موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

قال الشاعر سلطان الأدغم السبيعي هذين البيتين بعد أن شاهد صورة من صور
عبدالله بن عبار القديمة منشورة بتوتر يقول :

تـبي الشباب وفاختـك يا أبـن عـبـار *** تغشنـا في صـورتـك وانـت شـايـب
حـنـا من عـيـالـك قـد عـيالنـا كـبـار *** يالـلـه بحسن الخاتمه ما انـت تايب

ورد عبدالله بن دهيمش بن عبار على سلطان الأدغم :

الصـوره الـلـي شفـتهـا بـس تـذكـار *** ما القصد يالأدغـم اغـش الحبايـب
حتى انت كانك من طويلين الأعـمار *** لابـد مـا تـشيّب عـلى غـيـر طـايـب
مـانـي مـخـادع يـالـسنـافـي ومـكـار *** والشايب أن ماتـاب هـذي مصايـب
ما سرت في منهـج ملاحـد وفـجّـار *** أخـشى مـن المـولى مـديـر الهبايب
وكـان الكبـر يا نسل الأجـواد معيـار *** كـل البشـر حـطيـت فـيهـم معـايـب
جـميع شيّـاب العـرب كانـوا صـغـار *** وآخـر مصير العبـد تحـت النصايب
أخـذت بالـدنـيـا مـن الوقـت مشـوار *** ولا لـي عـلـى ذريــة آدم طــلايــب
ولامن حسايف كود تعسيف الأمهار *** ولاني عـن الواجب لك الـلـه غايب

ثم جارى هذه الأبيات عدد من الشعراء قال شاعر :

هـذا القصيد الـلي عـلى الذوق يندار *** مـثـل المـهـار العـاديـات النجـايـب
استغفـر الـلـه ماهـو بعـزف الأوتـار *** الا ولا شـابـه مـن الحـيـف شـايـب

وقال شاعر آخر :

أنا احسب أن صدره شمالي لكن فار *** دمـه وأنـا اقبـل منـه ما كان جايب
شايب وشاعـر لـه مكـانـه ولـه كـار *** جعـلـه يكـون بخـيـر والبـال طايـب

وقال شاعر آخر :

الشايـب البيطـار فـي نـظـم الأشعـار *** يـبـغـي يعـرضني لصفـق الهـبايـب
وأنـا مـا اثـورها عـلى غـيـر معـيـار *** ومن تهمة الموضوع ماني بهايب

وقال عبدالله بن عبار يجاري الشعراء بهذه الأبيات :

لا تـشـوهـونـي عـنـد ربـّات الأخـدار *** ما يقبـلـن الشيـب شـقـر الـذوايـب
بـس اتـركـوني لا تبـيحـون الأسـرار *** لـو شبـت مـاني يالأجاويـد خـايـب
من فضل ربـي لـي حشيمه ومـقـدار *** عـنـد الـرجـال الـلي تـفـك النشايب
لـو تـنشـد مـبـارك يفـيـدك بالأخـبـار *** عن سيرتي يخبرك في علم صايب
أجـمع نسب عنّاز في خمس الأقطار *** واليـوم شبـت ومشعـل النجل نايب
بـني وهـب وجـلاس وعـيـال عـمـار *** وعبيد الـلي هـم عزوتي والقرايب

وقال نهير بن محمد بن حجر الدهمشي هذه الأبيات يثني على زميله عبدالله بن عبار :

ان قيل أبن عبار هـو شاعـر الجيل *** بصدق كلام الناس في شاعر جزل
الشاعـر المقدام بوصف الرجاجيل *** تقولـه العـربان صدق ماهـو هـزل
اشهـد شـهـاده بـينـن كـنـه سهيـل *** هـو شاعر الويلان ولا ينعزل عزل
عـبـدالـلـه العـبـار يا خـيـر تـمثيـل *** هـو الأديـب وشاعـر واختم الجـزل

قال عبدالله بت دهيمش العبار هذه الأبيات جواب لأبيات الشاعر نهيّر بن محمد الحجر الدهمشي :

أبن حـجـر نسـل الـرجـال الحلاحيـل *** الدهمشي يصـدق كـلامه مـا يـزل
شيخ القواسم يوم عصر المصاويل *** يـذكـر فـعـل جـدّه اليا ارتج الـنّـزل
يـثـني عـليـه أبـيـض الوجـه بالقيل *** وأشكر جنابـه عـدد منبوت الحـزل
وأثني شكر لأهل القروب المشاكيل *** صافيـن ما معهـم كـذوب ولا رزل