|
تكـــفـا تـرا تكفـا لـها تِسرج الخيـل
تكـــفـا تـرا تكفـا لـها تِسرج الخيـل تكـــفـا تـرا تكفـا لـها تِسرج الخيـل 🔴 قصيدة الأميرة نوره آل رشيد الحاتميه رحمها الله طبعآ كلكم سمعتوا البيت اللي يقول:- تكفا ترا تكفا تــــهز الرجــاجيل لولا ظروف الوقت مـــاقلت تكفا لكن أغلبكم ماقرا القصيده كاملة تمتعوا بقوة القصيدة النارية ــــــــــــــــــــــــــــــــــــ مـن ذاق حـر القايلـــه يعشـق الليـل ومـن شـب ضـوه ليلــــة البـرد يـدفـا امســـيت في جيلٍ ولاهوب ذا الجيل و اصبحـت والا ديـرتي شـبـه منـفـا واللـــي حمـا بيتـه بطيــرٍ ابـــابيـل ماجيت ادور كـل مـن صـد واقفـــــا ولا جيـت ابشحـذ يانمـا دلـــه وهيـل جيتـك وجـرح الظـلـم غــاديه يشفـا جيتــك بكلمـه كــنهـا صعــقـة الويـل وان قـــلـت تكفــــا لاتهــاون بتكفــا تــكفا تراها كلمــةٍ تقــطم الحيـــل لا بـــالله الا تـــــنسف الحــيل نسفا تكفا تـرا تكفـا لهـا هــــدرة الســيـل فـــي صدر حرٍ ينــتف الطيـب نتـفا تكـــفـا تـرا تكفـا لـها تِسرج الخيـل ان كــان لك في مجمع الـخيل عسفا تكفــا تـــراني من قرومٍ مشاكيل حمـــــاية الــسـاقـه بـــسيفـٍ وشــلفـا تكفــــا تـــرى تكفـا تهـز الـرجاجيـل لولا ظروف الوقــــت ماقلت تكفا هذي القصه حدثت للاميره نوره آل رشيد.....الحاتميه. عندما وقعت الحرب في حايل خرجت نوره مع عبدها وعندما اتاها خبر مقتل اخوانها حزنت حزن شديد وزاد ذلك ان العبد كف عن خدمتها بل اصبح يامرها وفي يوم من ايام شافها تبكي واول مره يراها العبد تبكي فاستغرب لان نوره كانت شديده وكانو اخوانها ينتخون بها ودمعه نوره غاليه جدا؛ فسالها لماذا تبكين فقالت هذه القصيدة : أبكـي هلـي هــل العـلـوم المليـحـه ولا ألوم عيني لو بكـت دمعهـا دم إخوانـي أبكـي والقصـور الفليـحـة إخـوانـي الـلـي لا بـغــو لازمٍ تـــم ياما إنتخو بإسمي ليا حـل صيحـة اليـا انتخـو بـي كافـر الجـن يسلـم إسمي كما نجـمٍ ضـرب قـاع بيحـة أو الصواقـع يــوم للضـلـع تـرجـم نـورة أنـا بنـت الشـيـوخ الفليـحـة أبوي حاكم وإخوتـي صفـوة الجـم يا حيف حايـل فارقـن ريـح شيحـه بذيك الشغايا تقل ما قيـل لـي سـم محمـد طـلال اللـي جـرح للقريحـة وناسٍ بنا خانـو ونـاسٍ بنـا نـم خانـو بحايـل كاسبـيـن الفضيـحـة وأهـل العمايـم جعلهـم فـي جهـنـم أهــل العمـايـم يـدعـون النصيـحـة جـهـال بــدوٍ مــا تـعــرف التـيـمـم يالعبـد عقـب العـز كبـدي جريـحـة حب الوطن يالعبـد مـن عصـر آدم يالعبد ماهي مـن حكايـا الفضيحـة خل السهر لي وإنت يالعبد قـم نـم مـن أولٍ نأمـر تجـيـب الــذبيـحـة واليوم ياعبد الندم صرت لي عم. |
صح لسان على النقل وصح لسان الشاعرة نورة
قصيدتان مشهورتان وجزلتان بابياتهما ومعانيهما |
تنسيق القصيدة
.............
