موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

كون الصفاوية

لاندري بالتحديد متى حدثت هذه المعركة ولكن على وجه التقريب بعد سنة 1920مـ بسنوات قليلة لقتل أحد الأعلام في هذا التاريخ . وتسمى سنة أبو عكالة لسبب طريف بهالمعركة.هذي للمصاعب من الصقور .... كسروا ابن رشيد بالصفاويات وهم اربعين خيّال.

ابن رشيد صايلن من الشرق على وديان عنزة , ماجاهم من حايل الظاهر والله أعلم انه مصبحن له ناس بهالكاديار. المصاعب نازلينن الصفاوية مثل أمس وجابهم الله له. وهم نزلين ناس مع الشيخ النبيقي الزوين بالصفاوية وناس مع الأمير هادي ابن نمران اخو طفلة بالصفاوية الثانية.

البل معقلة عند البيوت وهم بالشتاء شلتا بررررد والبل على بعضها. مع فجة النور ابن رشيد مبنن خايمه والصباح على راس النبيقي , وعيال مصعب تصايح هاتي المفتاح هاتي المفتاح , والبل عيت لاتثور , راعين للنبيقي سليماني يصيح لهن وهن على بعضهن من البرد , والحريم يضربن بالتنك ..... والسليماني مانا حلو حسّه يصيح لهن ويالله ......وهن يثورن.

ويتقفونهن عيال مصعب , ويعيون بهن ... عجزوا لاياخذون الحويّر , وهم واياهم ... ياما جت فزوعهم من الصفاوية الثانية (هاللي يقول قالوا تراها معبية) , ويشيلونهم على منقية ابن رشيد ... ياما ضربوا البيرق , ويقوم حظهم ويكسرونه, ويعجلونهم عن الشيل وترك ابن رشيد حدى خيامه .... واخذها دليبح النغيمشي من شيبان المصاعب.

وما بالمصاعب قصّاد , ولكن يسرح عندهم مسيب الشملاني ... يقصد بالمصنع
يقولون النمران ان القحطة شرطوله فمدح فرسانهم .

يقول مسيب الشملاني من نوع قصيد الدحة :

كونك علينا ياسيدي *** أخبث من كون الرشيدي *** صبحنا بالصفاوية

خيله عيت تلاعب *** من ضرب عيال المصاعب *** قالوا تراها معبية

ان جت جموعن تبارى *** ونعمن بعيال النمارى *** ياسباعن حلت بظبية

قرينك يارمح أبو هفة *** اللي للسربة يسفه *** سفة قطعانن بهيفية(1)

الا أنتي مهيرة عقيلي *** نهار الهية ثقيلي *** ايحداها على المنقية(2)

الطيب علمه يبيني *** ونعمن بحبس الكميني *** ماجتك فعول أخو حمية(3)

1) أبو هفة : فارس الصقور وبطلهم وحامي ساقتهم "السبع الأدرع" كما يسميه أعدائه فيحان الكليتة من القحطة يسمونه الصقور المتلطم لايكاد ينزع اللطمة عن وجهه , وفعله في هذا اليوم وغيره مشهود , يعتزي بالمعارك بأبنته هـفـة , من صفوة فريّس عنزة في عصرة رحمه الله.
2) هو عقيل ابن مساح من القحطة من فريس المصاعب.
3) أخو حمية هو حماد بن صقر من الخالد من القحطة من فريس المصاعب.

شكرا ً