موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

البـل عـطـايـا الله والهــرج ماكــود

أحـب انـا الـبـل وافــرح لـطـــاري الــــذود = ‎يـطــرب لــهــا قـلـبـي وتـفــرح عــيـــوني
شـــعـل ومغـاتيـرً ومجـاهــيمـهـا الســــود = هــي منــوتــي لـو العـــرب يـنـقـــدونـي
ذي غـايـتـي ياسـعود والعـــمـــر مـحــدود = ذي شـــف روحـي كـانـكـــــم تـنـشـــدوني
الـبـل عـطــايــا الله والهـــرج مــاكـــود = ســــــفـن الصحــاري نـابيــات المتــوني
الـبــل لـهــا بـقــلــوبـنــا شــــــــان وودود = مــن حـــب نــاسً قـبــلـنــا يـمــدحـــونــي
ورثً عــــن الابــاء يـا ســعُـود واجـــدود = عــن لابـــةً يــوم . الــوغــــا يـبــرزونـــي
وكـم فــارسً مــن دونهــن طــاح بلـحـــود = يـوم انـــهـــم بـســـروجـهـــن يعـتـلــونــي
يــومـنهــا بـالشـــلـف والســيـف مجـــرود = فرســـان فـــوق الخــيـــل مـا يتـعـبـــونــي
مــن دونهــا يـثـني شــــيـاهـيــن وافـهـــود = حـيــث الـعــرب بـنـيـــاقــهــم يـنـتخــوني
مثـل المـحــارم قـــدرهـا فــوق وايـــــزود = مثــل الشــرف غــالـي و كــــلً يـصــــونـي
وان شــفـت انـا ذود المــزايـيـن بحـشـــود = وشــفـت العـرب بــاذوادهـــم يـفـخـرونــي
افــــز مـثــل اللــي ايـبـشـــــــــر ابـمـلـــود = يــفــرح ومـثــلــه عـــزوتــه يـفـرحٰـــونـي
لاجـٰـن بـنـات الـهــرش بيـــوض ياســـعـود = طٰــابٰــور عــرض وقـادتــه يــشــرحــونـي
مـثـل الـظــــبـا ريـسـٰـانهـا تـنطــــح الـنـٰـود = واذانـهٰـٰــــن مٰـثــل الٰــــورق. بالغـصــونـي
فـتـنـة نـظـــر لاجـــن مـصـاديـــر و ورود = واخـشـى العـيـٰون الحـاســـده يحســـــدوني
ذكـــرت ربً. كــــوّن الـبـــرق وارعـــود = ‎اللــي لــوجــهـه نـســجــــد. ويـركـعــونــي
عــــاش الـذي يبــذل لــهـا كـــل مجــــهــود = عبــد الله اللـــي فـيــه تــــزهــا اللـحــوني
ابــن ربـــاح. المجــــــد يـرقــالــه اسـٰــــنود = يـــوم إن غـيــره للٰـــوطـــــا يـنــزلــونـــي
قٰـــرمً حــــبـٰاه. الله. فـي عــــــــــدة. ابنـــود = والطــيـب والمـعــروف مــن كــل لـــونــي
عـنـده طـمٰـــوح انســان مـاهــوب محــــدود = ومـن لابـــةً بـالـظــيـٰم مــا يـرتــضــونــي
قــرمً شـــموخـه مثـــلمــا شــامـخً الطــود = يـبشــر بـعـــزه مـــن يجـيــــه. امـغـبــونـي
عُـــــدً عـــذي. فــي لاهــب القـيـظ مــارود = يــوم البعــض بمــواهــهـــم يبــخــلـــونــي
ويــالله يالمطـلــوب. . يـا خــيــر مـعــبـــود = يـاللـي بـأمــرك كــــل شــــيً . يـكـــونـي
يــالله تـعــــز. اهـــل الجـمــالات والـجــــود = اللــي بطـيــب افـعــــالـُـهـــم يـكــبــرونـــي
عـسـى الفخــــر لاهــل الفخـر دايـم ابــزود = ‎اللــي لــســـادات الـعـــــرب يـنـتــمـــونـي
اخــوان نــوره مـلـتــجــى كـــل. . مظهـود = لابـــةً هــــل العـــوجــا طـــوال.. الـردونــي
وان مـــر ذكــر المـمــلـكــه نـذكــر العـــود = اللــي بــهــا وحّــد جـــمـيـــع الـركـــونــيّ
عـبــد الـعـزيـز اللــي لــه الُعـالـم اشـــهـود = فـي حــنكُــتـه وســـــياســتـه يشـــهــدونـي
ســطـر لــه التــاريـخ ســـيره .بـلا احــدود = مـوســوعــةً مــنـهــا الـعــرب يـنـهــلـونــي
أدا الامـانــه والـعــدل ســـــاد يـا ايـســــود = وعــقــب لـيــوثً للــوطــــن يســـهــرونــي
ابــو فهــد ســلمـان فــي عـــزمــــه ايــذود = وشــــعـبــه. مـعـــه لاوامــره يــحـتــرونـي
الـقـايـــد اللــــي كــلبــونــا لــــــه جـنـــود = ‎للمــوت مـن دون الـوطــن يـشٰــــتـرونـــي
بـقـلـوب شــعبـه راعــي الحــزم مــوجـــود = نـحـيـا. ونمــوت . ولا اتخــيـب الـظــنـوني

محمد بن سوعان الربيّع