|
هذه القصيدة نسبت لرجل اسمه فارس بن محمد بن دهمان الدحيمي الشهري أخو تكفى ولد أمير بني شهر رجال الحجر ويقال انه قالها عام 1938م وقد وردت بهذه الصيغة : عـلـم العـفـا واعفاك يا وافي الكيل *** بساطـة ابشرك فـي خـيـر واعـفـا نكـفي بعضنا وانتكافا عـلى الشيـل *** والـلي تعـب من الحط والشيل يكفا من ذاق حـر القـايـلـه يعشق الليـل *** ومن شـب ضوّه ليلة الـبـرد يـدفـا لا عاد ليل نمت به في حـرا سهيل *** وخايلت نوض يخطف العين خطفا أمسيت فـي جيـل ولاهـو بذ الجيل *** واصبحت واليا ديرتي شبـه منـفـا كـنـا عـلى فـال الشّحـم والمعاميـل *** ونفوسنا انقا من نقـا العـد واصفـا وأنـا ولـو راحـت بـقـوله تساهـيـل *** صلف وصروف الوقت تحتاج صلفا يا حجـر جـداني زحـول الـرجاجيل *** يحـرم فـلالي عـنك يا حجـر مقـفـا أمـا لطمنـا العـيـل ولا الـطـم العيـل *** ما دام شب النـار منـدوب الأطـفـا خل ابرهه الأشرم على ذمـّة الفيـل *** وأنـظـر لـشي مـا يوصفـه وصفـا يا ذيل والـله مـا تجي راس يا ذيـل *** علم ما هـو يغـبي ولا هـو بيخـفـا والـلي حـمى بـيتـه بـطـيـر الأبابيل *** مـا جـيـت ادور كل مـن صد واقـفـا ولا جيتك اطلب منـك بن ولا هـيـل *** جيتك وجـرح الظّـلم غـاديـه يشفـا جيتـك بكـلمه كنها صعـقـة الـويـل *** وأن قـلـت تـكـفـا لا تهـاون بتكـفا تكـفا تـراهـا كـلـمة تقـطـم الحـيـل *** الا ولـك الـلـه تـنسـف الحيـل نسفـا تـكـفـا مـاهـي لمـدهـنات المجاديـل *** تكفا لصلف وعـادت القـوم صلـفـا تكفا تـرى تكـفا لـهـا هـدرة السيـل *** فـي صـدر حـرٍ ينتف الطيب نتـفـا تكفا تـرى تكـفا لهـا تسرج الخـيـل *** أن كـان لك بالخيل سـرج وعسفا تـكـفـا تـبـيّـن كـل لاش وحـلـحـيـل *** تسمع لها بالصدر هـبـدن ورجـفـا تـكـفـا وتكـفـا مـا تسـاق المهابيـل *** تكـفا تـخـلي الـقـرم لاش وهـطـفـا تـكـفـا تجـنيـني عـلى القال والقيل *** مـانـي بـمـن ينكـف عـلى كل ملفـا تكـفـا تـرانـي مـن قـروم مشاكيـل *** حـمـايـة السـاقـه بـسيـف وشـلـفـا تكـفـا تـرى تكـفـا تـهـز الرجاجيل *** لولا ظـروف الوقت ما قـلت تكـفـا تكفا يا قـرم ما يبي العـلـم تفصيل *** المشكله كـبـرت عـلى الناس تكفا ما قلت تكفا غير من فترت الحيل *** وأنـتـه ولـد من يفعـل الطيـب تكفا انـخـاك مـن كـثـر العـنا والبهاذيـل *** ولولا ظروف الوقـت ما قلت تكـفـا الأخ حروف الغلا هذه القصيدة حصل عليها 0نقاش ومعظم الرواة ينسبونها لفارس وهي من يدقق في معانيها يعرف انها قصيدة رجل وليس قصيدة أمرأة والدليل قوله : تكـفـا تـرانـي مـن قـروم مشاكيـل *** حـمـايـة السـاقـه بـسيـف وشـلـفـا أما القصيدة الثانية فهي من شعر نورة الرشيد حسب ما يروى وللمعلوميه فأن شمر وعنزة ليس من لغتهم تكفى ألا بعد اختلاط القبائل فهم إذا نخى أحدهم يقول ( وين فلان ) أما قصيدة نوره المسجله عندي فهي كما يلي : وهذه القصيدة للأميرة نوره الرشيد عندما تغيرت احوال أسرتها : ابـكي هـلي أهـل العـلـوم الملـيحـه *** ولا الوم عيني لو بكت دمعها دم ابكي اخـواني والقصـور الفسيحـه *** اخـوانـي الـلي لا بـغـوا لازم تـم ياما انتخوا باسمي اليا حـل صيحه *** اليا انتخـوبي كـافـر الجـن يسلم اسمي كمـا نجـمٍ ضرب قـاع بـيحـه *** ولا الصواعق يوم للضلع ترجم بـنـت الشيوخ أهل الوجيه الفليحـه *** ابوي حاكم واخوتي صفوة الجم يا حيف حـايـل فـارقـن ريح شيحـه *** بذيك الشغايا تقل ما قيل لي سم محـمد طـلال الـلي جـرح للقـريحـه *** ونـاسٍ بـنـا خانـوا وناس بنا نم خـانـوا بحـايـل كـاسبين الفـضيحـه *** وأهـل العـمايـم جعلهم في جهنم اهـل العـمـايـم يـدعـّون النـصيـحـه *** جـهـّال بـدو ولا تـعـرف التيـمـم يالعـبـد عـقـب العـز كبـدي جـريحه *** حب الوطن يالعبد من عصرآدم يالعـبـد ماهـي من حكـايا الـوقـيحه *** خل السهرلي وأنت يالعبد قم نم مـن أول نـامـر تـجـيـب الـذبـيـحــه *** واليوم ياعبد الندم صرت لي عم |
| الساعة الآن 10:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd