موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

- الركن الخاص بقصائد الشاعر محمد سوعان الربيع (http://www.bnabar.com/vb/forumdisplay.php?f=111)

- - خيالة الهجن والخيل (http://www.bnabar.com/vb/showthread.php?t=13180)

خيالة الهجن والخيل

خـيّالـة الهجـن والخيـل
———————

الحـلـم والحـكـمه بـروس المشاكـيــل = لياغـاب حـل المعـضـلات الصعـيبـه
اللي بحـــزات الشــدايـد رجـــاجـيـل = والصـبـر حـكـمـه يالعـقـول اللبيـبـه
بافعـالهـم يشــرون صيتً بهـم قـيـل = وتبـقى لهم عـبـر التـواريـخ هـيـبـه
امـا الـردي وجـهـه كـمـا حـالك الليل = اســوّد وامــوره كـلبـوهـا امـريـبــه
الخـايـب اللي ما ـ بـقـربـه محاصـيل = والحـقـــد. الاســود دايـمً ،مبتـليبـه
هـذا اسـلوب اهــل الـردا والمخـابيل = اللـي ضـروا للـنـاقـصـه والمعـيـبـه
عـاده. قـبيحه دون. شرح وتفاصيل = والنصـب.والـتـزيـيـف اكـبـر مصيبـه
عنها المراجل من ورا الجدي وسهيل = تبـعـد عن الانـذال مـا هي قـريـبـه
مكـارم. الاخـلاق لاهـل المواصـيـل = اللي بهـم شــيـمه وهــقـوّه وطـيـبـه
ويالله. تحـفـظ كاســبين الـتـنافـيـل = اهـل الشـكالــه والعـلـــــوم النجــيـبـه
متوارثين الطـيب جـيـلً بـعـــد جيل = نفـوسً عـزيٰـزه. ما تـروم. المعــيـبـه
جـابـوه من خـيالـة الهـجن والخـيل = اهـــل الســيوف اللي تـزيـل الغــليـبـه

بقلمي
محمد بن سوعان. الربيّع

الله درك يا أخ محمد تضع الأصبع على الجرح وتعبّر عن كل من مرّت عليه التجارب التي مرّت عليك وكل قصايدك هادفة وفيها حكمة وعبرة وموعظة وتعالج جوانب مما يحدث بالمجتمع وليت لو سجّلت جميع ما قلت من القصائد المماثلة لهذه الدّرة الثمينة بصوتك ونشرتها في مقاطع لأن الشعر الصوتي ينتشر أكثر وفقك الله وشكراً لك .

كل الشكر والمحبه والتقدير استاذي الفاضل
اديبنا ومرجعنا الكفو ابو مشعل
ان شاء الله سوف اقوم بذلك متى ما سنحت لي الظروف
مقدراً وشاكراً لك ارشاداتك ونصحك الطيب والصادق
الف الف شكر اخوي ابو مشعل اطال الله في عمرك وابقاك .