موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

مـكّـه حمـاهـا الله
-----------------------------------
مكـه حمـاهـا الله مـن غـدر الارهــاب = ومن ثوب سـتـره والطهاره كـسـاهـا
من قبـل داعش والمجـوسي والاذنـاب = من ابـرهـه رب الخـلايـق حمـاهـا
دمر اصحاب الفيل في هـاك الاشـعـاب = بحجــار مـن سـجيل طيـره رمـاهــا
ومن فكّـر يمس الحـرم خـاب وارتـاب = بـاولادنــا والــدم نـفـــدي ثــــراهــا
من دون سـاحـات الحرم تـقطـع ارقـاب = دونــه حمـاة الــديـن تـبــذل ادماهـا
مـن كُـل فج وصوب نأتي لـه اسـراب = وكـلً يـلـبـي يـوم يـســمع نــداهــا
غيرة عــرب واسـلام من كل الاقطاب = شرق وشمال وغرب كلً فــداهــا
ومن غـرّه الشـيطان وابـليس لـه جـاب = لابــد نـفـسـه يـوم تـاخــذ جــزاهــا
فوق الخـزي والعـار ذا فــالـه اتراب = وملـعـون بالــدنـيـا وفـــي مـنـتهـاهــا
الخـايـب اللـي باع نفســـه للاغـراب = والنـفـس اعـلــن للخــوارج ولاهــا
وثــمً الـى ايــران واالا ولا هــاب = للــدولــه اللــي للـتـطــرف وفـــاهــا
ايــران تــؤي كـل مجــرم وكــذاب = وتجـزل الى الباغـيــن وافــر عـطـاهـا
تسعى الى الفـتـنـه وتشــتيت الاقـراب = وتبـث ُســــمّ الـرافـضـه من بـلاهـا
افـعـالـهــم صـعـبً تقـبلــهـا الالبــاب = وكــلً سـمـع فـيـهـا وكــلً قــراهــا
ويــاللّــه يالمعــبــود يـارب الاربـاب = تحــفـظ كيــان الممـلـكــه واتحمــاهـا
بقيــادة اللـي دوم يحسـب لـه احســاب = عـوق الخصيـم اللي يكـدر صــفــاهـا
ابــو فـهــد ســلمـان فـكـاك الانـشـاب = وبالحكـمه اصـبح قــدوةً لـزعـمـاهـا
وعضيده ويمنــاه حـزات الاصعـاب = محـمـد صـفــاة الصـالحيــن احتـواهـا
ولي عـهــد الممـلـكــه ليـثــهـا الشـاب = حـــرً ومـن جــدّه طبــوعــه خــذاهــا

محمد بن سوعان الربيّع