موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

قصيدة جديده
قال عبدالله بن دهيمش بن عبار العنزي هذه القصيدة من شعر النصّح والارشاد والكفاح :

بـسـم الكـريـم مـكـوّن الكـون مـبـداي *** رب المـلا لعـطفـه ولـطـفـه تـأمـلـت
يـا الـلـه يـا عـالـم بـسـري ونـجـواي *** يـا خالـقـي كبـرّت بـاسمـك وهـلـلّـت
اطمـع بعـفـوك يالـولي وانـت مولاي *** عـلـيـك يــا رب الـخــلايــق تـوكـلـت
طـالـبـك يالمعـبـود تـغـفـر خطـايـاي *** وتمحا الذنوب اللي على كاهلي شلت
يـا الله عـليـك اصلاح ديـني ودنـيـاي *** أنـت الـذي اعطيـت بالـمـد واجـزلـت
يـا رب مـا غـيـرك مـلاذي ومـلـجـاي *** ادعـوك عـدّل مـيـلتـي كـل مـا مـلـت
رفـعـت لـك يا مالـك المـلـك شـكـواي *** وأطـلـب لـعـلّـك للـمـطـالـب تـقـبـّلـت
يا الله عساي ابلـغ عـلى غايـة منـاي *** يـا خالـق المخلوق باسمـك تـوسلـت
يا رب تنصـرني عـلى جـملـة اعـداي *** يـا رب تكعـم كـل زمـره بـهـم فـلـت
نـعــوذ بـك مـن كـل شـامـت وشـنّـاي *** الـلـي يـكنـون الحسـب لـو تـجـملـت
والـلي مـرامـه والهدف يخلف الـراي *** مـانـي رهـيـن أمـره ولا لـه تنازلـت
والـلي يريـد جحود جهـدي ومسعـاي *** كلـن يـقـول أفهـم عـلامـك تجاهـلـت
أفـطـن تـرى مفهـوم قصدي ومعـناي *** صرّحـت بالـواقـع وبالحـق جـادلـت
مجهـد بخدمـة عـزوتي ساس مجناي *** بالـمـدح والتمجيـد يا مـا بهـم قـلـت
مـن أجلهـم طول الـزمـن رايح وجاي *** ياما قطعت دروب واقـفيت واقـبلـت
خـمسـة عـقـود ولا تـونـت مـطـايـاي *** مسرع أبي وصـل الهدف ما تمهلت
فكري بـدأ بالبحـث مـن مطلـع صباي *** ابحث عـن جـذور القبيلـه ولا زلـت
يـا الـلـي تـبـي ودك تـسـوي سـوايـاه *** مـا توصل المقصود لو كان حاولـت
ريـّح ضميرك ما انت يا صاح وييـاي *** صابـر عـلـى كـثـر التعـب مـا تمللت
أنـا وصلـت الميـد فـي سـرع ممشاي *** وأنـت انعثـرت وبـاد حيلك وهرقلـت
ربـعي ضنـا عـنـاز عـضـدي ويمنـاي *** ذكـرتهـم مـا منهـم الـلي لـه اهملـت
هـم محـزمـي وسنـاد راسـي ومركاي *** عـوني أن كان أنـي تعبت وتكاسلت
هـم الـرصـيـد الـلـي كنـزتـه بـمخبـاي *** بهـم اعتزيت وفي حماهم تمرجلـت
أعـتز بالـلي دوم يحرص على رضاي *** منصف ويرفى خملتي كل مااخملت
من صـرت مـا طمنـت راسي وعلبـاي *** ولا يـوم خدعـت الـرفيـق وتحيـلـت
دايـم عـن دروب الخطأ تقصر اخطاي *** والحـمـد للمولى عـلى مقصدي نلت
وأن سـرت اميـز ويـن مخباط موطاي *** على القدا عن مسلك الدرب ماعلت
يـا الـلي بهـرج الـزور بايـع وشـراي *** نـطـقـت بالبـاطـل وللـنـاس ضـلـلـت
مـثـل الـذي فـي مظـلـم اللـيـل سـراي *** بارض عفاش معكرشه مابها زفلت
انصحـك يـالـلي بسايـر النـاس زراي *** اسمح اريد انشدك وش عاد حصلت
أن طعتني عالج تـرى العقـل بـه داي *** تلقى الخلـل بالجمجمـه كـان حـلـلـت
وصلـوا عـلى الـلي يذكره كـل قـراي *** يـشـفـع بـيـومٍ مـن أهـوالـه تـهـولـت
***