موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

قصائد مساجلات جديده

قال صالح بن عبدالله العبار هذه الأبيات يسند على ابوه عبدالله :

استوت برد السلام وخـاليـه مـن كـل عــيـب *** وشعشعت بـرق الغـمام ونـورت كـل الـدروب
وأرعـدت عـز وشموخ وهيّبـت مـالا يـهـيـب *** وامطرت عذب الزلال وبلّت الأرض الشحوب

جواب عبدالله بن دهيمش بن عبّار على الشاعر صالح بن عبدالله بن عبار :

مرحبا بالقـرم صالح عـدد مـا سـال الشـعـيـب *** مـن غـمـامٍ هـل مزنـه سايقـه ريـح الهبوب
أشهد أنك صرت شاعـر تفهـم القصـد ولبـيـب *** واعي ومدرك وصاحي عاقل وممشاك صوب

وقال صالح بن عبدالله أيضاً هذه الأبيات :

يـنـذكـر طـاري جـنـابـك ثـم يتبـعـهـا قـصـيـده *** مـا بـهـا غـيـر السـؤال ثـم تـحـيـة والـسـلام
انشدك عن ربعنا الـلي في هاك الدار البعـيـده *** وأسـألـك عـن حـالـك الـلي ارتـجـي أنـه تـمـام
وبعدها نصبح ونفلح في رضاـك الـلي نـريـده *** نـتـبـع دروبـك ونسعى ونـرتـقـي بـيـن الأنـام

جواب عبدالله بن عبار رد على الشاعر صالح :

كـان تنشد عـن الديـره حـنـا في ديـرة بريده *** عـنـد أهـلهـا نحمـد الله لـنـا حشمه وأحترام
كـل يـوم أروح سجّـه تمـضي أيامي سعـيـده **** دوم بالـبـر أنتعـشى لحـم حـاشي أو حـمـام
عند اللي شرواك نعزم كـل ليلـه في وعـيـده *** نـوب تيس ونـوب هـرفي من ملذات الطعام

قال الشاعر جميل بن محمد الحوسي هذه الأبيات من الهجيني يثني على زميله عبدالله بن دهيمش بن عبار وقد شالها صوت :

أنـا اشـهـد أنـك وسيـع بـطـان *** وشـجـاع مـا تـطـري الـذّلــه
من غيـرك وقـت الشدايد بـان *** غـيـر أنـت يالقـرم عـبـدالـلـه
يـهـابـنـا الـشـاعـر الـفـتــــان *** يـخـشـاك بـالـشـعـر تـفـتـلـــه
لا تـنـقـل الـهـم نـجـمـك بــان *** يـشـهـد لـك مـن يـخـاف الـلـه

قال عبدالله بن عبار هذه الأبيات جواب للزميل جميل محمد الحوسي :

تـعــيـش يــا بــادع الـقـيـفـان *** يـا مـبـهــر الـهـيـل بـالــدّلــه
يـفـداك مـن شـجّـع الـعــدوان *** عـلـى أبـن عـمّـه مـع الشلّـه
يـا أبـو تركي يا رفيـع الشـان *** الـنـاس بـقـلـوبـهـا عــلّــــــه
سمعـت تطعـن بـي السفـهـان *** وأنـا بـري مـا أخـبـر زلّــــــه

قال الشاعر منصور بن حواس الخضع هذه الأبيات نشرت في توتر يثني على زميله عبدالله بن دهيمش بن عبار :

مـا يجحـدك كـود العـفـن والـردييـن *** بت سيف وايل يالنزيه الشريفي
مـاذاد مثلـك عـن جـميـع العنـزتيـن *** عـن ظلمهـا ردك رزين وعنيفي
ما طق بـك كود الضعيف المسيكين *** اللي مع اهل الروز عقله خفيفي
خمسين عـام اترجـم المستشرقيـن *** ومن لح ذرعانك فتحت المضيفي
ومن طق بك يركز بشويان حمرين *** ويطـق راسـه بالطـويـق المنيفي

قال عبدالله بن دهيمش بن عبار هذه الأبيات جواب لقصيدة الشاعر منصور بن حواس الخضع :

منصور أبن حـوّاس عـقـب المسمين *** شيوخ الفرجة مالهم من وصيفي
هـذا الخضع نسل حمـايـل عـزيـزيـن *** رجالهـم شهـم وشجاع وعـفيـفي
من ساس نسل فريج من خلفة قرين *** عـز القصير وريـف لـلي يضيفي
حـمـايـة الخـلـفـات زبـن المـجـلـيـن *** عون القرابـه والخـوي والحليفي
قادتهـم شخـوص الشيـوخ الشعالين *** حاميـن من النقره لديرة طـريفي

قال الشاعر فرحان عويد الكتيران الروسي هذه القصيدة اهداء لزميله عبدالله بن دهيمش بن عبار :

سر يا أبن عبار وخـل الراس عـالي *** فعلكم مشهود ولـك بصمه أكيده
شـاعـر ونسّـاب مـا فـي لـك مـثـالي *** كم بذلت الجهد من اجـل البديده
يـا الأديـب الـشـهــم لـلـه الـكـمـالـي *** انـت كامل والأدب تملك رصيـده
من شـان الـويلان تـدحـم مـا تـبـالي *** يا أبـن عـبّـار أبـو معـل يالوليده
كل منصف يا أبو مشعل لـك مـوالي *** يـا فـخـر عـنـّاز باريـاك السديـده
فـي حـمى الرحمن عـزيـز الجـلالي *** ربـنـا يـحـمـيـك مـن أيــة مـكـيـده

