدالله بن دهيمش بن عبار :
مـا يختلـف كمـك عن قماش ثـوبـك *** مثل الشعر في لحيتك نفس شاربك
مـن كثـر ما تقهـر فعـولك حـكـوبـك *** واردى رداهـم بـالـنـوايـا يـعـذربـك
وقال عبدالله بن دهيمش بن عبار هذين البيتين جواب للشاعر متعب بن حمود القاعد :
يا ابـو دلـع وصـف المعايـب مهـوبـك *** يصعب تخيب وعرق روضان يجذبك
سـجـلـت عـذب الـقـافـيـة فـي قروبـك *** عسى الـولي يرحـم عجوزك وشايبك

وقال الشاعر منصور بن حواس الخضع الرويلي هذه الأبيات مجاراة لقصيدة
الشاعر رشيد الزلامي يثني على زميله عبدالله بن دهيمش العبار :

مـا حـولـوا بــك تـحـت لـو حـاولـوبـك *** وانـت الطويل الـلي شمـال من النبـك
انـت الـذي حـامي عـن الـدنس ثـوبـك *** وانت الرصين بجزلت الحبك والسبك
والـلـي يـقـول انــك تـعــبـي جـيـوبــك *** نقـول لـه خسيـت مـن عـنـد شـاربـك
وادري لـو بـانـك لـو تـجـافـى جنوبـك *** لا ادلـيـت يـمـزر بالمعـاليـق مخـلـبـك
يـا سـيـف وايـل مـا تـنـاسـى حـروبـك *** كـود الـذي قـال الـزلامـي على الدبك

وقال الشاعر عبدالعزيز بن قالط الطويلعي هذه القصيدة مجاراة لقصيدة
الشاعر رشيد زيد الزلامي العتيبي وعبدالله بن عبار :
يـا شـاعـر الـويـلان كـم رحـبـوبـك *** اهل الوفا والطيب والحق يطربك
كـم صعب جـزلاتك ويا كـم هقوبـك *** اهـل الظـفـر ونلـت اعـلى مرتبك
قـبـلـك صــرح نـقـا لا افـرحــوبــك *** الفـاشـلـيـن الـلي تـدوّر ذواربـك
يحكي بـك الـلي عاجـز عن دروبك *** لا فاعلـن فعـلك ولا هـو مجنبـك
وجـاراه ابن عبـار سيف محسوبك *** شعره وفعله من سطاوته يعجبك
اهـل الحسد لا بـان علمك شقوبـك *** وان كنت ناجح كل حاقد يحاربك
اليا بنيـت البيـت مـن قبـل طوبـك *** جـود سيسان البيت يؤتاح منكبك
عش في حياتك جـل همك ذنوبك *** ان ما عـفا الله عنك ربك يحاسبك
ارجف هل الأكذاب في سد نوبـك *** من دون نفسك كافح الـلي يعاتبك
ابعد عن الـلي ودهم في غروبـك *** ولا يربـح الـلي بالظلايـم يحاربـك
والنعـم فـي رشيـد سيفـك ينوبك *** والنعـم يـزهى يالبنـاخي شـواربـك
يالحق يا محبب للخلق محبوبـك *** عفوك وسترك يا ذرى من يراقبك
انت العظيم وشبحنا دوم صوبـك *** يا مرهـب الكفـار ما حي يرهبـك

