موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

قصيدة نصيحه معاد نشرها بعد تنقيحها ونسأل الله صلاح النية والذرية :

قـال الـذي بالـقـاف سـجّـل عـناويـن *** جـرّب وصـوّر واقع الحـال تصوير
بـديـت أوضـح فـي كـلامي بـراهيـن *** ولا نلفظ المنطوق مـن دون تبريـر
حـقـايـق مـا هـي هـقـاوي وتخـميـن *** والعـلم واضح ما يـبي لـه تفاسيـر
أسند عـلى قـروم الـرجال العزيزين *** الغـانميـن أهـل الـوجـيـه المسافيـر
الشكـّر لـلـه خالـق الخلـق من طيـن *** ناخـذ على شوف النشامى مشاوير
اكـره قـبـال الشـامـتيـن البغـيـضيـن *** أهـل العـلـوم الناقـصة والشباشيـر
مـن فـضـل ربـي ملتـزم بالقـوانـيـن *** ولا سرت بدروب الردّى والمعايير
لـيـه قـدر عـنـد الـرجـال الحشيميـن *** ولا هـمني هـرج الـرخـوم المعاثير
يالـلـه يالـلي تـرحـم الحـال واتعـيـن *** يالواحد الـلي عندك الرزق والخير
أنـت الكريم مـكـوّن الـكـون تكـويـن *** الـرازق الـوهـّاب مـغـني المفـاقيـر
يارب تهـديـني عـلى الرشد والديـن *** عساك ترشدني عـلى حسن تـدبيـر
طالبك حفظ اللي عـلى القلب غاليـن *** هم العوض عن التعب والمخاسير
مـن فضل خـّلاق المـلأ علمهم زيـن *** ومن بان علمه بالفخـر نـال تقديـر
قـدوتهـم الـلي كـلـنـا عـنـه راضيـن *** أبـو مشاري مـا حصل منـه تقصير
أهـدى عـلي القـرم ددسـن وجيبيـن *** مـن دولـة اليابـان جـن تـو تصديـر
هو الذخـر لاصار وجه الزمن شين *** وهـو الـذرى عن لافحات المعاصير
وأخـوانـه الـذربـيـن ماهـم ردييــن *** من نـقـوة قـروم الـرجـال المـناعـيـر
ربيتهـم من يـوم كـانـوا غـلامـيـن *** ذخـري ليـوم يـكّـدر الصـفـوا تكـديـر
مـا كـان قصدي يجمعـون الملايـين *** لـي الفخـر لاقـيـل صـاروا مشـاهيـر
وأبي أنصح الـلي طول الأيام لاهين *** وأهـدي لهـم مني نصيحه وتحذيـر
الـلي ماهم عـن جـور الأيـام داريـن *** ولافي خواطرهـم هواجس وتفكير
لابـد يـوضـع للـفـتـى ثـالـث اثـنـيـن *** تقـصر خـطـاه وثـم يحمل بـواكيـر
واليا نوى ينهض تعنّـز عـلى أيدين *** وجسمه يبيد مـن التعب والمعاسير
لاشـك كـانـه جـاوز العـمـر سبعـيـن *** أصبـح كهـل يحتاج حشمه وتوقيـر
تكثـر نسيان الـذاكـره كـود تـفطيـن *** ولا عاد يحفظ العـلم من دون تكرير
والعـين صارت تشبح الزول زولين *** والسمع ثـقـل وصار بالسمع تغييـر
يشكي من الـلي قلّل الشوف بالعين *** والضغط والسكـر صـدر بـه تقاريـر
والصوت ما يجهر سواته هكالحين *** ولا عـاد بالملسن من القول تعـبيـر
راح الشباب وصـار ظمـن المسنين *** والكبـر قالـوا عـيّـب ذيـاب والـزيـر
وزهـيـر قـال وهـو بسـن الثـمانـين *** بمعـلـقـتـه الملحـمـة قـالـهـا زهـيـر
ومريبد اللي من شخوص العداوين *** عبّرعن اللي عاق رجله عن السير
ولايدري أبن آدم مسير الزمن وين *** مثـل الـذي غـرقـان في جـمة البيـر
للعـمـر مـا يـوجـد ظـمـانـه وتأميـن *** حـيـث القـدر لا حـان مافـيـه تأخيـر
عمر البشر له حد والحتف له حين *** وعـن المـقـدّر مـا تـفـيـد المـعـاذيـر