موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

أثناء استعراضي لمواد الموقع وجدت بعض القصائد لم تنشر في مسودة الكتاب ولم تنشر ضمن القصائد بهذا الركن ومنها هذه المساجلات كتب الرجال العنزي بالموقع يقول : أنا لست شاعر ولكن من محبتي لابو مشعل اردت ان اهدي له هذه الابيات :
كـل عنـزي لـو حـب راسك قليله *** قدرك عزيـزاً عـندنا يا ابن عـبـار
يـا نـاذرا نـفسـه لـربـعـه دلـيـلـه *** يا عالماً بانساب وايـل هـل الكـار
يـا حـامـلاً هـمـوم كـل الـقـبـيـلـه *** انا اشهد انك يا فتى الجود مغوار
فيـك الحميـه ابـو مشعـل نـحيلـه *** نحـيلـة مـن سابـع جـدوداَ خـيـار
صـد الشعار الـلي علينـا مـعـيله *** ما صدهـم كلامـنـا هـي والأعـذار
كل من هجا وايـل يطيح بخـميله *** بيدين ابو مشعل معيثير من صار
يصيـده عقـاب السعـد والنـفـيله *** ويتوب كل العمر عن سب الاحرار
يا الـلـه تمهـل لـه سنينا طـويله *** ويا الله تفكه من صواديف الاقـدار
يا رب جـازه بالـجنان الفـضيلـه *** وتـجنـبـه يـا ربـنـا حـامـي الـنــار
قال عبدالله بن دهيمش بن عبار جواب لقصيدة الرجال العنزي الذي سبق وأن نشرها في الموقع :
مشكـور يالـلي يبهج الصـدر قـيـلـه *** الـلـه يجيـرك من شنيعات الأخطـار
تشكـر عـلى نظـم البيـوت الجـزيلـه *** نـظـمتـهـا يـا مسنـدي نـظـم مـحّـار
حيـث الـذي شرواك نـذكـر جـميـلـه *** منصف ومن عزوه لهم بالفخر كار
أولاد وايـل بـالـسـيـوف الصـقـيـلـه *** يـروون شـذرت كـل صـارم وبـتّــار
عـسـى فـداك مـروجـيـن الـنـقـيـلـه *** اللي سوالفهم عـلى الخـزي والعـار
أهـل العـلـوم الـلي تجيـب الفشيـلـه *** اعـظـم مصايبهـم نجـاح أبن عـبـار
أفـطـن تـرى الحاسـد يـزوّد غـليلـه *** مـدح الـذي فعلـه بعـلم الفخـر سـار
كـان يتخـيّـل لـيـت يـصبـح مـثـيـلـه *** لـكـن ثـوى حـظّـه تـقـنطـر ولا ثـار
يشمـت بالـلي يعـمـل نـهـاره وليلـه *** لأجـل ضـنـا عـنّـاز وافيـن الأشبـار
وقال الرجال العنزي :
الطيـب اصلك مـا شـريتـه بالاثـمـان *** متسلسل من نبع ناسن عزيزين
الطيب ساسـك وانـت للطيـب ديوان *** قولن صحيح ولا يبي له براهين
لبست من طيبك على الراس تيجان *** تاجـن قـوي ولا تهـزه سلاطيـن
قال عبدالله بن دهيمش بن عبار :
يالوايلي مشكـور يا طيـر حـوران *** انت العريب من الرجال العريبين
شرواك يالمنعـور لـه عندنـا شان *** لاشـك مـا نـقبـل قـبـال الـرديـيـن
أجهدت للعزوه عـلى قدر الأمكان *** وذكرت ناس يابن الأجواد ناسين