موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - مساجلة جديده بين خلف المحدى وعبدالله بن عبار

مساجلة جديده بين خلف المحدى وعبدالله بن عبار

قال الشاعر خلف المحدى الغبيني هذه القصيدة يسند على عبدالله بن دهيمش بن عبار :

يـا قـصيـر الـبـاع يالـهـزل البسيـقي *** لـو شـربـتـك مـي مـا تقطـع ظمايـه
مـا ذكـرتـه مـا يـجـوز ولا يـلـيـقــي *** لا تـكـلّـم وانـت مـافـيـك الـكـفـايـــه
نـعـم ابـن عـبـار عـبـداللـه صديـقي *** ابن عـمي نعـم مـن روس اصدقايه
مـا تـفـشّـل رفـقـتـه نـعـم الـرفـيـقـي *** افـتـخـر بـه بـالـبـدايـه والـنـهـايــه
من يـبي يمشي مع القمـرا الزريـقي *** لا يـزعـلـنـي ولا يـكـسـب رضـايـه
والـردي لـو قـال مـا يقـطع طـريـقي *** مـا يـنـزل مـسـتـواه ومـسـتـوايــه
الـردي لـو قـال قـولـه مـا يـعـيـقــي *** والروايه سوهـا مـن اهـل الروايـه
مـن طمـن ممشـاه مـا ينصر فريقي *** ومـن هـدم مجده ماهو كفو الولايه
لـو قـبـل جـده نـعـم فـك الـوسيـقـي *** صـار هـو الـيـوم مـوقـع لـلـزرايــه
مـن تـردى لـيـه من فعـله يضيـقي *** يــذكــر بــفــعـلـه ولا عــنــه درايــه
الـذي مـالـه سـوى المجـد العتيقي *** حـاضـره بـس الـمهـايـط والـدعـايـه
الـردي مـاني عـلى شوفـه شفيقي *** لا بـيـده فــقـري ولا بـيـده غــنــايــه
نـام ولا فـاق جـعـلـه مـا يـفـيـقــي *** مـا تـنـومـس بالـردى شيـن النـوايـه
افتخـر في صاحب الوجـه الطليقي *** ولا يغـيض الـنـاس بـثّـاث الـدعـايـه
من كـلام اللّاش صدري مـا يضيقي *** والـردي لـو قـال مـا يبحـث خفايـه
الـطـفـاقـه دوم لـلـوجـه الـطـفـيـقي *** والـكـلام الـشـيـن مـا كـدّر صـفـايـه
والجحش لا ضـاق جـدواه النهيقي *** والوشايـه طبـع لأصحـاب الـوشايـه
ومـن زعـل مـني لعـله في حريقي ** دام مـابـه خــيــر لــيـه ولــســوايــه
وفـي خـتـام القـول ما قلته حقيقي *** ومـن يـحـب المـدح يـفـعـل بالبـدايـه

قال عبدالله بن دهيمش بن عبار هذه القصيدة جواب لقصيدة الشاعر خلف المحدى الغبين :

يا خلـف قافـك مثـل شهـد الـرحيـقي *** وأنـت ضفر وتستحـق أحـلا نبـايـه
تـفـهـم المنـطـوق والـقـول الـدقيـقي *** بالشعـر دافـعـت عـني مـن غـلايـه
تـلـفـظ المنـظـوم بالهـرج الـوثـيقـي *** عـن كـلام المـفـتـري لـيـه حـمـايـه
يا أبن محدى بالفخر ساسك عريقي *** أنـت الـلي جـدّك لـه علـوم وفوايـه
يا ابـو خـالـد الـردي لـه مـا أطـيـقي *** ما خبرته صار من ضمن اخويايـه
اعـتـزي فـي كـل مـن سـده عـميـقي *** ولا اطيـق الـلي ضميره فـاح دايـه
مـن يـعـد الصّـدق عـديـتـه شـقيـقي *** والجحود اللاّش يحسب من عدايـه
يـوم أمـجـد بالجـدود وجـف ريـقـي *** مـا أريـد الجهـد يذهـب من عـنـايـه
كـان شـعري مـثـل مـا قـال الحليـقي *** الشعـر يـشـبـه عـبـاريـد الـرمـايـه
أكـتـب التـاريـخ بالعصـر السحيـقي *** ومـن تنكـر ما سوى سبتت حـذايـه
ولا تنكّـر كـود الـلي مـثـل السلـيـقي *** يحسب أن المجـد في لبس العبايـه
والـلي ينهـق يا خلـف يـبي العليـقي *** ما يـبي غـيـر العلف مقصد وغايـه
والكـذوب الـلـي يـسـمـونـه زريـقي *** ليت لـو هـو يا خلـف يذكـر خطايـه
ومـن بـدأ يـقـدح لسانـه لـه مطيـقي *** هـايـف ويـجـدع كـلامـه بالـنـفـايـه
ولـلـي لـيـه سـب يـبـقى لـه لصيـقي *** عاشـره حيـث انطبق رايـه ورايـه
كـل حـاسـد مـا يـقـر ولا يـلـيـقــــي *** شاقـي بـعـوج السوالف به غـوايـه
بالحسد صـدره مـثـل فـوح البريـقي *** يشمت من رداه ما هـو مـن ردايـه
والـلـه أنـك لـو عـلـى قـلـبـه تويـقي *** تـاجـده أسـود يشابـه لـون صـايـه
والـلي بعـراض الخلايـق لـه نعـيقي *** بالبخـت والحـظ مـا عـنـده عـنـايـه
والسراب الـلـي لمـيـعـه لـه بـريـقي *** بالسهـال القـاحلـه مـثـل الـمـرايـه
تحسب أنـه سيل من طـبّـه غـريـقي *** يا خـلـف ما فـيـه للظـامي سقـايـه
لا تـحيـزم بـالـردي مـا هـو وثـيـقي *** خـايـب وعـنـد اللوازم بـه اخـلايـه
وأنصح اللي زولها غض ورشيـقي *** كـان طـاعـت لا تـشـوم لـكـل بـايـــه
ما صبـر يالـقـرم مـن جـلـده رقيقي *** يحسـب أنـه مـقـتـدي لاشـك تـايـه
وتـرى اللي غدا لفخر جـده محيقي *** للجـدود أهـل المفـاخـر صـار سايه
مـن نـوى يلحـق فـخـر جـده لحيقي *** الفـخـر والـمـرجلـه مـالـه نـهـايـه
ومن على ماضيه ينحب له شهيقي *** عـاد راجـع مثـل الأسهم عند مايـه
والختـام انفض عـن الغلطات زيـقي *** قـلتها واطلـب من المولى الهدايـه

الحليقي هو راشد الحليقي شاعر شمّر بالجزيرة رحمه الله