قال : عبدالله بن دهيمش بن عبار هذه القصيدة جواب لأبيات الشاعر فرحان بن عويد الكتيران أبو فيصل :

يا أبو فيصل جاني قافك وأنت غالي *** والـذي شـرواك نـعـتـز بـحـمـيـده
لاق لـي قـافـك كمـا العـذب الـزلالي *** مـثـل قطـر الغيـث بالقـاع الصميده
يـا هـلابـك عــد مـا يــردم خـيـالـي *** من سحابـه مزنهـا يـزجـر رعـيـده
طـاب كيفي من كلامك يـوم جـالـي *** وأطلب المولى عسى أيامك سعيـده
يالزميل شكـرك بالقـول الصمالـي *** شكـري لفـرحـان مع قاسم عضيـده
والثـنـاء يستـاهـلـه قـرم العـيـالي *** كل يـوم الضيف عـنـده لـه وعـيـده
عادتـه يذبح مـن العيـت الجـزالـي *** يـرجـم القرصان وخميعـا الثـريـده

قال محمد بن ليلي الشاهر ابو خالد الفدعاني هذه الأبيات على قافية أبيات فرحان بن عويد يثني على عبدالله بن دهيمش بن عبار :

الـكـبـار كـبــار تـبــقــى والـتــوالـي *** مـا تصيـر كبـار ذي عـنهـم بعـيـده
شان أبن عـبـار فـي روس الجبـالي *** طوّع الروس الدهاية بسطوة أيـده
يـشهـد الـتـاريـخ لـلـرجـل المـثـالـي *** سطّـر اسمـه بالصحايف والجريـده
الـشـبـه لهــديـب شـيّــال الـثــقـالـي *** فـوق حـملـه شايـل حـمـل البـديـده
كـم لـزمهـا من جنـوب ومن شمالي *** كـم طحن من حب في روس عنيده
كـان جـولـه بـالـشعـر يـا هـمـلالـي *** وكانهـا بالمـرجـلـه اودعهم عصيده

وقال عبدالله بن دهيمش بن عبار هذه الأبيات جواب لأبيات محمد بن ليلي الشاهر الفدعاني أبو خالد :

أبـو خـالـد بـالـشـعـر قـافـه حــلالـي *** طاب لي نظمه عسى أيامه مـديـده
صـح لسانـك يـوم حـررت المقـالـي *** عشت ياللي اتقنت منظوم القصيده
يا أبـو خـالـد مـن يـريدون الجـدالي *** مـن تعـدّى وعـال بـالـواقـع نـفيـده
لـو مـن أصحـاب السعـادة والمعالي *** تـردع العـايـل حـكـومتـنـا الرشيـده
يا الـزميـل الـوضـع بـاقـي لا يـزالي *** لـلـغـشـيـم نـكـرر الـهـرج ونـعـيـده
والخـتـام اشـكـرك يا ذرب الفـعـالي *** مـني رد الـقـاف وصـل لـك بـريــده

قال محمد بن عايد الدوهان هذه الأبيات يسند على حسين بن عوده القراري ويثني على عبدالله بن دهيمش بن عبار :

يـا حـسيـن خـذ مـنـي كـلام مـوكـد *** عـبـدالـلـه الـعـبـار يـا كـبـر حـضّـه
مـؤرخ ربـيـعـه أرخ الـبـد والـجــد *** يـفـداه من هـو شمـل عـنـاز شضّه
مـؤرخ بـنـي وايـل كـتـابـه مـخـلّـد *** وراعي الظليمه جـعـل بقعـا تلضّـه
مـفـاخـر الـويـلان دايــم تــجـــــدد *** لاشك نرفض هـرج مـن زاد جضّه
الـطـاعـن الـلاّعـن لـفايـف مـقــرّد *** والحر الأشقر في سما المجد نضّه
الـلي كـتبـوا بالكـذب نـاسٍ مـسـرّد *** اطيبهـم الـلي مجـد الأجـداد قـضّـه
عـلى مـثـل شـروى جنـابـك تـوجـد *** والـلي ظـلـم جـعـل الحيايـا تكـضّه

وقال عبدالله بن دهيمش بن عبار هذه الأبيات جواب لأبيات الزميل بن عايد الدوهان :

عاش القراري ما تغاضى ولا صـد *** من غيـرتـه دوم القرابـة يحضّه
يا محمـد الأبـيـات نـكـتـب لـهـا رد *** منظـوم قافـك من جواهـر وفضّه
يا محمد بعض النـاس فكـره تـبلّـد *** ولا يصفي النقـروح حـتى تخضّه
اصـدرت عـن مجـد القبيلـه مجـلـد *** والـلي حسـد دايـم بهـامـه يعـضّه
والـلي اعتدى صابه العـوق واللّـد *** سواعده عن عرك الأضداد غضّه
ما نقبـل العيـلات والصّبـر لـه حـد *** ولا نمضي العوجا ولـو قيل مضّه
حاسـوا قبـايـلنـا وجـابـوا لـنـا جـد *** تغـلـب وبـكـر الـلي تـلاقـوا بقضّه
منهـم قـبايـل تـعـرف اليـوم وابـدد *** ومن عال بالمذروب راسه ترضّه