موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - الشاعر نايف سعود الغضوري يسند على عبدالله بن عبار

( قصائد متبادله )

قال الشاعر نايف بن سعود الغضوري هذه الأبيات يسند على عبدالله بن دهيمش بن عبار :

سـلام من شاعـرٍ مـالـت بـه ظـروفـه *** والـلي يـبـيـه بـمـراده مـا تـهـيـالـه
سـلام يـا شـاعـرٍ لـو عـد مـعـروفـــه *** لـه كفتـن ميّلـت بطـويـق وجـبـالـه
يشـّرف عـيـال وايـل لحـظـة وقـوفـه *** في جزل الأشعار والأخلاق وافعاله
اقـولـهـا والعـرب مـاهـي بـمكـلـوفـه *** كـلـن بعـرفـه عـلى عـقـلـه يـورالـه
الطرقي اللي سرى يمك شف حروفه *** والسر خـلـه مجـود واكـرب حبـالـه
نصيت شـرواك والأتـعـاب مخلـوفـه *** يا معـرب الجـد من عـمه ومن خاله
يفداك اللاش لا غـره بالـزمن شوفـه *** دايـم يسوق الأعـذار لـمـن تعـنـالـه
يابن دهيمش وفيـت وجتـك مردوفـه *** مـا تقـبـل العـذر للمحتاج واحـوالـه
فـزعـتـك دايـم تـبـل كـبـود ملـهـوفـه *** ينخـاك ابن عم وارسلها لك ارساله

قال عبدالله بن دهيمش بن عبار رد على نايف بن سعود الغضوري :

الله يجيرك من غثا الوقت واصدوفه *** يا نايف الغضوري مـاني لكـم زالـه
لاشك يا مسندي وقـتي بـه أحـفوفـه *** يفداك من شح يا أبن العود في ماله
وش حيلتي كان الزمن جـرّد سيوفه *** من يشتكي لوعـته مـا ينسمح بـالـه
منصاك مابـه عن بـني جلدته نـوفـه *** ألا الـذي سبـب احـراجـه وغـربـالـه
السمعه الـلي حـملهـا تتعـب اكتوفـه *** مثل الحمل يبرك به الحيص ما شاله
يا مكثـر الـلي يكتـم الهـم في جـوفـه *** الكـل يشكي نـكـاد الـوقـت وأهـوالـه
بالناس من وقـتـه تـوطـاه بـظلـوفـه *** وخـلاّه ما يقدر عـلى عيشة عـيـالـه
مـا يـدرك الطايله مـن قـل مصروفه *** وأن راد مقصد حداه العسر ما نـالـه
ومن باد حيله ما قـدر يقمز الطوفـه *** نطلب عسى رب الملأ يلطف بحـالـه
لاشك مانبدي على الماضي احسوفه *** العبـد يعـرف يا أبن الأجواد منـزالـه
مـا صـار بالبصـره وبغـداد والكوفه *** كـمـا تـشـاهـد يـفجـع الغـافـل الـدالـه

سبق وأن قلت من أحد قصائدي :
كـم واحـدن يشـكي عـلـيـه هـمومه *** لاشـك أنـا مـن اشتكي لـه هـمومي
اشكي على اللي تدي الناس صومه *** الـواحـد الـلي بالخـلايـق رحـومي
بعض المطالـب في دوايـر حكـومـه *** والـكـل مـنـا بـالـنـظـام محـكومـي
وقلت من قصيدة :
الشعـر الـلي يقضي لـوازم لمحتـاج *** عـنـه الكـرامـه والشهامـه نهـتـني
أبي اعتزل ما شفت بالشعر مخراج *** غـيـر البـلايش مـن وراه ابلشتـني
وقلت من قصيدة :
أبعـد عـن الـلي مـا يـدانـون طـاريـك *** تـرهـم يعيبونـك لـو أنـك كحـيـلان
واليا ضهر علمك تـرى الناس توذيك *** أحفظ كرامة سمعتك قدر الأمكان