موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

قال الشاعر تركي بن صالح بن سالم الهولا القروعي الجعفري هذه القصيدة يثني على عبدالله بن دهيمش بن عبار الفدعاني :

الـفـكـر ثـار وهـاجـس الـفـكـر لا ثـار *** يـبـدع مـن المعـنـا بـيـوت جزايـل
بـيـوت شـعـراً كـنهـا قـطـف الأزهـار *** أو كـنـهـا وقـفـت كريـم الخصايـل
الشعـر بـدع وفـن واسلـوب وافـكـار *** حشمت حـروفـه من سلوم القبايل
اليـا كـتبـتـه عـرف يكتـبـنـي اصـرار *** وغـيـر الـجـزايـل مـا ادوّر بـدايـل
والشـعـر لـه قـايـد مـحـنـك وبـيـطـار *** مـبـدع وجـزل وعـارفاً لـلـدلايــل
الـيـا كتـب يكتـب جـزيـلات الأشـعـار *** شاعـر وله في ساحة الشعر طايل
مـعـانـي بـيـوتـه سـمـيـنـات واكـبـار *** شـاعـر قـبـيـلـه والأوايـل أوايــــل
وأن قـلتـوا الشعـار تصنيـف وأدوار *** عـلى اختـلاف العـينـه والفـصـايـل
الـرقـم الأول بـالـشـعـر لأبـن عـبـار *** الـكـل يـشـهـد مـا بـهـا قـول قـايــل
عـبـدالـلـه الـعـبـار لاصــاغ الأفـكـار *** مـا مـال قـافـه لـو عـقـالـه تـمـايـل
وعـلـم النسـب حفظـه ولا فيه أنكار *** أنـه بـذل جـهـده بـكـل الـوسـايــــل
الأول الأول عـلـى كـل مـضـمـــــار *** شـاعـر عـلـم يصـوغ بـدع المثـايـل
صـنـّف لـنـا كـتـب بمجـهـود جـبـار *** شعروقصص تحكي عن عيال وايل
رجـل يشرّف لا حضر يكسب انظار *** مـبـدع ولا عـمـره يجـيـب الهـزايـل
مـن ماكـر رجال عـريبيـن واحـرار *** سلـم لـنـا الطـيّـب عـريـب السـلايـل
لـك مـنـزلـه بـقلـوبنـا يا أبن عـبـار *** وبنفـوسنـا لـك حـافـظيـن الجمـايـل
قـلتـه وأنـا الهـولا وللشعـر منظـار *** شاعـر وأعـبـر عـن جزيـل الفعايـل

قال عبدالله بن دهيمش بن عبار هذه القصيدة جواب لقصيدة الشاعر تركي بن صالح بن سالم الهولا الجعفري :

حـي الكتاب وحـي من خـط الأسطار *** تـركـي لعـلـم المـرجـلـه دوم نـايـل
نسل الـذي بـه نفتخـر مابهـا أسـرار *** صالح الـلي حاش الفخـر والنفايـل
صالح زميلي يوم في روسنـا شعـار *** والطيب لـو طال الزمن ليس زايـل
أنـا أشهـد أنـه من طويليـن الأشبـار *** مـا يـقـبـل العـيـلات مـن كـل عايـل
مـن العـزوة الـلي هابهم كـل مغـوار *** جـعـافـره شـجـعـان يـوم الـدبـايــل
واسـم الحمـولـه لـه دلايـل وتـعـبـار *** لـقـب الهـولا حيـث فـعـلـه هـوايـل
ابـوك يـا تـركـي مـن الـعـزوه خـيـار *** وأنـت اتبعـت أبـوك صـدق وصمايل
اشكـرك ثـم اشكـرك يـا طـيّـب الكـار *** تشهـد ومثـلـك يشهـدون الحمـايـل
يـامـا سمعـت مـن التمـاجيـد تـكـرار *** صـيـد الـرجـال يـوردون الـدلايـــل
لـو يجحدون الجهـد عميان الأبصار *** مـا حصلّوا غـيـر الفـلس والفشايل
لـولا الحسـد بـقـلـوبـهـم ولّـع الـنـار *** من صـرت مـالي بالمناكـر عمايـل
مـادام الـلـي شـرواك يـعـد مـا صـار *** عـن الـردي والـلاّش ماني مسايـل
الـلي يعـيبـون البشـر سـر واجـهـار *** لـهـم مـهـمّـة يـلـمـزون الـعـوايـــل
قـالـوا كـلام وكـل مـا قيـل مـا صـار *** ولا منهم اللي من الفخر نـال طايـل
مهما أجهدوا ضدي يدورون معيار *** خـابـوا ودون أهدافهـم حـال حـايـل
العصبـه الـلي وهموا بعض الأنفـار *** مـن وهّـم الـجـهـاّل لـلـذنـب شـايـل
أصبح قليـل العـرف بالش ومحـتـار *** اغراه اللي ضاع الضحى والقوايـل