موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - مساجلة بين مبارك العليان وعبدالله بن عبار

هذه القصيدة وصلت بصوت صاحبها عبر اليوتوب من نظم الشاعر مبارك بن عليان الشمري
من حاضرة شمر بالقصيم بقول :
يا الـلـه يالـلي لخملـة الـعـبـد سـتـار *** يا رب مـا كـنّـه ضـميـري عـلـمتـه
ومن بعد ذكر الله بـديت انظم أشعار *** من خاطـري قـلـت القصيد ونظمته
قـم يـا نـديـبـي وأتـجـه لأبـن عـبـار *** مـن فـوق جـمس يطـربـك لا نهمته
تـلـفـظ شكـامينـه مـثـل واهـج النـار *** يوصـل بعـيـد الـدار لامـن دحـمـتـه
مـتعــّود لـقـطـع الفـيـافي والأقـطـار *** عـلـيـه قـرم يـنـفـعـك لا خـدمـتــــه
تـلـقـا الـدلال مـراكـيات عـلى الـنـار *** وتقـلـط عـلى كـبش كبيـره شحمته
قـرم مـن الـويـلان لـلـحـيـل جـّـــزار *** مـا داس في مجلس جنابـه رخمته
ومن الكـلام الطيـب صايـر لكـم كـار *** فـعـلـن قـديـم مـن جـدودك لـزمتـه
الـشـاعـر الـلـي بـالتماثـيـل بـيـطـار *** لـو مـا يـرد الـقـاف بـالـحـال لمـتـه
عطه الجواب وهات لي رد الأخبـار *** متعـوب بالمـمشـا ودربـك فـهـمـتـه
وش حيلتي لا صرت بالحيل محتار *** بالـلي تـغـيّـر فـي كـلامـه وصـمـتـه
ضيعت يوم الماء عـلى حلق الأبـار *** حـبـل الـمـوده بـيـنـنـا مـا حـسمـتـه
والـله لو أنه من وراء ضلع سنجار *** لـو ينقـطع حـبـل الـمـوده لـحـمـتـه
وأعرف ترى من حط بالقلب مسمار *** من كـثـرة الحـرمـان قـلبي دهـمته
أعطيه عن حالي بعض موجز أخبار *** لوهو مجـرّب بالهـوى ما صدمتـه
أقـطـع عـلى شانـه بعـيـدات الأسفـار *** لـو شفـت حـالي يالسنافي رحمته
يـلـبـس سـواد وداخـلـه تـقـل جـمـار *** الصـوره الـلي فـي خيالي رسمتـه
ما أقدر عـلى بعـده ولـو كنت صبّـار *** والـهـوه الـلـي بـيـنـنـا مـا ردمـتـه
ماني ولـد عـفـن مـن الـغبـن صبّـار *** وحـبـل الـمـوده بـيـنـنـا مـا هـدمته
كتمـت مـابي خايـف هـرج الأشـرار *** يـبـيـن لـو أنـي بـغـيـت وكـتـمـتـــه
وش قولتك بالـلي عليه الزمن جـار *** عـطني الجـواب وفزعتك لا عدمته
وختامها صلـوا عـلى سـيـد الأبـرار *** نـبـيـنـا الـهـادي بـذكـره خـتـمـتـــه

قال عبدالله بن دهيمش بن عبار هذه القصيدة رداً على قصيدة الشاعر مبارك بن عليان :
يا مـبـارك عـليـان يا نسـل الأحـرار *** فـرصت جوابـك يالـزميـل اغـتنمته
مالي جـدى ألا اكـرر القـاف تـكـرار *** الـراء حـرفـه مـن خـيـالي خصمته
من كثـر ما جاني عـلى قـاف عـبّـار *** يامـا كتبـت مـن الحـروف وطخمته
لـكـن تـقـول أنـي بالأشعـار بـيطـار *** وتقـول كـانـه مـا أرسـل الـرد لمتـه
ونـويـت أشـد من السريعات فكسار *** جـاهـز مـجهـز والـدريـول زهـمتـه
العـالـم الـلـه يـوم يسرع مـع الـقـار *** مثـل العـزوم الـلي بسوطك رشمته
قـلـت استـعـد وقـال حاضر للأسفـار *** مشتـاق لـلسـجـات والـلـيـل نـمـتـه
قـلـت أسـر لبريـده قـبـل فـج الأنوار *** مشي الفجـر يعجـبك كانـك جهمتـه
تـلـفي مـبـارك ريـف مـن جـاه زوّار *** أخو منصور الـيا عـرفتـه حشمتـه
وأن جاك يا مبارك كتابي والأسطـار *** كـز الخـبـر أن الخـطـاب استـلمته
سـلايـل عـلـيـان زاكـيـن واخـيـــــار *** بالصدّق طاري مدحهم ما زعـمتـه
مـن شـمّـر الغـلـبـا بعـيـديـن الأذكـار *** أدخل عـلى الـلـه حقّهم ما هضمته
رجـالـهـم يـفـرح الـيـا جـوه خـطّــار *** يـوم الـردي لا ضيف تـارم عـلمته
يا مبارك كان أنك من الوضع محتار *** بالخل اللي من جملة البيض رمته
عـنـدي نصيحه كـان تقبل بالأشـوار *** دامـه جـفـاك وصـد كيـف أحترمته
شف العوانس يا فـتى صارن اكثـار *** أخـتـار عـمهوجـه تسّـرك اطخـمته
وأيـاك لا تجهـل تـرى الـزيـن غـرار *** شـفّـك تـنـالـه كـان قـلـبـك حـكمتـه
فيما مضى العاشق من الوجد ينهار *** والـيـوم قـلّـت يالسنافـي اطـعـمـتـه
كـانـوا يجـوبـون الفيـافي والأقـفـار *** والـبـر تـعـرف قشعـته مع رضمتـه
واليوم بس أشباح من دونها أسوار *** مثـل الحفـاد الـلي بـدربـك عـقمتـه