موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

- - أبيات مسنده على طالب ونيس (http://www.bnabar.com/vb/showthread.php?t=11803)

أبيات مسنده على طالب ونيس

قال عبدالله بن دهيمش بن عبار هذه القصيدة يسند على الشاعر طالب ونبس السلمي
يجـول فـي صدري روابع وهـوجاس *** وقلت البيت اسند على طالب ونيس
حـيـثـه فـهـيـم ولـلـرجـاجيل نـبـراس *** ماهو من اصحاب القلوب المناحيس
يامسندي صرت استمع دق الأجراس *** صوت الطبول المزعجه والنواقيس
سلـم الجـدود الـلي تخـبوّا بالأرمـاس *** زالـت مـثـل مـازال تـبّـع وبـلـقـيـس
الخنفسه زالـت وجـت ربـطة الـراس *** تـشـدها البكـلـه خـلاف الفـواعـيس
واليـوم عصر القنـزعـه مابهـا بـاس *** بالـذروه الـلي كـنـهـا ذروة العـيـس
قصّات مستر جـون واللّورد توماس *** جـت للعـرب مـن دار لنـدن وباريس
يالـلي تقـصون الجـوانـب بالأمواس *** مقصودكـم لمسفّـه الغـرب تـقـديـس
هذا القـزع الـلي حـرّمـه سيّـد الناس *** نـعـوذ بالـرحمن مـن نـزغـة إبليس
الفاهم الـلي عـنـده شعور واحساس *** يـتـرك سـلـوم الشـاذيـن الهـلابـيس
يسمع حديـث الترمذي وأبن عـبّاس *** ولا يقـتـدي بـأهـل العلوم الحماليس
والـلي يـبـي يقـدى طـريقـه بمقياس *** يبعد عن الـلي من المراجل مفاليس
لاشـك مـن يـتبـع رديـيـن واخساس *** يجثـم عـلى صدره سوات الكوابيس
والناس مثـل الطلع في حير غـرّاس *** ولا فـيـه غـرسه كـود تلقابها خـيس
ولاني بـعـم من البشر كـل الأجنـاس *** يـا مكثـر الـلي يكسبـون النـواميس

قال الشاعر طالب الونيس السلمي هذه القصيدة رد على قصيدة عبدالله بن دهيمش بن عبار المسنده عليه يقول :
سمـيـت بسـم الـلي خـلـق كـل الأجـنـاس *** محـيي الهـشيـم البـالـيـات المـيـابـيــس
ومـن بـعـد ذكـره جـبـت دلّـه ومحـمـاس *** وسـويـت فـنـجـال حـكـرتـه بـتـقـيـيــس
فـنـجـال سـويـتـه عـلـى فـن واقـيــــاس *** يـغـدي خـوى روس الـرجـال المعاميس
وأخـذت لـي مع هجعـة النـاس مـرواس *** بـافـكـار واهـجوس بـهـا اعـيـد واقـيس
وكـتـبـت تصنيـف القـريـحـه بـقـرطـاس *** نـظـمـتـهـن مـن مـرهـفات الأحـاسـيـس
جـتـنـي بـيـوتٍ كـنـهـن نــظــم الألـمـاس *** نـصـايــح أتــدرّس لـلأجـيــال تــدريـس
مـن شـاعـرن بـالشعـر بـارع وحـسّـاس *** عـبـدالـلـه الـعــبــار حــر الـقــرانــيــس
ما قالهـن فـي وصـف مـدقـوق الألعـاس *** ولاهـو بـشـحّـاذاً يـبـي مـلـيـة الـكـيــس
نـسّـاب ومـؤرخ وعـلـمـه عـلـى ســاس *** شـاعـر قـبـيـلـه حـاز عـلـم الـنـوامـيـس
يـذكـر لـنـا عـوايـدن تـوجـع الـــــــراس *** بـعـض الـشبـاب الخـايـبـيـن المـفـالـيس
جـيــلاً تـحـوّل بـالـعـوايـد والألـبـــــــاس *** كـنّـه مـربـيـهـم عـلـى الـقـبـح قـسّيــس
أنـصـح يـا أبـو مشعـل ولا تـقطع اليـاس *** الـنـّصـح يـثـمـر بـالـرجـال الأشـاويـس