قال الشيخ مفلح بن عياده المرواني الجهني أبو سلطان يمدح قبيلة عنزة فيقول :
الـف الـنـعـم فـيـكـم يـا اولاد وايــل *** نقولهـا والنـعـم بـذيـك العشيـره
اولاد وايـل كـاسـبـيـن الـجـــمـايــل *** اهل الوفاء والطيب في كل ديره
نقولهـا في صـدق والـراس طـايـل *** حـمـايـة الموقـف نهـار المغيـره
منكم مصوت بالعشاء بقـول قـايـل *** هـذا كـلام الصّدق ما فيـه غيـره
ومنكم راعي الوقفه فعوله جزايـل *** بالموقف الغصّاب اعتـق قصيره
ومنكـم اخـو بقشه جزيـل الفعـايـل *** اعتق غريم ابنـه وكـمّل مسيـره
افـعـالـكـم لـو ابـي اعـدد هــوايــل *** يصعـب عـلي تعديدهـا واتعبيـره
قال عبدالله بن دهيمش بن عبار هذه القصيدة مجاراة لقصيدة الرجل
الوجيه الشاعر مفلح بن عياد المرواني الجهني أبو سلطان :
جاني جزيل القـاف عبـر الوسايـل *** من مفلـح العـيـاد نـقي السـريـره
القـرم أبـو سلطـان نسـل الحمايـل *** ضـيـفـه بـعـز ولا تـملـل قـصيـره
من ساس عزوه كاملين الخصايل *** مبطي لهم بالطيب والمجد سيـره
عـزوة جهينـه مـن خـيـار القبايـل *** بسيوفهم حامين غـرب الجـزيـره
منهـم صحـابـه بالعصـور الأوايـل *** ومنهم الشيخ اللي علومه شهيره
مقدمهـم أبـن غنيـم زبـن الدخايـل *** يـذخـر لصعبـات الأمـور العسيـره
اخـو سـنـيـدا فـك قـيـد الـحـبـايــل *** واطلق سراح الـلي عليهم جريـره

قال الشاعر بشيّر مناور العبدلي المطيري قناص الشمال هذه الأبيات
مجاراة لقصيدة عبدالله بن دهيمش بن عبار يقول :
سمعت قاف اللي على الخصم ورّاد *** الـلي مكانه فـوق وسق الشدادي
الـلي اليـا صـارت بـشـدات وعـنـاد *** شبـره عـلى كـل الأشابـيـر زادي
الـلي اليـا هـابـوا شـغـامـيـم الأولاد *** دون القبيلـه ماقـفـه مـا يـحـادي
عـبـدالـلـه الـعـبـار اليـا قـال نـشّـاد *** يـارد اليـابـار الـكـذوب الـربـادي
ناسن يا ابـو مشعل يغثون الأكبـاد *** وفـي وقتهـم جاء للمصيّح منادي
والـلي يـبي زود من الكذب لا فـاد *** خـلـه يحـدر وانـت مشيك سنـادي
لا صار ماهو في المواجيب سـداد *** طـيـر الرخـم مـا غـذيـت للهـدادي
ما ياصـل الأكديش لا طـول المـاد *** يــقــعــد وخـلـنـه طــوال الأيــادي
هـذا كـلام العبدلي يا ابن الأجـواد *** الـلي بهرج الحق والصدق شادي
قال عبدالله بن دهيمش بن عبار هذه القصيدة جواب لقصيدة الشاعر بشيّر
ابن مناور العبدلي المطيري أبو طلال :
يا أبو طلال ارسلت لك عبر الأيباد *** أبيـات تصدر من صميم الفوادي
عساك ترفـل دوم فـي عـز وسعـاد *** تعـيش يالـلي للقـطـامي تشـادي
أنـت الـذي شـاعـر وللصيـد صيّـاد *** باما جدعـت الـلي قرونها حـدادي
يا أبو طلال الوضع يلزم لـه جهـاد *** والشـر من أهـل الغوى بازديادي
المـرجفيـن الشـر مـن كذبهـم عـاد *** في زعمهم بالسب صاروا نوادي
والحيص يا بشّيـر تـوذا مـن قـراد *** مع صغـر حجمه مص دم الثنادي
وش عـاد يالمنعور لـو نلـزم حيـاد *** ونعـوذ مـن شـر الحقود المعادي
اهـل الحسـد يبلوننـا قصـد واعمـاد *** تعاضـدوا بالكـيـد كثـر الجـرادي
كلن سحب سيفه من جراب وغماد *** حـربـة لسانه مثـل طعن الهنادي