موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

نعـــم الخـوي

ابيات اهديها الى الاخ والصديق العزيز محمد مشعان الغبين ابو مشعان عسى الله
يعطيه الصحه والعافيه اثـر اتصال يتطمن من خلاله على اموري وما يهـمني
فكانت تلك الابيات المتواضعه على امل ان تحوز على اعجـاب ورضى الجميــع ,

عزالله انــك يابـو مشعـان غــالي = ومعزتــك يـا صاحبي مـالـهـا اقيـاس
قـــدرك يشـادي شامخات الجبالي = ولا ينهدم ودً تعمر على ساس
العلـم غـانم مـن قديـــمً وحــالي = واللي مثـل شرواك مـا دنق الراس
شامخ شموخ طـويق اول وتـالي = ولاهزته ريـح العواصف والانجاس
ولاهو انـت من هو للمنافـق يـوالـي = ايضــا ولا انت مجــاملً كــل هلاس
عــرفـت انـا بـك طـيـبات الخصـــالي = وطيب النبأ مـا يتقـنـه كـــود حساس
والذيب مثــلك بالمراجل. مثالي = ونعـم الخـوي لأدق بالقلـب هـوجاس
ونعمً بكــم يـا اهــل. الفخـر والمعالي = جتكم واخذتوها على قـب الافــراس
غبيـنــات ربـعـك من قديمً غـوالي = ربعً معـاشرهم غنيمه ونـوماس
اهــل العطــايا النادرات الجــــزالي = والله جعلــكم غيــر عـن باقي الناس
يومنهـا مــابـيـن طـامـن وعـالي = أفعالكـــم تجلا عن القـلـب الاعماس
تـوثـقـت بصدور خير الرجـالي = وترددت. في كــل وقـتً. ومجلاس
والنعـم بالاجـواد ياجـب . ايقالي = والحـق يبقـــا. في دجا الليـل نبراس
بكم المثل عبر السنين الخوالي = ولا ينكر المعـروف راسً بــه اعطاس
ويٰــوم. اانتــذكــر مـرمسات الليـالي = يطري علينـا عبـيد راسً ولــد راس
ولــو مات ذكـره. حـي ن ولا يــزالي = مرحوم يالذيب العرج ذيـب الادماس
ليـثً يحـل اعـقـود حلـه محـالي = وأنقـذ ارقاب حكمها قطـع الانفاس
مثـلـه فلا والله يـاتي محالي = لــو العذارا تنجـب أخماس واسداس
اللـي جـرالك يا. محمـد. . جرالي = ضيقه صدر والهم يضرسبي اضراس
الصبر طــال وليــل الأحـلام طـالي = لا كسبنا كـود خـيـبــات وافلاس
من حيث لا مذرا ولامــن. اظلالي = جـرا عليـنا مـا جـــرا لقوم جساس
صبرً تـعــدا فـوق صـبـر الجمالي = مــا بـيـن حيـره يـا محمد ولولاس
مات الطموح اللي بـوسـط الخيـالـي = وحـل بمحـلـه جيش الاحبـاط واليأس
وصــلاة ربـي فـي نهــايـة مقـالي = على النبي واعــداد ماهب نسناس

محمد بن سوعان الربيّع